Remco Evenepoelek Italiako Giroa utzi du, Covid-19an positibo eman ostean
Remco Eveneporl Soudal Quick-Step taldeko txirrindulariak eta Italiako Giroko liderrak lasterketa utzi duela iragarri du, Covid-19an positibo eman duelako. Evenepoelek lidergoa berreskuratu du igandeko erlojupekoa irabazi ostean.
"Bihotzeko min handiz iragarri behar dut Italiako Giroa utzi behar dudala Covid-19aren ondorioz. Ohiko proba bat egin didate, eta, zoritxarrez, positibo atera da", esan du txirrindulariak.
Igandean, Savignano sul Rubicone eta Cesena artean jokatutako 35 kilometroko erlojupekoa irabazi arren, 23 urteko belgikarrak ezingo du maglia arrosaren bila borrokan jarraitu.
"Esperientzia berezia izan da, eta hurrengo bi asteetan lehiatzeko gogo izugarria nuen. Eskerrak eman nahi dizkiet Giroa prestatzen aritu diren langileei eta txirrindulariei. Bi etapa garaipen eta lau jertse arrosa lortu ditut aurten, eta oso harro nago", gaineratu du Evenepoelek.
Soudal Quick-Step taldeak iragarri duenez, gainerako taldekideei ere probak egin dizkiete, eta taldeko beste inork ez du positiborik eman.
Rigoberto Uranek ere utzi du lasterketa
EF taldeko kolonbiarrak ere Italiako Giroa utzi duela iragarri du sare sozialetan, Covid-19an positibo eman baitu. Igandeko erlojuaren kontrako saioaren ostean, Uranek sintomak antzeman ditu, eta proba egin diote. Proba horietan positibo eman du. Ondorioz, lasterketa utzi du, eta orain "atseden hartzeko denbora" hartuko duela esan du.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.