2026ko Frantziako Tourraren 10. etaparen ibilbidea, profila eta ordutegia: Aurillac-Le Lioran (166,6 km)
Zazpi mendate puntuagarriko jardunaldi menditsua da, oso gogorra eta hankak hausteko modukoa.
Irudia: EITB.
Frantziako Tourraren 113. edizioko hamargarren etapa Aurillac eta Le Lioran artean jokatuko da. Zazpi mendate puntuagarriko jardunaldi menditsua da, oso gogorra eta txirrindularien zangoak hausteko modukoa. Etapak 166,6 kilometroko ibilbidea du. Aurillacen hasiko da, 13:10ean, eta Le Lioranen amaituko da, 17:12 aldera.
Aurillacetik igaroko da lasterketa hamargarrenez, sei helmuga ere hartu dituen herria. Azkenekoa oroitzapen oso onekoa da oraindik Luis Leon Sanchezentzat, bertan irabazi baitzuen Tourreko bere lehen etapa, 2008an. Tourraren azken bisita 2024an izan zen, Biniam Girmayrentzat zorionekoa izan zen irteera batekin, handik gutxira Villeneuve-sur-Lot-en gailendu baitzen.
Bestalde, Le Lioranek Tourra hartuko duen laugarren aldia izango da. Plomb du Cantalen oinetan eraikitako eski estazioa 1975eko Tourraren etaparik luzeenaren helmuga izan zen. Orduan Michel Pollentierrek irabazi zuen 260 kilometroko etapa. 2016an, Greg Van Avermaet izan zen Le Lioranen maillot horia jantzi zuena. 2024an, Jonas Vingegaardek itxaropena eman zien bere jarraitzaile guztiei, Tadej Pogacarrekin lehen aldiz esprintean atzean utzi ondoren.
Lehen 50 kilometro gorabeheratsuen ondoren, tropela berotzeko edo eguneko ihesaldia osatzeko balioko dutenak, lehen mendate puntuagarria Cote de Pailherols izango da, hirugarren mailakoa (3 km % 7,2ra), 68. kilometroan; ondoren, Col de la Griffoul, bigarren mailakoa (5,9 km % 6,7ra), 97. kilometroan; haren atzetik, Col de Prat de Bouc, hirugarren mailakoa (% 3,1etik % 6,5era), txirrindulariek gainditu beharko dutena, 103. kilometroan; ondoren, Cote de Murat, hirugarren mailakoa (% 5,2 km % 5,3ra); jarraian, Puy Mary Pas de Peyrol, lehen mailakoa (7,8 km % 6ra), 135. kilometroan; jarraian, behera egin eta lehen mailako Col de Pertus igo beharko dute (4,4 km %8,5era), 152 kilometroan; eta amaitzeko Col de Font de Cere, hirugarren mailako (3,1 km %5,8ra) 163. Kilometroan.
Hori guztia nahikoa ez balitz, Le Lioranen ere errepidea maldan gora izango du tropelak.
Fitxa teknikoa
Etapa: 10. etapa (uztailak 14, asteartea)
Ibilbidea: Aurillac – Le Lioran
Distantzia: 166,6 km
Hasiera-ordua: 13:25
Amaiera-ordua: 17:12 (43 km/h) | 17:24 (41 km/h) | 17:36 (39 km/h)
Mendiko saria: Côte de Pailherols (3. maila), 68. kilometroan; Col de la Griffoul (2. maila), 97,3. kilometroan; Col de Prat de Bouc (3. maila), 103,8. kilometroan; Côte de Murat (3. maila), 118,8. kilometroan; Puy Mary – Pas de Peyrol (1. Maila); Col de Pertus (1. Maila), 152,1. kilometroan; Col de Font de Cère (3. Maila), 163,9. kilometroan
Zure interesekoa izan daiteke
2026ko Frantziako Tourraren 6. etaparen profila eta ibilbidea: Paue-Gavarnie-Gedre (186,2 km)
Frantziako Tourreko seigarren etapak 3.978 metroko desnibela eta bost mendate pilatzen ditu, horien artean Tourmalet klasikoa.
2026ko Frantziako Tourreko 2. etaparen profila, ibilbidea eta ordutegia: Tarragona-Bartzelona (168,5 km)
Etapa hau Katalunian jokatuko da oso-osorik. Tarragonan hasiko da, lehenengoz ikusiko du hiriak aurten Frantziako Tourra.
2026ko Frantziako Tourraren 1. etaparen ibilbidea, profila eta ordutegia: Bartzelona-Bartzelona (19,6 km)
Lasterketako Grand Depart 19,6 kilometroko taldekako erlojupekoa izango da Kataluniako hiriburuan. Hasierako ibilbideak talde indarrari mesede egingo dio, baina azken zatian Montjuiceko Estadio Olinpikora egin beharreko bi igoerek erabakiko dute etapa.
2026ko Frantziako Tourreko etapa guztien profilak eta ibilbideak
113. Frantziako Tourra uztailaren 4tik hilaren 26ra bitartean jokatuko dute, eta Bartzelonan hasiko da eta Parisen amaitu. Lasterketa kirolakeitb.eus-en eta ETBn izango da ikusgai.
Wout van Aertek ez du Frantziako Tourrean parte hartuko, lesioa duelako ukondoan
Aurreko astean, Visma Lease a Bike taldeko txirrindulariak, Auvernia-Rodano-Alpeetako Tourrean etapa bat irabazita, lasterketa utzi behar izan zuen, ukondoan arazoak zituelako; lesio horrengatik ezingo da Bartzelonan uztailaren 4an hasiko den Frantziako Tourrean aritu.
Caja Rural-Seguros RGA taldeak Frantziako Tourrean izango duen maillota aurkeztu du; 1987an eta 1988an erabilitakoa bezalakoa da
Nafarroako taldeak asteartean aurkeztu du maillot hori, eta Marino Lejarreta ere izan da ekitaldian; berriztarrak 80ko hamarkadako Tour horietan izan zen.
2028ko Tourra Reimsetik abiatuko da, eta lehen etapak Frantziako ekialdean izango dira
2021etik Frantziak hartuko duen bigarren irteera izango da. Bestalde, olinpiar jokoak egiten diren urteetan gertatzen den bezala, lasterketa ohi baino astebete lehenago hasiko da 2028an, ekainaren 24an, eta uztailaren 16an amaituko da, Parisen.
Frantziako Tourrak Laboral Kutxa-Euskadi 2026ko ekitaldian egonen dela baieztatu du
Abuztuaren 1etik 9ra bitartean lehiatuko den lasterketak 21 talde izanen ditu; horietatik hamalau WorldTeam mailakoak dira, eta zazpi ProTeam mailakoak, eta horien artean dago euskal taldea.
Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.