Bera Bera Europa Ligako final-laurdenetan izango da, azken partida galdu badu ere (29-31)
Super Amara Bera Berak 29-31 galdu du Alemaniako HSG Bensheim / Auerbach Flames talde handiaren aurka gaur Gascan jokatu duen EHF Europa Ligako multzoen faseko azken partida.
Alabaina, Donostiako taldea final-lardunetan izango da, bigarren tokian amaitu baitu multzoen fasea. Atzo, Paris 92 taldeak (multzoko azkena) Fredrikstad talde norvegiarra (multzoko hirugarrena) menderatu zuen, eta, horrenbestez, Bera Berak aurrez ziurtatuta izan du hurrengo faserako txartela, baita Alemaniako taldeak ere, neurketa guztiak irabazi baititu.
Biek ala biek ez zuten ezer jokoan. Hala ere, partida serioa jokatu dute bi taldeek, eta neurketa orekatua izan da lehen zatian.
Van Beurden atezainak min hartu du 8. minutuan, eta kantxatik atera behar izan dute, aieneka. Horixe izan da neurketak utzi duen gertakari txarra.
Imanol Alvarezen neskak ondo aritu dira defentsan, eta alemaniarrak deseroso ibili dira erasoko jokoan. Horrela, gol bateko abantailarekin iritsi da atsedenaldira etxeko taldea (15-14).
Bigarren zatiaren hasieran, Alemaniako taldeak aurrerapausoa eman du, eta konturatu orduko sei goleko zuloa egin du (17-23), ordura arteko oreka hautsita.
Bera Berak ez du asmatu defentsan, ezta erasoan ere, eta, pixkanaka-pixkanaka, Alemaniako taldeak agerian utzi du multzoen fase guztian erakutsi duen nagusitasuna.
Zortzi goleko errentarekin (20-28), partida erabat hautsi dute kanpotarrek, eta lasaitasunez jokatu dituzte azken hamar minutuak.
Edonola ere, Donostiako taldeak ez du amore eman, eta adoretsu eutsi dio bukaera arte. Ezinezkoa izan zaio partida iraultzea, baina aldea murrizteko gai izan da (29-31), eta irudi ona emanda amaitu du norgehiagoka.
Bera Berako jokalariak pozarren agertu dira partidaren amaieran, eta kantxan ospatu dute final-laurdenetarako txartela. Ezustean, jokalari alemaniarrak batu zaizkie, eta elkarri eskuak helduta saltoka eta oihuka hasi dira. Irudi polita utzi dute.
Hurrengo kanporaketan HSG Blomberg-Lippe talde alemaniarra izango du aurkari Bera Berak. Joaneko partida Gascan jokatuko da, martxoren 22an edo 23an; eta itzulikoa, berriz, Alemanian, martxoaren 29an edo 30ean.
Goraipatzeko ibilbidea egin dute orain arte Europan, eta bide horri jarraipena ematen saiatuko dira final-laurdenetan.
FITXA TEKNIKOA:
29 - Super Amara Bera Bera: Prades, Kostic (atezainak); Elba Alvarez (3, bat penaltiz), Tchaptchet (6), Ogonovszky (3), Elke Karsten (bi penaltiz), Arrojeria (1), Laura Hernandez, Menendez (2), Etxeberria (4), Marie Louis (1), Gavilan (2), Arroyo (1), Micaela Rodrigues (1), Erauskin (3) eta Hernandez.
31 - HSG Bensheim/Auerbach Flames: Fehr, Van Beurden (porteras); Berger (3), Hurst (2), Engel (9), Ehlert (1), Soffel, Agwunedu, Friedberger, Irion (10, lau penaltiz), Edita Nukovic, Kretzschmar (3), Ziercke (3), Polsz eta Goldmann.
Markagailua, bost minututik bost minutura: 5-2, 6-6; 7-7; 11-10; 13-11; 15-14; atsedenaldia; 16-18; 17-23; 18-26; 22-27; 29-31.
Epaileak: Michal Fabryczny eta Jakub Rawichi (Polonia). Laura Hernandez, Gavilan, Kretzschmar eta Berger egotzi dituzte.
Zure interesekoa izan daiteke
Bera Bera Europa Ligatik kanporatu dute; Beti-Onakek, berriz, aurrera egin du Europako Kopan
Bera Bera eta Dijonen arteko kanporaketa penaltietan erabaki da (30-26). Beti-Onakek, ostera, kanporaketako bi partidak irabazi dizkio Yellow Winterthur taldeari, eta Europako Kopako final-zortzirenetan izango da.
Imanol Alvarez: ''Defentsan egongo da gakoetako bat''
Super Amara Bera Berak Dijoni egingo dio bisita igandean, Europa Ligan aritzeko pasea lortzeko. Donostiako taldea 3 goleko errentarekin abiatuko da. Kruijswijk min hartuta dago, eta zalantzan dago parte hartzeko moduan izango den. Imanol Alvarezen ustez, defentsan egongo da gakoetako bat.
Anne Erauskin, Bera Berako jokalaria: ''Gakoa lasaitasuna mantentzea izango da''
Hiru goleko aldeari eutsi nahi dio Dijonen Super Amara Bera Berak, joaneko partidako abantaila aprobetxatzeko. Anne Erauskin jokalariak partidako gakoei buruz hitz egin du.
Bera Berak Beti Onak menderatu du derbian (27-30)
Nafarroako taldeak bigarren zati ona egin zuen arren, Donostiakoak izan ziren nagusi, hiru goleko aldeaz, Atarrabian jokatutako partidan.
Bera Berak lehen kolpea eman du Dijonen aurkako kanporaketan (22-19)
Donostiako taldeak 22-19 irabazi dio Dijon talde indartsuari, eta hiru goleko errenta izango du Frantzian jokatuko den itzuliko partida erabakigarrian.
Imanol Alvarez: ''Bi borrokaldi izango direla kontuan hartuta lehiatu behar dugu''
Super Amara Bera Berak Dijon Frantziako talde indartsuaren aurka jokatuko du larunbatean, etxean, EHF Europa Ligako multzoen fasera sailkatzeko kanporaketako joaneko partida. Imanol Alvarezek adierazi du haiek direla, a priori, faboritoak.
Maitane Etxeberria: ''Defentsarekin eta kontraerasora igota min egin dezakegula uste dut''
Super Amara Bera Berak Dijonen bisita hartuko du Gascan, larunbat honetan, EHF Ligako kanporaketetako joaneko partidan. Maitane Etxeberriak neurketa nola ikusten duen azaldu du elkarrizketa honetan.
Bera Berak Iberiar Superkopa irabaziz ekin dio denboraldi berriari
Euskal taldeak ezin hobeto ekin dio 2025-26 denboraldiari; astelehen arratsaldean aurkezpena egin du, Donostian.
Bera Berak erakustaldia emanda irabazi du Iberiar Superkopa
Donostiako taldea hasieratik bukaeraraino izan nagusi, eta 38-21 garaitu du Benfica, Anaitasunan jokatutako finalean, Iberiar Superkopa hirugarren urtez jarraian bereganatzeko.
Bera Berak gaur jokatuko du Iberiar Superkopako finala, Benficaren aurka
Finala Anaitasuna pabiloian jokatuko dute, 20:00etan, eta neurketa zuzenean emango dugu ETB4n eta eitb.eus atarian.