Euskadiko Traineru Txapelketa jokatuko da igande honetan Getarian
Dozena bat ontzik parte hartuko dute denboraldiko bigarren hitzordu ofizialean, aurreko asteburuan lurraldeko txapelketak egin ostean. ETB1en eta kirolakeitb.eus-en zuzenean ikusteko aukera izango da.
Orio, 2025eko Ondarroako estropadan. Argazkia: TKE.
Euskadiko Traineru Txapelketak jokatuko dira igande honetan Getarian, denboraldiko bigarren hitzordu ofiziala, aurreko asteburuan Bizkaiko eta Gipuzkoako txapelketak jokatu ostean, eta dozena bat tripulazio arituko dira bertan. ETB1en eta kirolakeitb.eus-en zuzenean ikusteko aukera izango da.
Gizonezkoen proba absolutuan, Zierbena, Santurtzi, Getaria eta Hondarribia arituko dira lehen txandan, 12:00etan, eta Urdaibai eta Orio, Bizkaiko eta Gipuzkoako txapeldunak, hurrenez hurren, eta Lekittarra eta Donostiarra txapeldunordeak arituko dira bigarrenean.
Ordubete geroago, emakumezkoen titulua izango da jokoan. Ondarroa, Lekittarra, Tolosaldea eta Hondarribia arituko dira lehen seriean, eta Kaiku eta Arraun Lagunak, Bizkaiko eta Gipuzkoako garaileak, hurrenez hurren, Deustu eta San Juanekin batera lehiatuko dira bigarrenean.
Aurretik, 11:00etan, beteranoen estropadak izango dira jardunaldia irekitzeko: Plentzia, Iberia, Zumaia eta Illunbe arituko dira lehen txandan, eta Mundaka, Getxo, Badok 13 eta Fortuna bigarrenean.
Zure interesekoa izan daiteke
Arraun Lagunak laugarrenez gailendu da Euskadiko Txapelketan
Oriok zortzigarrenez irabazi du Euskadiko Traineru Txapelketa
Xubane Uribarrena: “Banderak irabazten jarraitu nahi dugu, askorentzat aspergarria den arren"
Orio eta Arraun Lagunak, Euskadiko txapeldun
