Orio, Kontxan garaile hirugarren aldiz
Oriok bere historiako hirugarren Kontxako Bandera eskuratu du igande honetan, emakumezkoen banderaren 15. ekitaldian. Oriotarrek 2,16 segundoko aldearekin ekin diote lehiari Arraun Lagunakekiko, eta alde horri eutsi eta areagotu egin dute bigarren jardunaldian. Izan ere, oriotarrek irabazi egin dute bigarren jardunaldia ere Lugañene ontziaren aurretik, 14 ehuneneko aldearekin izan bada ere.
Lehen kaletik arraun egin duen Nadeth Agirreren hamalaukoak berehala hartu du estropadaren branka, eta lehen luzearen erdialdera iritsi direnean 3 segundoko aldea zuen Donostiarra ontziarekiko eta 4 Arraun Lagunakekiko. Ziabogan tarteak gora egiten jarraitu dute; horiek 5:11 markatu baitute, eta haien atzetik 5 segundora eta 6ra maniobratu dute aurkariek.
Aitzitik, poparian, Andrea Astudillo gidatutako Lugañeneko arraunlariak (3. kaletik) bizi-bizi etorri dira, eta segundo bakarrera murriztu dute tartea. Are gehiago, azken txanpan parez pare jartzea ere lortu dute, bigarren igandeko estropadari zirrara berezia emanez. Aitzitik, azken txanpan San Nikolasekoak kementsu agertu dira, eta bigarren jardunaldian ere nagusitzeko gai izan dira, bien arteko tartea hutsaren parekoa iza arren. Hala, Oriok 10:36.80ko denboraz irabazi du, eta Arraun Lagunak 10:36.94 egin ondoren sartu da helmugara.
Kontsolazio txandari dagokionez, Tolosaldeak aparteko estropada egin eta nagusitasun osoz gailendu da beste hiru traineruen aurretik (10:45.00). Maialen Amundarainek gidatutako traineruak 13 segundoko aldea atera dio bigarren izan den Hibaikari (11:58.50). Ondoren, Cabo (11:02.94) eta Chapela (11:06.56) Galiziako ontziak sartu dira, 17 eta 21 segundoko atzerapenarekin, hurrenez hurren.
Tolosaldekoen lana hain izan da ona, ezen 2. jardunaldiko hirugarren denborarik onena egin dutela, eta horrek sailkapen nagusian laugarren tokia esrdiestea ahalbidetu die, Hondarribiaren aurretik.
2. JARDUNALDIKO SAILKAPENAK:
SAILKAPEN OROKORRA:
Zure interesekoa izan daiteke
Etxabe, larunbatean gertatutakoari buruz: “Erabakirik zuzenena hartu zen, han ez zegoen girorik arraunean egiteko"
"Pertsonalki, oso harro nago hartutako erabakiarekin", adierazi du Arraun Lagunaken entrenatzaileak, iragan larunbatean, Donostian, bertan behera utzitako estropadari buruz. "Zigorra etortzen bada ere, harro hartuko dut, oso lasai egin dut lo". San Juanen jarrerari buruz: "Beti dago... Ez dut esango ardi beltz bat... Baina azalpenak eman beharko dituzte".
Xubane Uribarrena: “Talde honek zerbait baldin badauka, hori burua da”
Arraun Lagunakeko arraunlariak Getxoko estropadan bizitakoa azaldu du. Bere taldeak lan ona egin duela uste du eta arraunlarien kontzentrazioa goraipatu du. Atzo Donostian izan zen polemikaz ere hitz egin nahi izan du eta oso argi utzi du bere iritzia.
Itziar Eguren, hunkituta: “Enarek ez diote behin ere hegan egiteari uzten"
Arraun Lagunakek irabazi du Bueuko II. Bandeira, eta Euskotren Ligako lidergoa sendotu du. Denboraldiko zazpigarren garaipen honekin, 'Lugañene' ontziak estropada-eremuko errekor berria ezarri du kronometroa 10:25ean geldituta. Itziar Eguren presidenteak, oso hunkituta, zera adierazi du: “Enarek ez diote behin ere hegan egiteari uzten”.
Itziar Eguren: “Gauzak ondo eginda, ez dago sabairik"
Arraun Lagunakeko presidenteak "batuta" ikusten du bere taldea eta nesken lana goraipatu du. Dena irabazten ari dira eta, ondo lan eginda, ez dagoela "sabairik" nabarmendu du.
Xubane Uribarrena: “Normalean, asko kostatzen zaigu Orion irabaztea"
Xubane Uribarrena Arraun Lagunakeko arraunlariak Orio Kanpina Banderan lortutako garaipenaz hitz egin du. Beti kostatzen zaien estropada dela adierazi du, baina lan ona eginez garaitu dutela.
Arraun Lagunaken estropada Orio Kanpina Banderan, minikameratik ikusita
Donostiako ontziak Euskotren Ligako bosgarren jardunaldian irabazitako estropada, ontzi barruko minikameratik ikusita.
Nagore Osoro: “Gauza asko entzuten dira, eta garaipenarekin lasaiago egingo dugu lo"
Arran Lagunakeko patroia pozik agertu da Castroko CaixaBank Bandera irabazi ondoren. Itsaso zakarrarekin, estropada ona egin dutela adierazi du, eta ez dutela "errekan bakarrik" arraun egiten erakutsi dutela.
Arraun Lagunaken azken metroak Petronor Banderan, ontzi barrutik ikusita
Arraun Lagunak taldeak hirugarren garaipena lortu du jarraian Euskotren Ligako lehenengo jardunaldietan. Hauek dira Petronor Banderaren azken metroak, Donostiako ontzi barruko minikameratik ikusita.
Amaia Eguren: “Nire estrenoa izan da Euskotren Ligan eta kriston 'subidoiakin' nago"
Arraun Lagunakek sendo jarraitzen du Euskotren Ligako lidergoan denboraldiko aurreneko hiru estropadak irabazita.
Arraun Lagunaken azken metroak Bilboko Banderan
Arraun Lagunak nagusi izan da Bilboko Banderan ere, 2026ko Euskotren Ligako bigarren bandera bereganatuz. 6 segundoko aldea atera dio helmugan Tolosaldeari, eta 10 segundokoa Hibaikari. Ikusi hemen nolakoak izan diren Lugañenekoen azken metroak.