Geoghegan nagusitu da Giroan, Gannaren erlojuaren kontrako beste erakustaldi batean
Geoghegan Hartek eta Hindleyk denbora berarekin ekin diote erlojupekoari, itzuli handien historian inoiz gertatu ez dena. Britainiarrak 18 minutu eta 14 segundoko denbora behar izan du ibilbidea betetzeko, Hindleyk, berriz, 18:53.
Erlojupekoa Filippo Gannak (Ineos) irabazi du nagusitasunez. Erlojuaren aurkako munduko txapeldunak, 17 minutu eta 16 segundoko denbora egin du, eta haren atzetik sailkatu dira Rohan Dennis taldekidea (Ineos) eta Victor Campenaerts belgikarra (NTT), biak ere 32 segundoko atzerapenarekin.
Itzuli handien historian lehen aldiz, bi txirrindulari, Geoghegan Hart eta Hindley, denbora berarekin iritsi ziren azken etapara. Australiarra azkena izan da ateratzen erlojupekoan, maglia arrosarekin, 87 ehuneneko aldea ateratzen baitzizkion britainiarrari.
Aurrekariak Geoghegan Harten alde zeuden; izan ere, Hindley baino azkarragoa izandakoa zen aurrez aurre jokatutako aurreko hamar erlojupekotatik zortzitan, Italiako Rai telebistak emandako datuen arabera, eta, hala, britainiarrak bere nagusitasuna ezarri du beste behin ere espezialitate horretan.
Bi txirrindulariak denbora berean aritu dira lehen hiru kilometroen ondoren, baina une horretatik aurrera Geoghegan Hartek gero eta abantaila handiagoa lortu du probaren erdialdera hamar segundo baino gehiagoko aldea zeukan Ineosekoak, eta Milango helmugan, Duomotik gertu, Geoghegan Hartek 39 segundoko aldearekin amaitu du. Elastiko arrosaz gain, Geoghegan Hartek (25 urte) Giroko gazte onenaren titulua ere kendu dio Hindleyri.
Sailkapen nagusian hirugarren Wilco Keldermann herbeheretarrak amaitu du, Hindleyren taldekideak, irabazlearengandik 1:32ra. Bestalde, Joao Almeida portugaldarrak (Deceunick Quick Step), hamabost egunez maglia arrosa eraman zuenak, laugarren postua eskuratu, Pello Bilbao (Bahrein McLaren) bizkaitarraren kaltetan. Bien artean 12 segundoko aldea besterik ez da egon.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.