Bardetek irabazi du lehen etapa, eta maillot horia jantzi du bere azken Frantziako Tourrean
Romain Bardetek (DSM) irabazi du Frantziako Tourreko lehendabiziko etapa -206 kilometro egin dituzte, Florentzia eta Rimini artean-, eta, ondorioz, txirrindulari frantziarra da lasterketako lehen liderra. Azkeneko aldiz ari da Tourra lehiatzen, eta garaipen handia lortu du; izan ere, lehen aldia da maillot horia janzten duela.
Bardetek 50 kilometroren falta egin du ihes faborito nagusien taldetik, eta etapako azken 40 kilometroak aurretik zihoan Frank van den Broek taldekideekin batera burutu ditu. Hasieran ondo eutsi diote aldeari, baina azken kilometroetan tropelak abiadura areagotu du, eta, une batez, ihesaldia bertan behera botako zuela eta etapa esprintean erabakiko zela ematen zuen.
Hala ere, bi iheslariek eutsi egin diote eta biak batera sartu dira helmugan. Bukaera zirraragarria izan da, eta Bardet hunkituta azaldu da, maillot horia bereganatu duelako.
"Izugarria da. Amets bat bete dut. Gainera, nire taldekidearekin batera lortu dut. Txirrindularitzan hasi nintzenetik bilatzen ari nintzena lortu dut. Hitzik gabe nago", adierazi du.
Haien atzetik, bost segundora sartu da tropela helmugan, Wout Van Aert (Visma) eta Tadej Pogacar (UAE) buruan zirela. Alex Aranburu (Movistar) seigarrena izan da, eta Pello Bilbao (Bahrain), bederatzigarrena.
Bestealde, Ion Izagirre (Cofidis) lehen etapako protagonistetako bat izan da. Hasierako ihesaldian sartu da, eta lehendabiziko mendateetan zortzi puntu pilatu ditu, mendiko sailkapenerako. Tamalez, helmugarako 67 kilometro falta zirenean harrapatu du tropelak, eta ondoren atzean geratu da.
LEHEN ETAPAKO SAILKAPENA ETA NAGUSIA:
1. BARDET Romain (DSM) 5:07:22
2. VAN DEN BROEK Frank (DSM) m.t.
3. VAN AERT Wout (Visma) +0:05
4. POGACAR Tadej (UAE) m.t.
5. VAN GILS Maxim (Lotto) m.t.
6. ARANBURU Alex (Movistar) m.t.
7. PEDERSEN Mads (Lidl-Trek) m.t.
8. EVENEPOEL Remco (Soudal) m.t.
9. BILBAO Pello (Bahrain) m.t.
10. BETTIOL Alberto (EFE) m.t.
Zure interesekoa izan daiteke
Bartzelonan hasiko da 2026ko Frantziako Tourra, mendia eta Alpe d’Huezen itzulera protagonista dituela
2026ko Frantziako Tourrak badu mapa. Frantziako Tourra Bartzelonatik abiatuko da lehen aldiz, taldekako erlojupeko batekin, Montjuïcen, eta altuerako ibilbidea egingo du: bost amaiera maldan gora, hitzordu bikoitza Alpe d'Huezen, eta 3.333 kilometro guztira.
Frantziako Tourra Mont Ventoux mendatera helduko da
2026ko edizioa Lausanatik abiatuko da abuztuaren 1ean, eta hilaren 9an amaituko da, Nizan. Zazpigarren jardunaldian, Mont Ventoux mendatera igo beharko dute txirrindulariek; horrez gain, laugarren etapa 21. kilometroko erlojupekoa izango da.
Ferrand-Prevotek historia egin du Frantziako Tourra irabazita
Azkeneko etapa ere Vismako txirrindulari frantziarrak bereganatu du. Podiumean Demi Vollering herbeheretarra eta Katarzyna Niewiadoma poloniarra izan ditu ondoan.
Pauline Ferrand-Prevot frantziarrak Tourra erabakita utzi du, Madeleine mendatean erakustaldia emanda
Amaierarako etapa baten faltan, Ferrand-Prevotek 2:37ko aldea du Sara Gigante bigarren sailkatuarekin, eta 3:18koa Demi Volleringekin.
Maeva Squibanek bigarrenez jarraian irabazi du Frantziako Tourrean
Txirrindulari frantziarrak erakustaldia eman du eta bigarren egunez jarraian bakarka helmugaratu da.
Maeva Squiban gailendu da Amberten, bakarka, eta Kim Le Courtek maillot horiari eutsi dio, Frantziako Tourrean
Lasterketako 32. ekitaldiko aurreneko mendiko etapan, UAE taldeko txirrindulari frantziarrak eskuratu du garaipena; AG Insurance taldeko ziklista maurizioarrra, ordea, hirugarren tokian helmugaratu da, seigarren jardunaldian, eta sailkapen nagusian duen aldea, orain, zortzi segundo handiagoa da.
Lorena Wiebesek irabazi du Poitiersen, esprintean, eta Marianne Vosek Frantziako Tourreko lider jarraitzen du
Lasterketako 32. ekitaldiko laugarren etapan, ez da aldaketa nabarmenik izan sailkapen nagusian. Wiebesek, beste behin, erakutsi du munduko esprinterrik onenetakoa dela; astelehenean bezala, garaipena eskuratu du.
Lorena Wiebesek irabazi du Angerseko esprinta, eta Marianne Vosek maillot horia berreskuratu du, Tourrean
SD Worx-Protime taldeko txirrindulari herbeheretarra, Europako egungo txapelduna bera, aurrenekoz gailendu da 32. Frantziako Tourrean; sailkapen nagusian, Visma-Lease a Bikeko herbeheretarra larunbateko etapan eskuratutako lehen postura bueltatu da.
Mavi Garcia nagusitu da Quimperren, eta Le Court horiz jantzi da
41 urteko Liv AlUla Jayco taldeko txirrindulariak 10 kilometro falta zirela ekin dio eraso erabakigarriari, eta 20 segundo inguruko tartea du taldearekiko.
Pogacarrek, Vingegaardek eta Lipowitzek osatu dute podioa
Tadej Pogacarrek irabazi du 2025eko Frantziako Tourra, Jonas Vingegaard bigarren izan da, eta Florian Lipowitz, hirugarren.