Demarek irabazi du Giroko bosgarren etapa, esprintean nagusituta
Arnaud Demarek (Groupama-FDJ) irabazi du Italiako Giroko bosgarren etapa, asteazken honetan (maiatzak 11) Catanian hasi eta Messinan amaitu dena, 174 kilometroko ibilbidearekin. Juan Pedro Lopezek (Trek-Segafredo) lidertzan jarraitzen du.
Etapako mendate bakarra Portella Mandrazzi izan da. Batez besteko ehuneko 4,9 maldak dituen mendatean, besteak beste, Mark Cavendish (Quick Step-Alpha Vinyl) eta Caleb Ewan (Lotto Soudal) moztuta geratu dira. Demare ere atzean geratu da, baina bere taldekideen lanari esker berriro tropelean sartzea lortu du.
Esprintean erabaki da irabazlea, eta azken metroetan Arnaud Demare nagusitu da. Fernando Gaviria (UAE Emirates) izan da bigarren, eta Giacomo Nizzolo (Israel-Premier Tech) hirugarren. Frantziarrak bere seigarren etapa garaipena erdietsi du Giroan. Jada 85 etapa ditu irabazita profesional mailan.
Juan Pedro Lopezek jarraitzen du sailkapen nagusiko lehen postuan. Lopezek 39 segundoko abantaila du Lennard Kamnarekiko (Bora-hansgrohe), eta 58 segundo ateratzen dizkio Rein Taaramaeri (Intermarche - Wanty - Gobert Materiaux). Pello Bilbao (Bahrain Victorious) zortzigarren da postu bat galdu ostean, liderrarekiko bi minutura. Mikel Landak (Bahrain Victorious) hamabigarren jarraitzen du, Lopezekiko 2'15"era.
Bosgarren etapako sailkapena:
1 - DEMARE Arnaud (Groupama) 4:03:56
2 - GAVIRIA Fernando (UAE) d. b.
3 - NIZZOLO Giacomo (Israel) d. b.
4 - BALLERINI Davide (Quick-Step) d. b.
5 - GIRMAY Biniam (Intermarché) d. b.
6 - BAUHAUS Phil (Bahrain - Victorious) d. b.
7 - DAINESE Alberto (DSM) d. b.
8 - TESFATSION Natnael (Androni) d. b.
9 - THEUNS Edward (Trek-Segafredo) d. b.
10 - CONSONNI Simone (Cofidis) d. b.
Sailkapen nagusia:
1 - LOPEZ Juan Pedro (Trek - Segafredo) 18:21:03
2 - KÄMNA Lennard (BORA) + 39"
3 - TAARAMÄE Rein (Intermarché) + 58"
4 - YATES Simon (BikeExchange) + 1'42"
5 - VANSEVENANT Mauri (Quick-Step) + 1'47"
6 - KELDERMAN Wilco (BORA) + 1'55"
7 - ALMEIDA João (UAE) + 1'58"
8 - BILBAO Pello (Bahrain - Victorious) + 2'00"
9 - PORTE Richie (INEOS) + 2'04"
10 - BARDET Romain (DSM) + 2'06"
11 - CARAPZ Richard (INEOS) + d. b.
12- LANDA Mikel (Bahrain Victorious) + 2'15"
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.