Bidasoa

2024/11/19 - 23:48

Bidasoak Glogown irabazi egin du, 28-35, eta EHF Europako Ligako hurrengo faserako sailkatu da

Euskal taldea nagusi izan da Chrobry Glogowren aurka, eta garaipena eskuratu du. D multzoan, Bidasoak eta Ystads IFk lortu dute sailkatzea txapelketako txanda nagusirako; datorren asteartean, Artalekun jokatuko duten Bidasoa-Ystads IF partidako puntuek txanda nagusi horretarako balio izango dute.

2024/11/19 - 11:02

Chrobry Glogow vs Bidasoa Irun partida, gaur, zuzenean, eitb.eus-en eta ETB4n

Irungo taldeak Polonian jokatuko du Europako Ligako multzoen faseko bosgarren jardunaldiko partida. Garaipenak final-zortzirenetarako txartela emango lioke Bidasoari. Neurketa 20:45ean hasiko da.

2024/10/30 - 11:41

Asier Nieto: ''Sendo aritu gara lehen minututik, eta hori izan da gakoa''

Asier Nieto Bidasoa Irun taldeko jokalaria pozik agertu da Europa Ligan Constanta mendean hartu ostean, Artalekun.

2024/10/30 - 01:05

Bidasoak, partida ederra eginda, CSM Constanta menderatu du, 37-25, eta multzoko lider da EHF Europako Ligan

Alex Mozasen taldeak nagusitasun handiz hartu du mendean, Artalekun, aurreko astean, Errumanian, 35-30 garaitu zuen aurkaria. Multzo faseko lau jardunaldi jokatuta, Bidasoa lehen postuan da, berean.

2024/10/29 - 12:58

Bidasoa Irunek dena du jokoan Europan, Constanta errumaniarraren aurkako partidan

EITBk norgehiagoka zuzenean ikusteko aukera emango du Artalekutik, ETB4n eta eitb.eus-en, 20:45etik aurrera.

2024/10/22 - 23:17

Bidasoak CSM Constantaren etxean galdu du, 35-30, eta aurrenekoz atera da galtzaile EHF Europako Ligan

Errumaniako taldea euskal taldea baino hobeto aritu da, eta Bidasoak, horrenbestez, txapelketako multzo fasean, garaipen, berdinketa eta porrot bana ditu, oraingoz. Bidasoaren multzoan, lau taldeek dituzte hiruna puntu, eta euskal taldea bigarren postuan da.

2024/10/22 - 15:06

Bidasoa Irunek garaipena bereganatu nahi du CSM Constantaren kontra, multzoko lidertza sendotzeko

Irungo taldeak Errumanian jokatuko du European League txapelketako D multzoko hirugarren jardunaldiko partida. Norgehiagoka zuzenean eskainiko dute eitb.eus-ek eta ETB4k, gaur, 18:45ean.

2024/10/16 - 16:38

Asier Nieto: ''Oso sendo ibili gara defentsan, eta hori gakoa izan da''

Bidasoak Ystads IF menderatu du bigarren zatian (23-29), eta lider da EHF Europako Ligako bere multzoan. Asier Nieto jokalaria pozik agertu da taldeak egindako lanarekin.

2024/10/15 - 22:43

Bidasoak Ystads IF menderatu du bigarren zatian (23-29), eta lider da EHF Europako Ligako bere multzoan

Alex Mozasen taldeak gol bateko desabantaila zuen atsedenaldian, 14-13, baina bigaren zatian, 9-16ko partziala eginda, garaipen bikaina erdietsi du.

2024/10/14 - 14:12

Iribar: ''Ez da erraza izango, baina partida ona eginez gero, bi puntuak eraman ahal izango ditugu''

Gipuzkoako taldeak urriaren 15ean Ystads IF taldearen kontra jokatuko duen Europako Ligako 2. jardunaldiko neurketari buruz hitz egin du Asier Iribar Bidasoa Iruneko jokalariak.

