Kooijek irabazi du Giroko 9. etapa; Pogacarrek lidertzari eutsi dio
Olav Kooij herbeheretarrak (Visma-Lease a Bike) esprintean irabazi du Italiako Giroko bederatzigarren etapa, Avezzano eta Napoli arteko 214 kilometroko ibilbidea izan duena, eta Tadej Pogacar (UAE Emirates) esloveniarrak liderraren maglia arrosari eutsi dio.
Kooijek azken hasperenean bereganatu du garaipena, esprint oso parekatuan. Jonathan Milan (Lidl-Trek) italiarra izan da bigarren eta Sebastian Molano (UAE Emirates) kolonbiarra hirugarren.
Azken kilometroetan, erasoa jo du Jonatahan Narvaezek (INEOS Grenadiers). Ekuadorko txirrindulariak metro batzuetako abantaila lortu du, eta garaipena eskuratzetik oso gertu egon da, baina tropelak harrapatu egin du helmugatik metro gutxira.
Sailkapen nagusian, ez dago aldaketarik. Pogacarrek sendo jarraitzen du lidertzan, 2 minutu eta 40 segundora du Daniel Felipe Martinez (Bora-hansgrohe) eta 2 minutu eta 58 segundora Geraint Thomas galestarra (INEOS Grenadiers).
9. etapako sailkapena:
1 - KOOIJ Olav (Visma) 4:44:22
2 - MILAN Jonathan (Lidl) d. b.
3 - MOLANO Juan Sebastián (UAE) d. b.
4 - DAINESE Alberto (Tudor) d. b.
5 - VAN POPPEL Danny (BORA) d. b.
6 - MIHKELS Madis (Intermarche) d. b.
7 - GROVES Kaden (Alpecin) d. b.
8 - VENDRAME Andrea (Decathlon) d. b.
9 - BALLERINI Davide (Astana) d. b.
10 - KANTER Max (Astana) d. b.
Sailkapen nagusia:
1 - POGACAR Tadej (UAE) 28:14:42
2 - MARTINEZ Daniel Felipe (BORA) + 2:40
3 - THOMAS Geraint (INEOS) + 2:58
4 - O'CONNOR Ben (Decathlon) + 3:39
5 - UIJTDEBROEKS Cian (Visma) + 4:02
6 - TIBERI Antonio (Bahrain) + 4:23
7 - FORTUNATO Lorenzo (Astana) + 5:15
8 - RUBIO Einer (Movistar) + 5:28
9 - ARENSMAN Thymen (INEOS) Grenadiers + 5:30
10 - HIRT Jan (Soudal) + 5:53
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.