Txirrindularitza
2025/06/15 - 20:04
Usoa Ostolazak Pirinioetako Tourra irabazi du bigarren urtez jarraian
Laboral Kutxa-Euskadi Fundazioko txirrindulariak larunbatean Soulor mendatean lortutako lidergoa defendatu du, eta iazko garaipena errepikatu du.
2025/06/15 - 15:39
Marlen Reusserrek irabazi du sailkapen nagusia, azken etapan erakustaldia emanda
Marlen Reusser suitzarrak irabazi du 2025eko Suitzako Tourra, azken etapan erakustaldia emanda. Reusser oso nagusi izan da, eta aukerarik gabe utzi du bere aurkari nagusia, Demi Vollering.
2025/06/14 - 20:05
Elisa Balsamok irabazi du 3. etapa, eta Marlen Reusser suitzarrak lidergoari eutsi dio
Lidl-Trek taldeko italiarra izan da indartsuena esprintean, eta Mischa Bredewold herbeheretarra eta Noemi Rüegg gainditu ditu. Sailkapen nagusiari dagokionez, Marlen Reusserrek lidergoari eutsi dio.
2025/06/14 - 19:37
Pogacarrek ia ziurtatuta utzi du Dauphine irabaztea, bere hirugarren etapa eskuratuta
Helmugarako 12 kilometroren faltan, Pogacarrek erasora jo du, eta Jonas Vingegaard (Visma) danimarkarra, bere aurkari nagusia, oraingoan ere ez da gai izan haren mailan egoteko.
2025/06/14 - 19:19
2025eko Dauphine Kriteriumeko 7. etapako azken kilometroa eta Pogacarren erakustaldia
Tadej Pogacarrek beste garaipen bat lortu du Dauphine Kriteriumaren 77. edizioko etapa nagusian. Helmugarako 12 kilometroren faltan, Pogacarrek erasora jo du, eta Jonas Vingegaard (Visma) danimarkarra, bere aurkari nagusia, oraingoan ere ez da gai izan haren mailan egoteko.
2025/06/14 - 17:52
Ostolazak irabazi du Pirinioetako etapa nagusia, eta lider jarri da
Ostolazak erasoa jo du Trie-Sur-Baise eta Col du Soulor (134,6 km) arteko ibilbidearen azken kilometroan, ordura arte berarekin joan diren hiru txirrindulariak atzean utzita.
2025/06/13 - 20:14
Amber Kraak herbeheretarrak irabazi du bigarren etapa; Marlen Reusser suitzarrak jarraitzen du lider
Amber Kraak FJD-Suez Frantziako taldeko txirrindulari herbeheretarrak irabazi du Suitzako Tourreko bigarren etapa, Gstaad eta Oberkirch hirien artekoa, baina Movistar taldeko Marlen Reusser suitzarrak jarraitzen du lider sailkapen nagusian.
2025/06/13 - 19:40
Pogacarrek erasoa jo du Dauphine Kriteriumeko seigarren etapan lidergoa berreskuratzeko
Tadej Pogacarrek irabazi du Dauphine Kriteriumeko seigarren etapa, Valserhone eta Combloux artekoa. Jonas Vingegaard haren gurpilari jarraitzen saiatu da, baina atzean geratu eta minutu batera helmugaratu da.
2025/06/13 - 19:31
Pogacarrek Dauphineko lidergoa berreskuratu du Comblouxen
Lehen etapa irabazi ostean, bigarrena poltsikoratu du gaur, helmugarako 7,5 kilometrora erasoa jota mahaian kolpe bat emanda.
2025/06/12 - 19:33
Jake Stewart izan da azkarrena Maconeko esprintean, Dauphine Kriteriumean, eta Evenepoelek lider jarraitzen du
Trantsizio etapa izan da, lasterketako jardunaldi gogorrenak ostiralean hasiko baitira, eta Israel-Premier Tech taldeko ziklistak lortu du garaipena. Remco Evenepoel azken kilometroan erori egin da, baina etapa amaitu egin du, itxuraz arazorik gabe.
