Italiako Giroko 8. etaparen profila, ibilbidea eta ordutegiak: Spoleto-Prati di Tivo (152 km)
2024ko Italiako Giroko zortzigarren etapa 107. edizioko goi-mendiko lehen jardunaldia da, maiatzaren 11koa. Spoletotik abiatuko da 12:45ean, eta 152 kilometro egin ostean, 16:57 eta 17:33 artean bukatuko da, Prati di Tivo lehen mailako mendateko eski-estazioan.
Antolakuntzak nabarmendutakoaren arabera, lautadarik ez dagoenez, sailkapen orokorra baldintza dezake zenbait egunetarako. Hiru mendate puntuagarri daude: amaierako Prati di Tivo (lehen mailakoa), Forca Capistrello (2. mailakoa, 37,1. kilometroan), eta Croce Abbio (3. mailakoa, 112,6. kilometroan). Forca Capistrelloko 16 kilometroko igoeraren eta Croce Abbioren artean, lasterketa Terminillo ondotik pasako da, gorabeherez jositako Capannellerako bidea hartu aurretik. Behin Croce Abbiora igota, txirrindulariek 30 kilometroko jaitsiera izango dute aurretik, azken igoeraren magalera heldu arte.
Patri di Tevok 14,5 kilometro ditu, batez besteko %7ko aldapekin, baita %12ko tramoak ere. Mendateak 22 bihurgune itxi ditu, eta antolatzaileen esanetan, lehen zatia da gogorrena. Azken hiru kilometroek %7ko desnibela dute.
Egunero bezala, EITBk zuzenean eskainiko du Italiako Giroko etapa garrantzitsu hau. Emankizuna 13:30ean hasiko da ETB4n, 14:00etan eitb.eus-en; 15:00etan, ETB1ek hartuko du ETB4ren lekukoa.
ETAPAREN PROFILA
FITXA TEKNIKOA
Etapa: 8. etapa (maiatzak 11)
Ibilbidea: Spoleto – Prati di Tivo
Distantzia: 152 km
Goranzko desnibel metatua: 3850 m
Hasiera-ordua: 12:45
Amaiera-ordua: 16:57 (36 km/h) | 17:14 (34 km/h) | 17:33 (32 km/h)
Mendiko saria: Forca Capistrello (2. mailakoa), 37,1. kilometroan; Croce Abbio (3. mailakoa), 112,6. kilometroan; Prati di Tivo (lehen mailakoa), 152. kilometroan.
AZKEN KILOMETROA
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.