Orio, Tolosaldea, Donostiarra, Hibaika, Hondarribia, Astillero eta Zumaia, Kontxarako sailkatuta
Orio, Tolosaldea, Donostiarra, Hibaika, Zarautz, Hondarribia eta Astillero taldeek Kontxako Bandera lehiatzeko txartelak eskuratu dituzte. Hala, bada, Arraun Lagunakekin batera lehiatuko dira, Donostian, hurrengo bi igandeetan; irailaren 7an eta 14an.
Oriok ezarri du marka onena (11:42.50) Donostiako badiako ur nahasietan. Bigarren postuan amaitu du Tolosaldeak (11:49.24) eguneko garailea 6 segundora zuela. Tolosako taldeak baino bost segundo gehiago behar izan ditu Donostiarra (11:53.54) hirugarrenak. Laugarren marka onena Hibaikarena (11:59.90) izan da.
Zarautzek bosgarren marka onena (12:00.58) egin du uretan, baina estatxa behar baino lehenago askatu du irteeran, eta, hori dela eta, epaileek 10 segundoko zigorra ezarri diote, eta Kontxarako txartelik gabe geratu dira. Zigorra kontuan hartuta, bederatzigarren izan dira zarauztarrak.
Zarautzi ezarritako zigorraren kari, zazpigarren postuan amaitu du estropada Zumaiak, sailkatzea bermatzen zuen azken postuan. Zumaiarrak 12:05.90eko markarekin sailkatu dira Kontxako Banderarako. Hondarribia (12:02.90) bosgarren izan da, eta Euskotren Ligari eustea lortu ez arren, Kontxako Bandera eskuratzeko lehian egongo da.
Eguneko ezustekoetako bat Astillerok eman du. Kantabriako taldea seigarren izan da azken sailkapenean, 12:04.30eko marka eginda; ondorioz, Gipuzkoako zazpi talde eta Kantabriako bat ariko dira Kontxako Bandera irabazteko lehian, hurrengo bi igandeetan.
Txanden zozketa
Sailkatze-estropada bukatuta, irailaren 7ko lehen jardunaldiko txandak zozkatu dira. Lehenengo txandan lehiatuko dira: Astillero, Donostiarra, Tolosaldea eta Arraun Lagunak. Bestalde, bigarren txandan ariko dira, nor baino nor gehiago: Hondarribia, Hibaika, Zumaia eta Orio.
Sailkatze-estropadako sailkapena:
Zure interesekoa izan daiteke
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".
Jon Olasagasti Orioko presidenteak arraunlarien heldutasuna eta Iker Zabalaren lana nabarmendu ditu
Klubeko zuzendaritzak bigarren urtea du karguan, eta arraun elkarte osoaren maila igotzea dute jarraitu beharreko norabidetzat, Orioko presidenteak azaldu duenez.
Itziar Eguren, Arraun Lagunakeko presidentea: ''Donostian ere ikasten hasi gara Kontxa ospatzen''
Kontxako laugarren bandera irabazi ondoren Arraun Lagunak pozik azaldu da biharamunean. "Pixka bat nekagarria izan da erabat, itsasoa, itsasoa entzutea; guk itsasoan arraunean ez bagenuke jakingo bezala", aurpegiratu du agintariak.
Kontxako Banderaren gizonezkoen palmaresa
Orioko trainerua historiako talderik sarituena da, 33 garaipenekin. Bestalde, Hondarribiak hirutan irabazi du (2018, 2019 eta 2020), Santurtzik (2021) eta Urdaibaik (2022, 2023 eta 2024) hartu zutelarik haren lekukoa.
Kontxako Banderaren emakumezkoen palmaresa
Galizako Rias Baixas eta San Juan dira Kontxako Banderako trainerurik sarituenak, bost garaipenekin. Arran Lagunakek, ordea, azken hiru edizioak irabazi ditu.
Honela jaso du Oriok 2025eko Kontxako Bandera, historian irabazi duen hogeita hamahirugarrena
Aurretik, Orioko arraunlariak elkarrekin dantzan ikusi ahal izan ditugu; Gorka Aranberri patroiak sari bat jaso du, eta, segituan, Eneko Goia Donostiako alkateak emandako bandera astindu du, pozarren.
2025eko Kontxako Banderaren irudirik onenak
2025eko Kontxako Banderaren bigarren jardunaldiak, Arraun Lagunaken eta Orioren garaipenak alde batera utzita, gogoan izateko zenbait irudi ikusgarri ere ekarri ditu; EITBk bideo honetan jaso ditu.
Arraun Lagunakek laugarrenez eskuratu du Kontxako Bandera, beste behin nagusitasuna erakutsita
Juan Mari Etxaberen taldeak ez die inolako aukerari eman aurkariei. Hasi eta segituan atera die traineru bateko aldea Tolosaldeari eta Oriori, eta, azkenean, bi jardunaldiak zenbatuta, 17 segundoko abantailarekin eskuratu du 2025eko Kontxako Bandera.
Arraun Lagunakek eta Oriok irabazi dute 2025eko Kontxako Bandera
Igande honetan jokatu duten bigarren jardunaldian, gizonezkoen estropadan, Orio izan da nagusi, Zierbenaren aurretik, eta garaipena eskuratu du; emakumezkoen estropadan, Arraun Lagunakek lehen jardunaldian erakutsitako nagusitasuna berretsi du.
Maider Bereau: ''Aurten Joanarekin Kontxako Bandera irabaztea oso berezia da niretzat''
Iparraldeko bi ordezkari izan ditu ontzian aurten Arraun Lagunakek. "Joanarekin Kontxako Bandera irabaztea oso berezia da", adierazi du Maider Bereau arraunlariak; izan ere, Joana Halsouet da Kontxako Bandera irabazi duen Iparraldeko lehen patroia.