2025/06/12 - 19:21
2025eko Dauphine Kriteriumeko 5. etapako azken kilometroa, esprinta eta Evenepoelen erorikoa
2025eko Dauphine Kriteriuma azken txanpan sartu da. Atzean utzi du 5. etapa, eta bideo honetan ikus dezakezu azken kilometroa, oso-osorik. Irabazlea esprintean erabaki da. Remco Evenepoel liderrak erorikoa izan du azken 1.000 metroetan.
2025/06/12 - 19:07
Reusserrek Vollering gainditu du azken esprintean eta Suitzako Tourreko lehen liderra da
Marlen Reusser suitzarrak (Movistar) eta Demi Vollering herbeheretarrak (FDJ-SUEZ) bakarrik egin dituzte Suitzako Tourreko lehen etapako azken 60 kilometroak. Volleringek hartu du aurrea azken esprintean, baina Reusserrek aurreratu egin du. Irabazi egin du etapa.
2025/06/11 - 19:33
Dauphine Kriteriumeko 4. etapako erlojupekoaren laburpena eta momentu nabarmenak
2025eko Dauphine Kriteriumak atzean utzi du 4. etapa. Banakako erlojupekoa izan da, 17,7 kilometroko ibilbidea izan duena. Bideo honetan ikus ditzakezu momentu onenak.
2025/06/11 - 19:28
Remco Evenepoel bikain gailendu da Dauphine Kriteriumeko erlojupekoan, eta maillot horia eskuratu du
Soudal Quick-Step taldeko txirrindulari flandriarra ezin hobeto aritu da asteazkenean jokatutako 17,4 kilometroko banakako erlojupekoan; Evenepoel, lider berria bera, Vingegaard baino 20 segundo azkarrago ibili da, eta Pogacar baino 48 segundo arinago.
2025/06/10 - 19:12
Ivan Romeok irabazi du Charantonnayn, Dauphine Kriteriumeko hirugarren etapan, eta lider jarri da
Movistar taldeko txirrindulari espainiarra bakarka gailendu da, helmugarako bost kilometro gelditzen zirela erasoa jota; aurretik, eguneko ihesaldian izan da, eta maila bikaina izan du ihesaldi horrek, tartean Lipowitz eta Van der Poel izan direla. Romeok 1:08 atera dio tropelari.
2025/06/10 - 19:09
Dauphine Kriteriumeko 3. etapako azken kilometroa, oso-osorik
2025eko Dauphine Kriteriumak atzean utzi du jada hirugarren etapa. Etapa nahasia izan da, eta ihesalditik atera da irabazlea. Bideo honetan ikus dezakezu azken kilometroa, osorik.
2025/06/09 - 21:01
2025eko emakumezkoen Suitzako Tourreko etapa guztien profilak eta ibilbideak
Lasterketa ostegunean hasiko da, ekainaren 12an, eta igandean amaitu, hilaren 15ean. Lau etapa izango dira; ETB4k zuzenean emango ditu lehenengo hirurak, ostegunean eta ostiralean 15:00etan, eta larunbatean 14:00etan, eta igandeko etapa ETB1en eta eitb.eus-en izango da ikusgai, 12:00etatik aurrera.
2025/06/09 - 19:39
Jonathan Milanek irabazi du Issoireko esprinta, eta Dauphine Kriteriumeko lider jarri da
Lidl-Trek taldeko txirrindulari italiarra nagusitasunez gailendu da lasterketako bigarren etapan, azken kilometroetan taldekideek egindako lan bikaina oso ondo baliatuta; gainsariari esker, sailkapen nagusiko liderraren maillot horia janztea lortu du.
2025/06/09 - 19:33
Dauphine Kriteriumeko 2. etapako azken kilometroa eta esprinta
2025eko Dauphine Kriteriumeko bigarren etapako irabazlea esprintean erabaki da. Bideo honetan duzu ikusgai etapako azken kilometroa, oso-osorik.
2025/06/08 - 20:03
Demi Volleringek irabazi du 2025eko Kataluniako Itzulia, eta Ane Santestebanek laugarren postua lortu du
Azken etapan, Bartzelonan, Loes Adegeest Volleringen taldekidea nagusitu da, esprintean. Santestebanek, lasterketa bikaina eginda, sailkapen nagusiko garailearekiko 03:31ra amaitu du proba.