Paul Seixas Itzuliko etapa nagusian ere jaun eta jabe
Paul Seixasek eta Florian Lipowitzek Izuan gora hautsi dute lasterketa, eta 19 urteko txirrundularia gailendu da Eibarko helmugan, Itzuliko hirugarren garaipena bereganatuta. Minutu batetik gorako atzerapenarekin iritsi dira gainerako faboritoak, tartean Primoz Roglic eta Ion Izagirre.
Paul Seixas, Eibarko helmugan.
Paul Seixas (Decathlon) Itzuliko liderrak irabazi du Eibarren abiatu eta amaitu den etapa nagusia, eta, horrela, hirugarren garaipena eskuratu du edizio honetan, indartsuena eta asegaitza dela erakutsita.
Florian Lipowitz (Red Bull-Bora) eta Javier Romo (Movistar) izan dira bigarrena eta hirugarrena, hurrenez hurren, eta minutu batetik gorako atzerapenarekin iritsi dira gainerako faboritoak, tartean Primoz Roglic (Red Bull-Bora) eta Ion Izagirre (Cofidis).
Eguraldiak lagunduta, eta etapa nagusia izanik, hamaika erasoaldi izan dira, hasiera-hasieratik. Horrela, hainbat txirrindulari ibili dira, une ezberdinetan, lasterketa buruan: Steven Kruijswijk (Visma), Baptiste Veistroffer (Lotto), Kevin Vauquelin (Ineos), Marc Soler (UAE) eta Ben Healy (EF Education), adibidez.
30 bat txirrindularik osatutako talde bat ere joan da aurretik, faboritoak eta tropela atzean utzita. Ahalegin guztiak, baina, alperrik izan dira.
Helmugatik 30 kilometrora hasi da lasterketa erabakitzen, Paul Seixas liderrak Izuan gora erritmoa gogortzea erabaki duenean, hain justu ere. Florian Lipowitzek (Bora), Primoz Roglicek (Bora) eta Ion Izagirrek (Cofidis) soilik eutsi diote haren gurpilari.
Eguneko mendaterik gogorrenaren gaina ihes eginda igaro dute Seixasek eta Lipowitzek. Javier Romok (Movistar), atzetik aurrera bikain abiatuta, harrapatu egin ditu, baina lanik zailena egin ostean, ezustean, Lipowitzen gurpila ukitu du, eta lurrera joan da. Minik hartu ez badu ere, hortxe galdu ditu etapa lehiatzeko aukera guztiak.
Seixas eta Lipowitz ziztu bizian joan dira Eibarrera bidean, nor baino nor gehiago iritsi dira azken kilometrora, eta Frantziako txirrindularia nagusitu da esprintean. Hirugarren etapa bereganatu, eta Itzulia ia erabakita utzi du Seixasek, azken etaparen faltan, indartsuena bera dela erakutsita.
Gaurkoan, Javier Romo izan da hirugarrena (+1:03), eta ondoren helmugaratu da Roglicen eta Izagirreren taldetxoa (+1:11).
Sailkapen nagusiari dagokionez, Seixasen atzetik dira Lipowitz (+2:30) eta Roglic (3:40). Ion Izagirre laugarren postuan dago, baina 10 segundora dauka txirrindulari esloveniarra, eta podiumera igotzeko ahalegina egingo du Itzuliko azken etapan.
Zure interesekoa izan daiteke
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.
Paul Seixasek irabazi duen Itzuliko 5. etaparen laburpena
Paul Seixas (Decathlon) txirrindulari frantziarrak bere hirugarren etapa garaipena lortu du 2026ko Itzulian, Eibarren hasi eta bukatu den bosgarren etapan. 30 kilometroren faltan, ihesaldia jo du Florian Lipowitz (Red Bull) alemaniarrarekin batera, eta bien arteko azken esprintean erabaki da garailea.
Seixasen eta Lipowitzen arteko lehia azken kilometroan
Paul Seixas (Decathlon) Itzuliko liderrak irabazi du Eibarren abiatu eta amaitu den etapa nagusia, eta, horrela, hirugarren garaipena lortu du edizio honetan. Florian Lipowitz (Red Bull-Bora) eta Javier Romo (Movistar) izan dira bigarren eta hirugarren, hurrenez hurren.
Auto batek Markel Beloki jo du!
Itzuliko 5. etapa lehiatzen ari zenean, helmugarako 45 kilometroren faltan, Lidl-Trek taldeko auto batek kolpe bat eman dio Markel Beloki euskal txirrindulariari. Susto galanta hartu du, baina, zorionez, ez da ezer larririk gertatu.
ZUZENEAN: 2026ko Itzuliko etapa nagusia (Eibar-Eibar, 176.2 km)
Ikusi zuzenean Eibarren hasi eta amaituko den 2026ko Itzuliaren 5. etaparen emanaldia. 15:05etik 18:15era arte, jardunaldiak ematen duen guztiaren berri izango duzu.
Pello Bilbao: “Nire mentalitatea, Itzulian, bukaerara itxarotea izan da, indarrak ahalik eta ondoen kudeatzea”
Bahrain-Victorious taldeko txirrindulari bizkaitarra sailkapen nagusiko hamaikagarren postuan dabil, eta maila ona eman du Galdakaoko etapan, Alex Aranburuk garaipena lortu duen egunean.
Ion Izagirre: “Podiuma buruan dudan? Bai, zergatik ez?”
Cofidiseko txirrindulari gipuzkoarra bikain aritu da Alex Aranburu taldekideak irabazitako etapan, Itzulian; Izagirre laugarren postuan helmugaratu da, eta oso garrantzitsua izan da Aranburuk garaipena lortzeko, eta, sailkapen nagusian ere, laugarren dabil.