Del Torok irabazi du Giroko 17. etapa, eta segundo batzuk sartu dizkie Carapaz eta Yates aurkari zuzenei
Isaac Del Torok (UAE Emirates-XRG) irabazi du 2025eko Italiako giroko 17. etapa, San Michele eta Bormio artean jokatu dena, eta 155 kilometroko ibilbidea izan duena. Hala, mexikarrak lidertza sendotu du, Richard Carapaz (EF Education First-Easy Post) eta Simon Yates (Visma-Lease a Bike) aurkari zuzenei segundo batzuk sartu baitizkie.
Hainbat ihesaldi saiakera eman dira etapa hasieran, baina asko kosta da eguneko ihesaldia eratzea. 43. kilometro inguruan, Passo del Tonaleko igoeraren hasieran, egin du aurrera 39 ziklistak osatutako talde handi batek; tartean, Pello Bilbao (Bahrain Victorious), Daniel Felipe Martinez (Red Bull-BORA-hansgrohe), Lorenzo Fortunato (XDS Astana), Romain Bardet (Picnic PostNL), Brandon McNulty (UAE Emirates-XRG), Diego Ulissi (XDS Astana), Wilco Kelderman (Visma-Lease a Bike) y Steven Kruijswijk (Visma-Lease a Bike), besteak beste.
Lasterketa buruko taldea asko murriztu da Passo del Tonalen (2. Mailakoa) gora; 39 txirrindulari izatetik 19 izatera pasa da mendate gainean. Pello Bilbao atzean geratu da, igoera erdialdean.
Gero, Mortirolon gora, Daniel Felipe Martinezek piztu du sua; hala, bada, kolonbiarrak aurrera egin du, eta ihesaldiko taldea txikitu du. Eulaliok pasa du Mortiroloko mendate pankarta lehen postuan, eta jaitsieran beste lau txirrindulari batu zaizkio: Bardet, Stork (Tudor), Cattaneo (Soudal Quick-Step) eta Fortunato. Geroago, lasterketa burura batu dira Kelderman, Daniel Felipe Martinez eta Mathias Vacek (Lidl-Trek)
Atzetik, tropel nagusian, Richard Carapazek (EF Education-Easy Post) jo du erasoa; Del Toro liderrak ezin izan dio jarraitu. Ekuadorrekoak zulotxoa ireki du, baina jaitsieraren ostean, faboritoen tropelak bat egin du Carapazekin helmugarako 29 kilometro falta zirenean.
Lasterketa buruan, Le Motten (3. mailakoa) gora, Bardetek erasotu eta aurrera egin du, baina faboritoen multzoan Del Torok erritmoa bizitu du, haren atzetik irten da Carapaz, eta biek bat egin dute Bardetekin, helmugarako 8 kilometro falta zirenean.
Helmugarako kilometro t'erdi falta zirenean erasoa jo du Del Torok, eta mexikarrak atzean utzi ditu Carapaz eta Bardet. Helmugan Del Toro izan da nagusi, Bardet bigarren eta Carapaz hirugarren, 4 segundora hurrenez hurren. Ondorioz, Giroko liderrak hamar segundoko gainsaria jaso du, Bardetek 6 segundokoa eta Carapazek laukoa. Gauzak horrela, Del Torok hamar segundo sartu dizkio Carapazi gaurko etapan.
Irabazlearekiko 15 segundora helmugaratu da Simon Yates (Visma-Lease a Bike), beste hauekin batera: Pellizzari (Red Bull-BORA-hansgrohe), Caruso (Bahrain Victorious), Eulalio, Gee (Israel Premier Tech), Rubio (Movistar) eta Poole (Picnic-PostNL). Guztira, Yatesek 25 segundo galdu ditu maglia arrosarekiko.
Giroko 17. etapa amaituta, Isaac Del Toro da sailkapen nagusiko liderra, Richard Carapaz da bigarren 41 segundora eta Simon Yates hirugarren liderrarekiko 51 segundora.
Etapako sailkapena
1 - DEL TORO Isaac (UAE) 3:58:48
2 - BARDET Romain (Picnic) + 0:04
3 - CARAPAZ Richard (EF Education) d. b.
4 - YATES Simon (Visma) + 0:15
5 - PELLIZZARI Giulio (Red Bull) + 0:16
6 - GEE Derek (Israel) d. b.
7 - CARUSO Damiano (Bahrain) d. b.
8 - RUBIO Einer (Movistar) d. b.
9 - POOLE Max (Picnic) d. b.
10 - EULALIO Afonso (Bahrain) + 0:56
Sailkapen nagusia
1 - DEL TORO Isaac (UAE) 65:30:34
2 - CARAPAZ Richard (EF Education) + 0:41
3 - YATES Simon (Visma) + 0:51
4 - GEE Derek (Israel) + 1:57
5 - CARUSO Damiano (Bahrain) + 3:06
6 - BERNAL Egan (INEOS) + 4:43
7 - PELLIZZARI Giulio (Red Bull) + 5:02
8 - RUBIO Einer (Movistar) + 6:09
9 - YATES Adam (UAE) + 7:45
10 - STORER Michael (Tudor) + 7:46
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.