Paul Seixas izar gazteak beste erakustaldi bat eman du, bigarren etapa garaipena lortuz eta lidergoa sendotuz
Tropelak, Paul Seixas (Decathlon) liderraren taldeak gidatuta, sei txirrindularik osatutako eguneko ihesaldia kontrolpean izan du. Liderrak berak jo du erasoa Aralarko San Migel mendatean eta ihes egindako txirrindulariak atzean utzi ditu helmugatik 25 kilometrora.
Paul Seixas liderra, helmugan. Argazkia: EFE
Paul Seixas (Decathlon) Itzulia Basque Countryko liderrak irabazi du Mendukilloko (Nafarroa) kobazuloetan amaitu den lasterketako bigarren etapa. Bilboko erlojupekoan garaipena lortu ondoren, 19 urte baino ez dituen Frantziako izarrak erakustaldia eman du berriro, bigarren etapa jarraian irabazi eta lidergoa sendotzeko.
Eguneko ihesaldia sei txirrindularik osatu dute ia irteeratik, bigarren kilometroan: Ethan Hayter britainiarrak (Soudal Quick-Step), Raul Garcia Pierna madrildarrak (Movistar Team), Frank Van de Broek nederlandarrak (Team Picnic PostNL), Joan Bou valentziarrak (Caja Rural - Seguros RGA), Iker Mintegi nafarrak (Euskaltel - Euskadi) eta Bruno Armirail frantziarrak (Team Visma | Lease a Bike).
Tropelak, Decathlon taldearen gidaritzapean, ihesaldia kontrolpean izan du une oro, eta Paul Seixas liderraren erasoa prestatu du. Frantziako txirrindulari gazteak Aralarko San Migelen gora jo du erasoa eta behera bota du eguneko ihesaldia, helmugatik 25 kilometrora.
Hala, Aralarko San Migelgo gailurretik 6,5 kilometrora abiatu den erakustaldi handi batekin, helmugatik 27 kilometrora, Seixas bakarrik nagusi izan da 3h:11:48 denborarekin, batez beste 39.3 kilometro orduko abiaduran.
Frantziarrak 1:25 minutu atera dizkio Izagirre, Skjelmose, Uitjdebroeks, Lipowitz eta Budin txirrindulariek osatutako taldetxoari.
Bestalde, Mikel Landak erorikoa izan du Aralarko San Migeleko jaitsieran. Hala ere, Murgiako txirrindulariak gaurko etapa amaitzea lortu du.
Paul Seixas, Itzuliko liderra
Nola egiten duzun ez dakizun egun horietako bat izan da
"Esango nuke hori zela egitasmoa, agian gehiegizkoa izan da hain azkar erasotzea, agian nahi baino lehenago eraso egin dut, baina horrela sentitu eta egin dut. Bizpahiru minutura damutu egin naiz, baina ez nuen beste aukerarik, eta aurrera egin dut amaierara arte", onartu du Seixasek helmugan.
"Plana ahal banuen bakarrik alde egitea zen, edo aurkari batzuekin batera. Hankek erantzun bikaina eman didate; gainera, taldearen lana bikaina izan da. Nire taldekide guztiek lan handia egin dute gaur, tropelaren burua gidatuz eta egun osoan lan eginez; indar gehiago eman didate, besterik ez", zehaztu du 19 urteko txirrindulariak.
Seixasek 2014ko Espainiako Vueltan Fabio Aruk Aralarko San Migelen egin zuen marka bi minututan hobetu du gaur. Bere estrategiari buruz zintzo mintzatu da frantziarra helmugan: "Nola egiten duzun ez dakizun egun horietako bat izan da".
Itzuliko liderra etapa hasi baino lehen ere protagonista izan da, eguneko pasadizoaren protagonista izan baita, Iruñeko irteeran aurreikusitakoa baino sei minutu beranduago agertu baita, eta horrek 13:03rako aurreikusita zegoen bigarren etaparen irteera atzeratu du.