2024/10/09 - 15:15

Bidasoari Chrobry Glogowen aurkako partidako azken hasperenean berdinketa eman dion gola

Bidasoa Irunek 33-33 berdindu du Chrobry Glogow taldearen aurka Europako Ligako lehen jardunaldiko partida. Irungo taldeak azken hasperenean lortu du berdinketaren gola, zazpi metroetatik.

2024/10/09 - 11:24

Asier Nieto: ''Ez dugu amore eman azken segundora arte, baina asko dugu hobetzeko''

Bidasoak hogeita hamahiruna berdindu du Chrobry Glogowren aurka, EHF Europako Ligako multzo faseko lehenengo jardunaldian. Azken unera arte ez dutela etsi azpimarratu du Asier Nieto jokalariak.

2024/10/09 - 00:57

Garaipenaren zaporea duen berdinketa lortu du Bidasoak EHF Europako Ligako lehen jardunaldian (33-33)

Partida bikaina jokatuta, Chrobry Glogow aurkari, Gipuzkoako taldeak neurketako azken jokaldian eskuratu du berdinketa; azken minutuan, Bidasoak bi gol egin ditu, eta meritu handiko puntua batu du.

2024/10/07 - 13:31

Mujika: ''Artalekun puntu guztiak ateratzea da helburu nagusiena''

Julen Mujika Bidasoa Irun taldeko jokalariak prentsaurrekoan hitz egin du urriaren 8ko Chrobry Glogow taldearen aurkako European Leagueko partidari buruz. Gogotsu eta ilusioz azaldu da Europako erronkari aurre egiteko.

2024/08/23 - 19:12

Bidasoa Irunek Theodoros Boskos greziarra fitxatu du, Tito Diazen epe luzeko baja ordezkatzeko

23 urteko jokalariak ondo ezagutzen du Asobal Liga; bi urte eman zituen Ademar Leon taldean eta Club Balonmano Angel Ximenez Puente Genil taldean aritu zen iragan denboraldian.

2024/07/19 - 16:00

Bidasoa Irunek badaki nortzuk izango diren bere aurkariak European League txapelketan

Bidasoa Irun D multzoan lehiatuko da, eta ondoko taldeak izango ditu aurkari: CSM Constanta, KGHM Chrobry Glogow eta Maritimo da Madeira Andebol SAD eta Ystads IF HF taldeen arteko kanporaketako irabazlea.

2024/06/27 - 22:41

Fernando Bolea hil da, Bidasoa Irun taldeko jokalari eta entrenatzaile historikoa

Bolea Zaragozan hasi zen eskubaloian jokatzen, bere jaioterrian, eta 1990ean Bidasoa Irunek fitxatu zuen. Taldera itzuli zen entrenatzaile gisa eta 2016an Asobal Ligara igotzea lortu zuen.

2024/06/21 - 15:10

Europako Eskubaloi Federazioak Txapeldunen Ligatik at utzi du Bidasoa Irun; taldea Europar Ligan lehiatuko da

EHFk ez du Gipuzkoako taldea sartu 2024-2025 denboraldiko Txapeldunen Liga jokatuko dutenen zrrendan. Beraz, Irungo taldeak European League txapelketa jokatuko du.

2024/06/17 - 17:25

Piotr Mielczarski, Bidasoa-Irunen fitxaketa berria

18 urteko jokalari poloniar gazteak datozen bi denboraldietarako kontratua sinatu du klub bidasoarrarekin. 2024-2025 sasoia, BM Guadalajara taldean jokatuko du, utzita.

2024/06/13 - 17:11

Bidasoa-Irunek Txapeldunen Ligan jokatzeko eskaria egin du

Esleitzeke dauden zazpi plazetako bat lortzeko aukera duten hamabi hautagaien artean dago taldea. Zerrenda ofiziala ekainaren 21ean argitaratuko dute.