2026ko Frantziako Tourreko 2. etaparen profila, ibilbidea eta ordutegia: Tarragona-Bartzelona (168,5 km)
Etapa hau Katalunian jokatuko da oso-osorik. Tarragonan hasiko da, lehenengoz ikusiko du hiriak aurten Frantziako Tourra.
2026ko Frantziako Tourreko bigarren etapa uztailaren 5ean jokatuko da Katalunian. 168,5 kilometroko jardunaldia izango da, 13:55ean irtengo da Tarragonatik eta Bartzelonako Estadio Olinpikoan amaituko da, 17:26 eta 17:46 bitartean.
Bigarren etapa honetan, txirrindulariek bi mendate puntuagarri igo beharko dituzte. Lehenengoa, Begues mendatea, hirugarren mailakoa, 141,2 kilometroan igo beharko dute. Gora iristeko, 6,1 kilometroko igoera egin beharko dute, % 6,5eko batez besteko maldarekin. Bigarrena, Montjüic muinoa, hiru aldiz errepikatu beharko dute bigarren mailako mendatea: 141,6, 153,8 eta 166. kilometroetan. Hona iristeko, punturik altuenera iritsi beharko dute: Montjüiceko gaztelura, hirutan igaro beharko dute 1,6 kilometroko igoera eta % 9,3ko batez besteko maldako igoeratik.
Bartzelona, 1957an izan zen lehen aldiz Tourreko parte. Horren ondoren, lasterketa frantsesa bitan igaro da Kataluniako hiriburutik: 1965ean eta 2009an. Montjüiceko muinoa hiruretan egon da, José Pérez Francés txirrindulari espainiarrak 1965ean bakarka lortutako garaipenari aipamen berezia eginez. Gainera, Kataluniako Itzuliaren azken helmuga hartu ohi du, Primoz Roglic (2025), Tadej Pogacar (2024) eta Remco Evenepoel (2023) txirrindulariak izan dira azken garaileak. Beraz, horrek txirrindularitzaren unibertsoaren ezinbesteko agertoki bihurtzen du.
Fitxa teknikoa
Etapa: 2. etapa (uztailak 5, igandea)
Ibilbidea: Tarragona-Bartzelona
Distantzia: 182km
Hasiera-ordua: 13:55
Amaiera-ordua: 17:26 (47 km/h) | 17:35 (45 km/h) | 17:46 (43 km/h)
Mendiko saria: Cote de Begues (2. maila), 94,2 kilometroan; Cote de Chateau de Montjuic (3. maila), hiru aldiz: 141,6 kilometroan, 153,8 kilometroan eta 166 kilometroan.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.