Pedersenek bere laugarren etapa irabazi du eta Del Torok abantaila handitu du
Mads Pedersen (Lidl-Trek) danimarkarrak laugarren garaipena lortu du 2025eko Italiako Giroan, ostiral honetan Rovigo eta Vicenza artean (180 kilometro) lehiatu den 13. etapa irabazita. Wout van Aert (Visma) horren gurpilera itsatsi da etapa irabazten saiatzeko, baina azkenean bigarren postuarekin konformatu behar izan du. Bestalde, Isaac Del Toro (UAE Team Emirates) liderrak abantaila handitu du hirugarren helmugaratuta.
Sailkapen nagusian, Del Torok jarraitzen du lider, Juan Ayuso (UAE) 35 segundora du orai, eta Antonio Tiberi (Bahrain), berriz, 1 minutu eta 15 segundora.
Pedersenek helmugatik 250 metrora jo du erasoa, edizio honetako bere laugarren garaipenarekin bosgarrena emateko Lidl-Trek taldeari. Tropelak azken metroetan irentsi ditu bi iheslariak, Vacek eta Bardet.
Pedersenek erasoa jo duenean, Van Aertek jarraitu dio, 9. etapako irabazleak, baina belgikarrak ezin izan dio danimarkarraren erritmoari eutsi. Horiekin batera, bi segundora, hirugarren helmugaratu da Del Toro, sailkapen nagusirako eta azken garaipenerako hautagaien artean onena izan dena.
Sailkapen nagusiko bigarrenak, Ayusok, ezin izan dio mexikarrari jarraitu. Gainera, eguneko gainetako batean sufritu egin du. Ez dute mendate handirik igo behar izan, baina errepide gorabeheratsuetatik ibili dira.
13. ETAPAKO SAILKAPENA
1.- PEDERSEN Mads (Lidl) 3:0:24
2.- VAN AERT Wout (Visma) d. b.
3.- DEL TORO Isaac (UAE) +0:02
4.- ROCHAS Rémy (Groupama) +0:05
5.- GODON Dorian (Decathlon) d. b.
6.- ROGLIC Primoz (Red Bull) d. b.
7.- TIBERI Antonio (Bahrain) d. b.
8.- GEE Derek (Israel) d. b.
9.- AULAR Orluis (Movistar) d. b.
10.- BERNAL Egan (INEOS) d. b.
SAILKAPEN NAGUSIA
1.- DEL TORO Isaac (UAE) 46:32:59
2.- AYUSO Juan (UAE) +0:38
3.- TIBERI Antonio (Bahrain) +1:8
4.- YATES Simon (Visma) +1:20
5.- ROGLIC Primoz (Red Bull) +1:35
6.- CARAPAZ Richard (EF) +2:07
7.- CICCONE Giulio (Lidl) +2:20
8.- MCNULTY Brandon (UAE) +2:40
9.- BERNAL Egan (INEOS) +2:50
10.- GEE Derek (Israel) +2:54
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.