Orio Euskotren Ligako titulua lortzetik pauso bakarrera, Ondarroako Bandera bereganatu ostean
Oriok nahikoa du bihar Arraun Lagunaken aurretik geratzearekin Euskotren Liga irabazteko. Ondarroako banderan gailenduta, horizko emakumeek zazpi puntuko aldea dute bigarren sailkatuekiko eta zortzi puntuko abantaila nahikoa dute liga bereganatzeko.
IV. Ondarroako Banderan hasiera parekatua eman diote estropadari Euskotren Ligako ontziek. Segundo baten gora behera ibili dira lehen luzean Orio eta Arraun Lagunak eta ez batak ez besteak, ez du abantaila esanguratsurik lortu. Hasierako metroetan Arraun Lagunak aurretik joan den arren, ziabogan Oriok izan da azkarrena (5:21). Segundo batera sartu da Arraun Lagunak. Donostiarra izan da hirugarren, maniobran Oriorekiko hiru segundora eta Tolosaldea, berriz, sei segundora.
Ziabogan hasi da Orio zuloa zabaltzen, izan ere maniobra bukatzerako bi segundo ateratzen zizkion Arraun Lagunaki. Hortik aurrera distantzia mantentzen eta zertxobait handitzen jardun dute. Arraun Lagunakek gertutik jarraitu baditu ere, 10:38ko marka egin dute oriotarrek helmugan, Arraun Lagunakek baino 3 segundo gutxiago. Donostiarra 5 segundo beranduago sartu da; azkenik, Tolosaldea 10 segundora.
Zure interesekoa izan daiteke
Iñaki Elorza: “Errotazioak eginda txalupa ondo ibiltzea oso garrantzitsua da guretzat”
Iñaki Elorza, Orioko arraunlariari, gaurko estropada lurretik ikustea tokatu zaio. Hala ere, oso kontentu dago bere taldearen garaipenarengatik eta, bereziki, traineruak erakutsi duen mailarengatik, nahiz eta arraunlari aldaketak egin azken estropadarekin konparatuta. Hurrengo estropadetan ezin direla lasaitu ere esan du, beste ontzien maila oso altua baita.
Xanti Zabaleta: “Ilusio handiz gaude, etxeko estropadan gure lana erakutsi nahi dugu”
Hamairu arraunlari berri ditu Oriok aurtengo denboraldian, eta igandean etxean ariko da Euskotren Ligako estropadan. Denboraldiko hitzordu berezienetako bat izango da oriotarrentzat, zaleen aurrean lehiatzeko aukera izango baitute. Xanti Zabaleta entrenatzaileak adierazi duenez, taldeak ilusioz bizi du etxeko estropada. “Etxeko parrokiaren aurrean denboraldi hasieratik egindako lana erakutsi nahi dugu, baita taldeak dituen gogoa eta ilusioa ere”, esan du Zabaletak.
Euskotren Ligako Orio taldeko 16 arraunlarik oharra kaleratu dute, Zuzendaritza kritikatuz
Oharrean diote Zuzendaritzak zalantzan jarri duela eta ez dituela baloratu taldeak 2025eko denboraldian egindako lana, lortutako emaitzak eta izandako profesionaltasuna. Horrez gain, salatu dute gutxietsiak izan direla emakumeak izateagatik.