San Juan, Astillero, Tolosaldea, Orio, Hibaika, Donostiarra eta Zarautz sailkatu dira emakumezkoen Kontxako Banderarako
Ostegunean jokatu duten sailkatze estropadan, zazpi klub horiek lortu dute txartela, eta, hortaz, Arraun Lagunakekin batera, Kontxako Banderan izango dira, hurrengo bi igandeetan. Ziabogan, Kaikuk eta Tiranek Zarautzen denbora bera egin dute, baina, bigarren luzean, Enbata Tiran eta Bizkaitarra baino arinago joan da.
Zarautzek zazpigarren postua lortu du, eta, horrela, Kontxarako sailkatu da. Argazkia: EITB.
San Juan, Astillero, Tolosaldea, Orio, Hibaika, Donostiarra eta Zarautz 2026ko emakumezkoen Kontxako Banderarako sailkatu dira, ostegunean; izan ere, Donostian jokatutako sailkatze estropadan, lehen zazpi postuak eskuratu dituzte. Hala, klub horiek, Arraun Lagunakekin batera, Kontxan izango dira, hurrengo bi igandeetan.
Egia esan, sailkatzea lortzeko faborito nagusiek aurreikuspenak bete egin dituzte. Emozioa, hori bai, zazpigarren posturako lehian izan da. Azkenean, Zarautzek erdietsi du hori; Enbata, ziabogan, 5:41eko denbora egin du, eta Tiranek eta Kaikuk, gerora, denbora hori bera izan dute. Itzuliko luzean, Zarautz arinago ibili da, eta, azkenean, Tiran eta Bizkaitarra Kontxatik at gelditu dira.
San Juan izan da onena sailkatze estropadan. Batelerek 10:57 behar izan dute lana amaitzeko; gainerako guztiak hamaika minutuetatik gora aritu dira. San Juanetik oso gertu, eta parean-parean elkarren artean, sailkatu egin dira Astillero eta Tolosaldea (11:00), Orio (11:01), Hibaika (11:02) eta Donostiarra (11:04).
Atzetik, Zarautz 11:06ko denbora eginda helmugaratu da, eta ematen zuen Enbatak txartela poltsikoratuko zuela; Hondarribiak, 11:11 eginda, ez zuen aukerarik. Baina, B multzoko ontziak lehian zeudela, Tiranek eta Kaikuk emozioa jarri dute; lehen luzean, Enbataren denbora bera egin dute biek ala biek. Hortaz, amaierara arte ezin izan du Zarautzek ezer ospatu, Tiran eta Bizkaitarra zazpigarren postua lortzeko moduan baitzeuden.
Tiranek, helmugan, 11:22ko denbora egin du, eta Bizkaitarrak 11:21koa; hala, festak eztanda egin du zarauztarren artean, Kontxan izango baitira.
Txanden zozketa
Sailkatze estropada bukatuta, zozkatu egin dituzte, Donostiako Udaletxean igandean jokatuko duten lehen jardunaldiko txandak. Zozketa horrek zehaztu duenez, Donostiarra, Zarautz, Hibaika eta Tolosaldea arituko dira lehen txandan, eta Orio, San Juan, Arraun Lagunak eta Astillero izango dira bigarrenean.
Zure interesekoa izan daiteke
Honela ospatu dute Zarauzko arraunlariek eta zaleek Kontxako Banderan izango direla
Ostegunean egindako sailkatze estropadan, Enbatak zazpigarren postua lortu du, eta, horrenbestez, Kontxan izango da. Estropada amaituta, Zarauzko arraunlariek eta zaleek pozarren ospatu dute hori.
Gertu eduki arren, bidean geratu dira Hondarribia eta Kaiku
Eskutik joan zaie Hondarribiari (zortzigarren) eta Kaikuri (bederatzigarren) Kontxako lehian aritzeko aukera. Erroxe Amunarrizek, burumakur, egindakoa onartzea besterik ez zaiela geratzen azaldu du. Ainhoa Escobal, berriz, pozik agertu da lortutako emaitzarekin.
Donostiarra eta Zarautz une gozoan, Kontxako lehiarako sailkatu ostean
Zarautz eta Donostiarra seigarren eta zazpigarren postuan sartu dira Kontxako Banderaren sailkapen estropadan. Biak ala biak Igandean gozatzea dute helburu, baita ahal bezain postu onenean amaitzea ere, noski.
ZUZENEAN: Kontxako Banderako emakumezkoen sailkatze-estropada
Ikusi, zuzenean, 2026ko Kontxako Banderaren emakumezkoen sailkatze-estropadaren emisioa, irailaren 3an, 17:40tik aurrera. Tolosaldea, San Juan eta Orio dira faboritoak, eta Astillerok, Hibaikak eta Donostiarrak ere aukera dute sailkatzeko. Horietako guztietako baten batek ez balu maila emango, hortxe izango dira Hondarribia, Zarautz, Zumaia, Perillo eta Chapela, igandean Donostian izateko prest.
2026ko Kontxako Banderaren emakumezkoen sailkatze estropadaren irteera ordena
Irteeran lehena Hibaika izango da, eta Amegrove arduratuko da erlojupekoa ixteaz.
San Juan eta Zarautz, Kontxako Bandera lortzeko zorian
San Juan eta Zarautz Kontxako Banderarako sailkatzeko zorian izan dira, zortzigarren eta bederatzigarren postuetan, hain zuzen ere. San Juango arraunlari den Jon Arbonak azaldu du Ligan zentratu direla eta Kontxan sorpresa ematera etorri direla. Zarauzko Axi Manterolak, berriz, egindako estropadak play-offerako konfiantza emango diela dio.
Lekittarra eta Ondarroa olatu aparretan, Kontxarako azken bi postuak lortu dituzte eta
Lekittarra eta Ondarroa izan dira Gizonezkoen Kontxa Banderako sailkatze estropadako seigarren eta zazpigarrenak. Xanet Gimenorekin (Ondarroa), eta Iñaki Goikoetxea Saguarekin (Lekittarra) egon gara, biak pozik daude, eta datorrenari begira.
Zierbena, Orio, Hondarribia, Bermeo, Getaria, Lekittarra eta Ondarroa gizonezkoen Kontxako Banderarako sailkatu dira
Asteazkenean egindako sailkatze estropadan, zazpi klub horiek lortu dute txartela; Donostiarrarekin batera arituko dira hurrengo bi igandeetan, azken hori sailkatuta baitzegoen. Zarautzek gertu izan du sailkatzea, baina, azkenean, ezin izan du hobetu Ondarroak egindako denbora.
ZUZENEAN: Kontxako Banderako gizonezkoen sailkatze-estropada
Ikusi, zuzenean, 2026ko Kontxako Banderaren gizonezkoen sailkatze-estropadaren emisioa, irailaren 2an, 17:40etik aurrera. Aurreikuspenen arabera, Oriok, Zierbenak, Bermeok, Getariak eta Hondarribiak aukera handiak dituztela sailkatzea lortzeko, eta Lekittarrak eta Ondarroak ere, esperotako mailan egotekotan, sailkapena lor dezakete. Alabaina, Santurtzik, San Juanek, Aresek, Chapelak, Deustuk eta Zarautzek aukera dute aurrekoak estutzeko.