Jasper Philipsenek irabazi du Tourreko lehen etapa, esprintean
Jasper Philipsen (Alpecin-Deceuninck) belgikarrak irabazi du larunbat honetan 112. Frantziako Tourreko 1. etapa. 184,9 kilometroko ibilbide ia laua izan du, eta Lilleko hirian hasi eta amaitu da. Sari bikoitza eskuratu du Philipsenek Frantziako Tourreko lehen etapan, Lilleko esprinta irabazita 2025eko edizioko lehen maillot horia ere lortu baitu.
Alpecin-Deceuninck taldeko txirrindularia lasterketaren buruan kokatu da haizearen eraginez tropela zatitu ostean, eta taldekideen laguntza eta babesa izan ditu Frantziako Tourrean hamargarren garaipena lortzeko.
Urduritasuna eta erorikoak izan dira etapa osoan zehar, eta haizeak tropela zatitu ostean, Jasper Philipsen belgikarrak jantzi du 2025eko Tourreko lehen maillot horia, Evenepoel, Almeida, Roglic eta Carlos Rodriguez ezagunek 39 segundo galdu duten etapan.
Philipsenek (27 urte) bere taldearen lan bikaina baliatu du haizearen eraginez atzean ez geratzeko, eta Mathieu van der Poelek bideratuta, lehen postuan helmugaratu da, 3 ordu, 53 minutu eta 11 segundoko denbora eginda (batez beste orduko 47,6 kilometroko abiadura).
Belgikarrak esprinterren arteko lehen lehia irabazi du, azken metroetan Biniam Girmay (Intermarche-Wanty) eritrearra eta Soren Waerenskjold (Uno-X Mobility) norvegiarra garaituta. Besteak beste, Tadej Pogacar esloveniarra, Jonas Vingegaard daniarra eta Enric Mas eta Ivan Garcia Cortina espainiarrak zeuden lehen talde horretan.
ETAPAKO SAILKAPENA:
1. PHILIPSEN Jasper (Alpecin) 3:53:11
2. GIRMAY Biniam (Intermarché) d.b.
3. WAERENSKJOLD Soren (Uno-X ) d.b.
4. TURGIS Anthony (TotalEnergies) d.b.
5. TRENTIN Matteo (Tudor Pro Cycling) d.b.
6. RUSSO Clement (Groupama-FDJ) d.b.
7. PENHOËT Paul (Groupama-FDJ) d.b.
8. JORGENSON Matteo (Visma) d.b.
9. MAYRHOFER Marius (Tudor Pro Cycling) d.b.
10. WATSON Samuel (INEOS) d.b.
SAILKAPEN OROKORRA
1. PHILIPSEN Jasper (Alpecin) 3:53:11
2. GIRMAY Biniam (Intermarche) d.b.
3. WAERENSKJOLD Soren (Uno-X) d.b.
4. TURGIS Anthony (TotalEnergies) d.b.
5. TRENTIN Matteo (Tudor Pro Cycling) d.b.
6. RUSSO Clément (Groupama-FDJ) d.b.
7. PENHOËT Paul (Groupama-FDJ) d.b.
8. JORGENSON Matteo (Visma) d.b.
9. MAYRHOFER Marius (Tudor Pro Cycling) d.b.
10. WATSON Samuel (INEOS) d.b.
Zure interesekoa izan daiteke
Bartzelonan hasiko da 2026ko Frantziako Tourra, mendia eta Alpe d’Huezen itzulera protagonista dituela
2026ko Frantziako Tourrak badu mapa. Frantziako Tourra Bartzelonatik abiatuko da lehen aldiz, taldekako erlojupeko batekin, Montjuïcen, eta altuerako ibilbidea egingo du: bost amaiera maldan gora, hitzordu bikoitza Alpe d'Huezen, eta 3.333 kilometro guztira.
Frantziako Tourra Mont Ventoux mendatera helduko da
2026ko edizioa Lausanatik abiatuko da abuztuaren 1ean, eta hilaren 9an amaituko da, Nizan. Zazpigarren jardunaldian, Mont Ventoux mendatera igo beharko dute txirrindulariek; horrez gain, laugarren etapa 21. kilometroko erlojupekoa izango da.
Ferrand-Prevotek historia egin du Frantziako Tourra irabazita
Azkeneko etapa ere Vismako txirrindulari frantziarrak bereganatu du. Podiumean Demi Vollering herbeheretarra eta Katarzyna Niewiadoma poloniarra izan ditu ondoan.
Pauline Ferrand-Prevot frantziarrak Tourra erabakita utzi du, Madeleine mendatean erakustaldia emanda
Amaierarako etapa baten faltan, Ferrand-Prevotek 2:37ko aldea du Sara Gigante bigarren sailkatuarekin, eta 3:18koa Demi Volleringekin.
Maeva Squibanek bigarrenez jarraian irabazi du Frantziako Tourrean
Txirrindulari frantziarrak erakustaldia eman du eta bigarren egunez jarraian bakarka helmugaratu da.
Maeva Squiban gailendu da Amberten, bakarka, eta Kim Le Courtek maillot horiari eutsi dio, Frantziako Tourrean
Lasterketako 32. ekitaldiko aurreneko mendiko etapan, UAE taldeko txirrindulari frantziarrak eskuratu du garaipena; AG Insurance taldeko ziklista maurizioarrra, ordea, hirugarren tokian helmugaratu da, seigarren jardunaldian, eta sailkapen nagusian duen aldea, orain, zortzi segundo handiagoa da.
Lorena Wiebesek irabazi du Poitiersen, esprintean, eta Marianne Vosek Frantziako Tourreko lider jarraitzen du
Lasterketako 32. ekitaldiko laugarren etapan, ez da aldaketa nabarmenik izan sailkapen nagusian. Wiebesek, beste behin, erakutsi du munduko esprinterrik onenetakoa dela; astelehenean bezala, garaipena eskuratu du.
Lorena Wiebesek irabazi du Angerseko esprinta, eta Marianne Vosek maillot horia berreskuratu du, Tourrean
SD Worx-Protime taldeko txirrindulari herbeheretarra, Europako egungo txapelduna bera, aurrenekoz gailendu da 32. Frantziako Tourrean; sailkapen nagusian, Visma-Lease a Bikeko herbeheretarra larunbateko etapan eskuratutako lehen postura bueltatu da.
Mavi Garcia nagusitu da Quimperren, eta Le Court horiz jantzi da
41 urteko Liv AlUla Jayco taldeko txirrindulariak 10 kilometro falta zirela ekin dio eraso erabakigarriari, eta 20 segundo inguruko tartea du taldearekiko.
Pogacarrek, Vingegaardek eta Lipowitzek osatu dute podioa
Tadej Pogacarrek irabazi du 2025eko Frantziako Tourra, Jonas Vingegaard bigarren izan da, eta Florian Lipowitz, hirugarren.