Arraun Lagunakek, hamabitik hamabi
Arraun Lagunakek ez die atsedenik eman aurkariei, eta igande honetan Orioko uretan jokatu den Euskotren Ligako Orio Kanpina Bandera ere irabazi du. Beste behin ere, sailkapen nagusiko liderra nagusi izan da itsasoan, eta hamabigarren garaipena lortu du jarraian, ohorezko txandan nagusituta.
Orion lehiatu diren lehenak Hibaika, Hondarribia, Cabo eta Tiran izan dira. Hondarribiak aurretik egin du lehen ziaboga, 9 segundoko aldea lortuta eta gainerako traineruak atzean utzita. Bigarren luzean, Hondarribiak abantaila handitu du, eta 11 minutu eta 26 segundoko denborarekin bukatu du lana. Hibaika izan da bigarren 14 segundora; Cabo hirugarren 29ra, eta Tiran laugarren 42ra.
Ohorezko txandan, Tolosaldea, Arraun Lagunak, Orio eta Donostiarra aritu dira. Orio oso ongi atera da, eta abantaila atera die beste traineruei. Lehen ziabogan, Orio jarri da buruan, 5 minutu eta 15 segundoko denborarekin. Hala ere, Arraun Lagunakek ezin hobeto erreakzionatu du, eta bigarren luzean estropadaren buruan jarri da eta bere nagusitasuna erakutsi du.
Azkenean, Arraun Lagunakek 11 minutu eta 9 segundo behar izan ditu lana amaitzeko, Tolosaldea (+06.48), Orio (+09,26) eta Donostiarra (+19,10) traineruen aurretik.
Astudilloren ontzia Euskotren Ligako liderra da, sendo, eta gero eta alde handiagoarekin. 96 puntu ditu jada, Tolosaldeak 73 ditu eta Oriok 70.
Zure interesekoa izan daiteke
Xubane Uribarrena: “Atera dugun emaitza txukunetik gorakoa da”
Kontxako Banderaren lehen jardunaldian, emakumezkoen estropadan, ez da ezustekorik izan: Arraun Lagunak izan da onena, eta bideratuta utzi du bandera preziatua bereganatzeko lehia. Tolosaldea (+9), berriz, bigarren izan da, eta datorren igandeko jardunaldi erabakigarrian Euskotren Ligako txapeldunari garaipena garesti saltzen saiatuko da.
Itziar Eguren: “Kirikoren marka berdintzen saiatuko gara; gera dadila beste Kontxa bat Donostian”
Arraun Lagunakek bosgarrenez irabazi du Liga, laugarrena jarraian. 15 bandera lortuta, garaitezinak dira. Itziar Eguren Arraun Lagunaken presidenteak azaldu du orain Kontxaren bila joango direla.
Donostiak Euskotren Ligako titulua ospatu du Arraun Lagunakekin
Gipuzkoako hiriburuko kluba ezin hobeto aritu da 2026ko Euskotren Ligan: jokatu diren bandera guztiak irabazi ditu, 15, eta txapelketan izandako 16 jardunaldietan gailendu da. Udalbatzak Donostiako Udal Liburutegi Nagusian egin dio harrera igande arratsaldean.
Nagore Osoro: “Etxekoek badakite benetan zenbat kostatzen den"
Nagore Osoro Arraun Lagunakeko patroiak bere inguruko jendeari eskaini dio garaipena.
Amaia Eguren: “Estropada guztiak irabaztea historikoa da”
Donostia Arraun Lagunakeko kidea oso kontentu dago lortu duten errekorrarekin.
Horrela jaso du Arraun Lagunakek Euskotren Ligako garaikurra!
Lugañene ontziko arraunlariek Euskotren Ligan jokatutako bandera eta estropada guztiak irabazi dituzte.
Mar Larrea: “Goazen Kontxaren bila!"
Arraun Lagunakek historia egin du Euskotren Liga irabazita, jokatutako estropada guztietan gailenduta. Donostiarrak oso nagusi izan dira eta pozarren agertu dira Zarauzko bigarren jardunaldiaren amaieran. Liga amaituta, Kontxa da orain helburu nagusia.
Nagore Osoro: “Gaur behintzat emozio pixka bat egon da"
Arraun Lagunakek denborarik onena egin du Zarauzko Ikurrinako lehenengo jardunaldian, San Juanekin lehia estua izan ostean.
Talde giroa eta prestaketa, Arraun Lagunaken bost liga garaipenen gakoak
Ane Sanchez, Aiora Belartieta, Lorea Etxabe, Mar Larrea eta Xubane Uribarrena lekuko izan dira Aurraun Lagunakek irabazitako bost ligetan. Garaipen guzti horien gakoa “talde giro ona” dela adierazi dute, baita prestaketa mental eta fisikoa ere, besteak beste.
Arraun Lagunaken azken metroak Getariako estropadan
Ikusi berriro nolakoak izan diren Arraun Lagunaken azken metroak Euskotren Ligako Getariako estropadan, ontzi barruko kameratik ikusita.