Arraun Lagunak eta Urdaibai, Kontxako Banderako irabazleak
Arraun Lagunak eta Urdaibai dira 2023ko Kontxako Banderako irabazleak. Donostiako taldea nagusitu da emakumezkoen mailan eta Bermeokoa gizonezkoenean.
Emakumezkoen mailako bigarren jardunaldiko estropadan Arraun Lagunak izan da onena, nagusitasunez garaipena bereganatuta. Lehia parekatua izan da joaneko luzean, baina itzulikoan Donostiako taldeak maila bikaina eskaini du eta garaipenak ez dio ihes egin. Donostiarra izan da bigarren eta Orio hirugarren. Lehen jardunaldia irabazi zuen Tolosaldeak laugarren postuan amaitu du.
Bizi eta indartsu ibili dira arraunean Aarraun Lagunakeko arraunlariak. Hustu egin dira, estropada traineru barrutik ikusten duen EITB Mediaren minikameraren irudiek erakusten dutenez.
Lanak amaituta poza izan da nagusi Arraun Lagunakeko kideen artean. Euskal Telebistak Andrea Astudilloren eta Xubane Undabarrenaren adierazpenak jaso ditu bigarren jardunaldia amaitu ostean.
Gainera, festak eztanda egin du Arraun Lagunakeko kideen artean bandera jasotzerako orduan.
Bestalde, berezia izan da eguna Oriorentzat ere, Nadeth Agirre patroiaren azken estropada izan baita. Agirrek hunkituta erantzun die ETBren galderei.
Gizonezkoen mailan, aldiz, Urdaibaik erakustaldia eman du. Hasieratik jarri da ohorezko txandako estropadaren buruan eta txikitu egin ditu aurkariak. Ondorioz, Kontxako Bandera Bermeora eraman dute. Lehen txandan lehiatu den Zierbena izan da bigarren, Hondarribia hirugarren eta Donostiarra laugarren.
Lan bikaina egin dute Urdaibaiko arraunlariek. Dena eman dute eta EITB MEdiaren minikameren irudien bidez Bermeoko taldekokideek estropada nola bizi izan duten ikusteko aukera izan dugu.
Garaipena lortu ostean, Iñaki Goikoetxearen adierazpenak bildu ditu ETBk.
Bandera hartzeko momentuan poza eta jai-giroa izan dira nagusi Urdaibaiko kideen artean.
Ohiko moduan Kontxako Badian bizitako giroa aparta izan da. Zaleek estropada eremu ingurua koloreztatu dute.
CONTENIDO NO ENCONTRADO
Zure interesekoa izan daiteke
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".
Jon Olasagasti Orioko presidenteak arraunlarien heldutasuna eta Iker Zabalaren lana nabarmendu ditu
Klubeko zuzendaritzak bigarren urtea du karguan, eta arraun elkarte osoaren maila igotzea dute jarraitu beharreko norabidetzat, Orioko presidenteak azaldu duenez.
Itziar Eguren, Arraun Lagunakeko presidentea: ''Donostian ere ikasten hasi gara Kontxa ospatzen''
Kontxako laugarren bandera irabazi ondoren Arraun Lagunak pozik azaldu da biharamunean. "Pixka bat nekagarria izan da erabat, itsasoa, itsasoa entzutea; guk itsasoan arraunean ez bagenuke jakingo bezala", aurpegiratu du agintariak.
Kontxako Banderaren gizonezkoen palmaresa
Orioko trainerua historiako talderik sarituena da, 33 garaipenekin. Bestalde, Hondarribiak hirutan irabazi du (2018, 2019 eta 2020), Santurtzik (2021) eta Urdaibaik (2022, 2023 eta 2024) hartu zutelarik haren lekukoa.
Kontxako Banderaren emakumezkoen palmaresa
Galizako Rias Baixas eta San Juan dira Kontxako Banderako trainerurik sarituenak, bost garaipenekin. Arran Lagunakek, ordea, azken hiru edizioak irabazi ditu.
Honela jaso du Oriok 2025eko Kontxako Bandera, historian irabazi duen hogeita hamahirugarrena
Aurretik, Orioko arraunlariak elkarrekin dantzan ikusi ahal izan ditugu; Gorka Aranberri patroiak sari bat jaso du, eta, segituan, Eneko Goia Donostiako alkateak emandako bandera astindu du, pozarren.
2025eko Kontxako Banderaren irudirik onenak
2025eko Kontxako Banderaren bigarren jardunaldiak, Arraun Lagunaken eta Orioren garaipenak alde batera utzita, gogoan izateko zenbait irudi ikusgarri ere ekarri ditu; EITBk bideo honetan jaso ditu.
Arraun Lagunakek laugarrenez eskuratu du Kontxako Bandera, beste behin nagusitasuna erakutsita
Juan Mari Etxaberen taldeak ez die inolako aukerari eman aurkariei. Hasi eta segituan atera die traineru bateko aldea Tolosaldeari eta Oriori, eta, azkenean, bi jardunaldiak zenbatuta, 17 segundoko abantailarekin eskuratu du 2025eko Kontxako Bandera.
Arraun Lagunakek eta Oriok irabazi dute 2025eko Kontxako Bandera
Igande honetan jokatu duten bigarren jardunaldian, gizonezkoen estropadan, Orio izan da nagusi, Zierbenaren aurretik, eta garaipena eskuratu du; emakumezkoen estropadan, Arraun Lagunakek lehen jardunaldian erakutsitako nagusitasuna berretsi du.
Maider Bereau: ''Aurten Joanarekin Kontxako Bandera irabaztea oso berezia da niretzat''
Iparraldeko bi ordezkari izan ditu ontzian aurten Arraun Lagunakek. "Joanarekin Kontxako Bandera irabaztea oso berezia da", adierazi du Maider Bereau arraunlariak; izan ere, Joana Halsouet da Kontxako Bandera irabazi duen Iparraldeko lehen patroia.