Dan Martinek irabazi du etapa eta Yatesek Bernalekiko zuen desabantaila murriztu du
Dan Martinek (Israel Start-Up Nation) irabazi du Italiako Giroko 17. etapa, Canazei eta Sega di Ala artekoa (193 km). Egan Bernalek (Ineos-Grenadiers) jarraitzen du lidergoan, baina txakalaldia izan du, eta Simon Yatesek 53 segundo atera dizkio kolonbiarrari.
Martin irlandarrak bere lehen garaipena lortu du Giroan 34 urterekin. Eguneko ihesaldian sartu da, eta lasterketaren buruan bakarrik ibili ostean, garaipena lortu du, ibilbidea lau ordu 54 minutu eta 39 segundoan amaituta. Bigarren izan da Joao Almeida (Deceuninck Quick Step) 12 segundora, eta Simon Yates (BikeExchange) hirugarren 30 segundora. Ondoren, 1'23"ra sartu da Egan Bernal, Damiano Caruso, Daniel Martinez eta Diego Ulissi txirrindulariek osatutako taldea.
Sailkapen nagusian ez da sarraskirik egon, baina Yatesek erakutsi du Bernalek ere hutsegin dezakeela. Mendate gainean amaitzen diren bi etapa geratzen dira oraindik, eta Giroa ez dago itxita. Txakalaldia izan duen arren, Egan Bernal dago sailkapen nagusiko lehen postuan, 2'21" ateratzen dio bigarren den Carusori, eta 2'23"ko abantaila du hirugarren den Simon Yatesekiko.
Azken igoeran Giroa irabazteko lehian ari diren txirrindulariek ezin izan dute Martin harrapatu, eta irlandarrak erdietsi du garaipena. Atzetik Pedrero ibili da, baina Almeidak eta Yatesek harrapatu egin dute, baita atzean utzi ere. Helmugarako hiru kilometro falta zirenean moztuta geratu da Bernal. Almeidak eta Yatesek aurrera egin dute, eta Bernali Daniel Martinezek lagundu dio denbora ahalik eta gutxien gal zezan. Azkenean, kolonbiarrak 53 segundo galdu ditu Simon Yatesekiko, baina oraindik abantaila polita du aurkari zuzenekiko.
17. etapako sailkapena:
1 - MARTIN Dan (Israel Start-Up Nation) 4:54:38
2 - ALMEIDA João (Deceuninck - Quick Step) + 0:13
3 - YATES Simon (Team BikeExchange) + 0:30
4 - ULISSI Diego (UAE-Team Emirates) + 1:20
5 - CARUSO Damiano (Bahrain - Victorious) d.b.
6 - MARTÍNEZ Daniel Felipe (INEOS Grenadiers 15 1:23
7 - BERNAL Egan (INEOS Grenadiers) d.b.
8 - PEDRERO Antonio (Movistar Team) + 1:38
9 - BILBAO Pello (Bahrain - Victorious) + 1:43
10 - BENNETT George (Team Jumbo-Visma) + 2:21
Sailkapen nagusia:
1 - BERNAL Egan (INEOS Grenadiers) 71:32:05
2 - CARUSO Damiano (Bahrain - Victorious) + 2:21
3 - YATES Simon (Team BikeExchange) + 3:23
4 - VLASOV Aleksandr (Astana - Premier Tech) + 6:03
5 - CARTHY Hugh (EF Education - Nippo) + 6:09
6 - BARDET Romain (Team DSM) + 6:31
7 - MARTÍNEZ Daniel Felipe (INEOS Grenadiers) + 7:17
8 - ALMEIDA João (Deceuninck - Quick Step) + 8:45
9 - FOSS Tobias (Team Jumbo-Visma) + 9:18
10 - CICCONE Giulio (Trek - Segafredo) + 11:06
11 - MARTIN Dan (Israel Start-Up Nation) + 13:37
12 - BENNETT George (Team Jumbo-Visma) + 19:08
13 - BILBAO Pello (Bahrain - Victorious) + 27:30
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.