Asteazken honetan, Basaurin (Bizkaia) hasi eta amaituko den hirugarren 152,8 kilometroko etapa jokatuko da.
Zure interesekoa izan daiteke
Markel Beloki: “Bagenekien etapa oso gogorra izango zela; nahiko pozik nago, nire erritmoa jarri dut igoeran”
EF Education taldeko euskal txirrindulari gaztea ondo aritu da Itzuliko bigarren etapan; hori bukatuta, EITBk elkarrizketatu egin du, eta nabarmendu du pozik dagoela izandako sentsazioekin.
Ion Izagirre: “Saiatuko gara sailkapenean ahalik eta ondoen ibiltzen”
Cofidis taldeko ormaiztegiarrak, halaber, nabarmendu du etapa garaipenen bat eskuratzea ere beste helburuetakoa dela, berak lortuta edo Alex Aranbururen bidez. Izagirre, Itzulian, zazpigarren postuan da, bi etapa jokatuta.
Mikel Landak erorikoa izan du Aralarko San Migeleko jaitsieran, baina helmugara iritsi da
Soudaleko taldeburua 67. postuan sartu da irabazlearengandik 13:11 minutura, eta azterketa medikoen zain geratu da asteazken honetan Basaurin irteera hartzea galaraziko lioketen lesioak baztertzeko.
Paul Seixas gailendu da Mendukilloko kobazuloetan, Itzulian, eta 1:25eko abantaila lortu du Skjelmoseren, Roglicen eta Izagirreren taldearekiko
Isaac del Torok 1:43 galdu du, eta Juan Ayusok, 2:29. Hala, Decathlon taldeko frantziar ziklista gazteak sailkapen nagusian duen lehen postua sendotu du; Roglic 1:59ra dabil, eta Lipowitz 2:08ra.
Paul Seixas liderraren erasoa Aralarko San Migelerako igoeran, Itzulian
Decathlon taldeko frantziar txirrindulari gazteak helmugarako 26 kilometro gelditzen zirela egin du aurrera; mendatea amaitzeko sei kilometro baino gehiago falta ziren erasoa jo duenean.
INEOS taldeko Kevin Vauquelinen erorikoa, Itzuliko bigarren etapa amaitzeko 52 kilometro gelditzen zirela
INEOS Grenadiers taldeko txirrindulari frantziarrak bigarren postua lortu zuen lehenengo etapako erlojupekoan, eta, hortaz, sailkapen nagusian ere bigarren postuan kokatu zen. Beste ziklista batzuk ere jausi dira; Tudorreko Marco Brennerrek lasterketa utzi behar izan du.
ZUZENEAN: 2026ko Itzuliko 2. etapa: Iruñea-Mendukilloko kobazuloa (164,1 km)
Ikusi zuzenean Iruñean hasi eta Mendukilloko kobazuloan amaituko den 2026ko Itzuliaren bigarren etaparen emanaldia. 15:00etatik hasi eta 18:15era arte iraungo duen saioan, lasterketako bigarren jardunaldiak emango dituen nondik norako guztien berri izango duzu.
Zer egin behar dugu bihurgune bat ondo hartzeko bizikletaren gainean?
Nafarroan barrena jokatuko duten etapan, Aralarretik Lekunberrirainoko jaitsiera erabakigarria izan liteke; izan ere, txirrindulariek erakutsi beharko dute bihurguneak hartzeko trebetasuna dutela. Hori dela eta, Xabier Usabiagak azaldu digu hori nola egin ahal duten.
Igor Arrietak Iruñea-Mendukillo etaparen ibilbidea aztertu du: “Gogorra da hasieratik"
San Migel "30 minutuko" mendatea dela azpimarratu du, eta azken bi kilometroak gogorrenak direla. Era berean, Medukilloko etapa amaiera "oso gogorra" dela nabarmendu du. "Jendea binaka edo banaka" helmugaratuko dela erantsi du.