Voecklerren erakustaldia etapa nagusian
o hamaseigarren etapa irabazi du gaur Thomas Voeckler (Europcar) Frantziako txirrindulariak. 197 kilometroko ibilbideak Paue eta Bagnres-de-Luchon lotu ditu. Bradley Wigginsek (Sky) arazorik gabe eutsi dio elastiko horiari.
Gorka Izagirrek (Euskaltel-Euskadi) etapa ikusgarria egin du eta hirugarren postuan helmugaratu da, eguneko ihesaldian protagonista izan eta gero. Bestalde, Haimar Zubeldia (RadioShack) onenekin izan da une oro eta Nibali, Wiggins eta Froomen atzetik helmugaratu da. Txirrindulari gipuzkoarra bosgarren da sailkapen nagusian.
Voecklerrek bere bigarren garaipena eskuratu aurtengo Tourrean, hamargarren etapa irabazi ostean. Frantziarra eguneko ihesaldian sartu da eta arerioak bata bestearen atzetik atzean utzi ditu. Voeckler bakarrik helmugaratu da eta Chris Anker Sorensen (Saxo Bank) Danimarkako txirrindulariak bi minutu geroago gauza bera egin du.
Nahiz eta Tourmalet, Aspin, Aubisque eta Peyresourde ibilbidean izan sailkapen nagusiko borrokan aldaketa gutxi utzi ditu etapak. Izan ere, Vincenzo Nibalik (Liquigas) soilik eraso egin dio Wigginsi. Chris Froomen laguntzarekin erraz erantzun dio erasoari liderrak. Cadel Evans (BMC) Australiako txirrindulariak agur esan dio garaipenari, baina baita podiuma zapaltzeari ere.
Etapako sailkapena:
1. VOECKLER Thomas TEAM EUROPCAR 05h 35' 02''
2. SORENSEN Chris Anker TEAM SAXO BANK-TINKOFF BANK + 01' 40''
3. IZAGIRRE INSAUSTI Gorka EUSKALTEL - EUSKADI + 03' 22''
4. VINOKOUROV Alexandre ASTANA PRO TEAM + 03' 22''
5. FEILLU Brice SAUR-SOJASUN + 03' 58''
6. VOIGT Jens RADIOSHACK-NISSAN + 04' 18''
7. MARTIN Daniel GARMIN-SHARP + 06' 08''
8. STORTONI Simone LAMPRE - ISD + 06' 08''
9. CARUSO Gianpaolo KATUSHA TEAM + 06' 08''
10. TEN DAM Laurens RABOBANK CYCLING TEAM + 06' 11''
Sailkapen nagusia:
1. WIGGINS Bradley SKY PROCYCLING 74h 15' 32''
2. FROOME Christopher SKY PROCYCLING + 02' 05''
3. NIBALI Vincenzo LIQUIGAS-CANNONDALE + 02' 23''
4. VAN DEN BROECK Jurgen LOTTO-BELISOL TEAM + 05' 46''
5. ZUBELDIA Haimar RADIOSHACK-NISSAN + 07' 13''
6. VAN GARDEREN Tejay BMC RACING TEAM + 07' 55''
7. EVANS Cadel BMC RACING TEAM + 08' 06''
8. BRAJKOVIC Janez ASTANA PRO TEAM + 09' 09''
9. ROLLAND Pierre TEAM EUROPCAR + 10' 10''
10. PINOT Thibaut FDJ-BIGMAT + 11' 43''
Zure interesekoa izan daiteke
Bartzelonan hasiko da 2026ko Frantziako Tourra, mendia eta Alpe d’Huezen itzulera protagonista dituela
2026ko Frantziako Tourrak badu mapa. Frantziako Tourra Bartzelonatik abiatuko da lehen aldiz, taldekako erlojupeko batekin, Montjuïcen, eta altuerako ibilbidea egingo du: bost amaiera maldan gora, hitzordu bikoitza Alpe d'Huezen, eta 3.333 kilometro guztira.
Frantziako Tourra Mont Ventoux mendatera helduko da
2026ko edizioa Lausanatik abiatuko da abuztuaren 1ean, eta hilaren 9an amaituko da, Nizan. Zazpigarren jardunaldian, Mont Ventoux mendatera igo beharko dute txirrindulariek; horrez gain, laugarren etapa 21. kilometroko erlojupekoa izango da.
Ferrand-Prevotek historia egin du Frantziako Tourra irabazita
Azkeneko etapa ere Vismako txirrindulari frantziarrak bereganatu du. Podiumean Demi Vollering herbeheretarra eta Katarzyna Niewiadoma poloniarra izan ditu ondoan.
Pauline Ferrand-Prevot frantziarrak Tourra erabakita utzi du, Madeleine mendatean erakustaldia emanda
Amaierarako etapa baten faltan, Ferrand-Prevotek 2:37ko aldea du Sara Gigante bigarren sailkatuarekin, eta 3:18koa Demi Volleringekin.
Maeva Squibanek bigarrenez jarraian irabazi du Frantziako Tourrean
Txirrindulari frantziarrak erakustaldia eman du eta bigarren egunez jarraian bakarka helmugaratu da.
Maeva Squiban gailendu da Amberten, bakarka, eta Kim Le Courtek maillot horiari eutsi dio, Frantziako Tourrean
Lasterketako 32. ekitaldiko aurreneko mendiko etapan, UAE taldeko txirrindulari frantziarrak eskuratu du garaipena; AG Insurance taldeko ziklista maurizioarrra, ordea, hirugarren tokian helmugaratu da, seigarren jardunaldian, eta sailkapen nagusian duen aldea, orain, zortzi segundo handiagoa da.
Lorena Wiebesek irabazi du Poitiersen, esprintean, eta Marianne Vosek Frantziako Tourreko lider jarraitzen du
Lasterketako 32. ekitaldiko laugarren etapan, ez da aldaketa nabarmenik izan sailkapen nagusian. Wiebesek, beste behin, erakutsi du munduko esprinterrik onenetakoa dela; astelehenean bezala, garaipena eskuratu du.
Lorena Wiebesek irabazi du Angerseko esprinta, eta Marianne Vosek maillot horia berreskuratu du, Tourrean
SD Worx-Protime taldeko txirrindulari herbeheretarra, Europako egungo txapelduna bera, aurrenekoz gailendu da 32. Frantziako Tourrean; sailkapen nagusian, Visma-Lease a Bikeko herbeheretarra larunbateko etapan eskuratutako lehen postura bueltatu da.
Mavi Garcia nagusitu da Quimperren, eta Le Court horiz jantzi da
41 urteko Liv AlUla Jayco taldeko txirrindulariak 10 kilometro falta zirela ekin dio eraso erabakigarriari, eta 20 segundo inguruko tartea du taldearekiko.
Pogacarrek, Vingegaardek eta Lipowitzek osatu dute podioa
Tadej Pogacarrek irabazi du 2025eko Frantziako Tourra, Jonas Vingegaard bigarren izan da, eta Florian Lipowitz, hirugarren.