Frantziako Tourra, zuzen-zuzenean ETB-1en eta eitb.com-en
unta-puntako kirol emanaldiak eskaintzearen aldeko apustua eginez, Euskal Telebistak zuzenean emango du Frantziako Itzulia, laugarren urtez. Ekainaren 30ean hasiko da lasterketa Liejan eta uztailaren 22an amaitu Parisen. Eguneko etapak zuzenean izango dira ikusgai ETB-1en bazkalostean eta diferituan ETBKn iluntze partean. Goi mendietako jardunaldietan emanaldi bereziak izango dira, eta 'Gaur Egun' eta 'Teleberri' albistegietan eguneko kronika egingo dute.
Txirrindularientzat hitzordu garrantzitsuena dugu Frantziako Tourra, nazioartean probarik preziatuena. Zer esanik ez zaletuentzat. Iaz, 153.000 ikus-entzuleko audientzia metatua izan zuen ETBn.
Azken hiru urteetan bezalaxe, ETB-1en egingo da zuzeneko emanaldia arratsaldero, Pedro Mari Goikoetxea eta Xabier Usabiagaren kontakizunarekin. Iluntzean, 20:30ak inguruan, etapa berriz ikusteko aukera izango da ETBKn. Ohi denez, euskal txirrindularien jarduna adi-adi jarraituko dute eguneko kronika hauetan.
Mendiko bost etapa gogor izango ditu Frantziako 99. edizioak. Euskal Telebistak ia osorik emango ditu jardunaldi horiek. Azpimarratzekoak baita, ere, banakako bi erlojuz kontrako proba; aitzin etapa eta mendiko beste lau jardunaldi.
Lasterketak hiru aste iraungo du. Guztira 21 etapa dira, eta tartean bi atseden egun izango dituzte. Fermin Aramendik lasterketatik bertatik egingo du egingo du egunero kronika.
22 taldek hartuko dute parte txirrindularitza proban.Tropelean, punta-puntako txirrindulariak Parisera horiz. Jantzita iristeko ametsarekin: Cadel Evans, Wigins eta Samuel Sanchez, esate baterako.
TOURREKO 21 ETAPAK (profilak)
Atarikoa, ekainak 30: Lieja - Lieja (6,4 kilometro)
1. etapa, laua, uztailak 1: Lieja - Seraing (198 kilometro)
2. etapa, laua, uztailak 2: Vise - Tournai (207,5 kilometro)
3. etapa, mendikoa, uztailak 3: Orchies - Boulogne-sur-Mer (197 kilometro)
4. etapa, laua, uztailak 4: Abbeville - Rouen (214,5 kilometro)
5. etapa, laua, uztailak 5: Rouen - Saint-Quentin (196,5 kilometro)
6. etapa, laua, uztailak 6: Epernay - Metz (207,5 kilometro)
7. etapa, mendikoa, uztailak 7: Tomblaine - La Planche des Belles Filles (199 kilometro)
8. etapa, mendikoa, uztailak 8: Belfort - Porrentruy (157,5 kilometro)
9. etapa, erlojuekoa, uztailak 9: Arc-et-Senans - Besançon (41.5 kilometro)
Uztailak 10, atseden eguna
10. etapa, goi mendikoa, uztailak 11: Macon - Bellegarde-sur-Valserine (194,5 kilometro)
11. etapa, goi mendikoa, uztailak 12: Albertville - La Toussuire - Les Sybelles (148 kilometro)
12. etapa, mendikoa, uztailak 13: Saint-Jean-de-Maurienne - Annonay Davezieux (226 kilometro)
13. etapa, laua, uztailak 14: Saint-Paul-Trois-Chateaux - Le Cap d'Agde (217 kilometro)
14. etapa, goi mendikoa, uztailak 15: Limoux - Foix (191 kilometro) PROFILA
15. etapa, laua, uztailak 16: Samatan - Pau (158,5 kilometro)
Uztailak 17, atseden eguna
16. etapa, goi mendikoa, uztailak 18: Pau - Bagneres-de-Luchon (197 kilometro)
17. etapa, goi mendikoa, uztailak 19: Bagneres-de-Luchon - Peyragudes (143,5 kilometro)
18. etapa, launa, uztailak 20: Blagnac - Brive-la-Gaillarde (222,5 kilometro)
19. etapa, erlojupekoa , uztailak 21: Bonneval - Chartres (53.5 kilometro)
20. etapa, laua, uztailak 22: Rambouillet - Paris Champs-Elysees (120 kilometro)
Zure interesekoa izan daiteke
Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.
Bartzelonan hasiko da 2026ko Frantziako Tourra, mendia eta Alpe d’Huezen itzulera protagonista dituela
2026ko Frantziako Tourrak badu mapa. Frantziako Tourra Bartzelonatik abiatuko da lehen aldiz, taldekako erlojupeko batekin, Montjuïcen, eta altuerako ibilbidea egingo du: bost amaiera maldan gora, hitzordu bikoitza Alpe d'Huezen, eta 3.333 kilometro guztira.
Frantziako Tourra Mont Ventoux mendatera helduko da
2026ko edizioa Lausanatik abiatuko da abuztuaren 1ean, eta hilaren 9an amaituko da, Nizan. Zazpigarren jardunaldian, Mont Ventoux mendatera igo beharko dute txirrindulariek; horrez gain, laugarren etapa 21. kilometroko erlojupekoa izango da.
Ferrand-Prevotek historia egin du Frantziako Tourra irabazita
Azkeneko etapa ere Vismako txirrindulari frantziarrak bereganatu du. Podiumean Demi Vollering herbeheretarra eta Katarzyna Niewiadoma poloniarra izan ditu ondoan.
Pauline Ferrand-Prevot frantziarrak Tourra erabakita utzi du, Madeleine mendatean erakustaldia emanda
Amaierarako etapa baten faltan, Ferrand-Prevotek 2:37ko aldea du Sara Gigante bigarren sailkatuarekin, eta 3:18koa Demi Volleringekin.
Maeva Squibanek bigarrenez jarraian irabazi du Frantziako Tourrean
Txirrindulari frantziarrak erakustaldia eman du eta bigarren egunez jarraian bakarka helmugaratu da.
Maeva Squiban gailendu da Amberten, bakarka, eta Kim Le Courtek maillot horiari eutsi dio, Frantziako Tourrean
Lasterketako 32. ekitaldiko aurreneko mendiko etapan, UAE taldeko txirrindulari frantziarrak eskuratu du garaipena; AG Insurance taldeko ziklista maurizioarrra, ordea, hirugarren tokian helmugaratu da, seigarren jardunaldian, eta sailkapen nagusian duen aldea, orain, zortzi segundo handiagoa da.
Lorena Wiebesek irabazi du Poitiersen, esprintean, eta Marianne Vosek Frantziako Tourreko lider jarraitzen du
Lasterketako 32. ekitaldiko laugarren etapan, ez da aldaketa nabarmenik izan sailkapen nagusian. Wiebesek, beste behin, erakutsi du munduko esprinterrik onenetakoa dela; astelehenean bezala, garaipena eskuratu du.
Lorena Wiebesek irabazi du Angerseko esprinta, eta Marianne Vosek maillot horia berreskuratu du, Tourrean
SD Worx-Protime taldeko txirrindulari herbeheretarra, Europako egungo txapelduna bera, aurrenekoz gailendu da 32. Frantziako Tourrean; sailkapen nagusian, Visma-Lease a Bikeko herbeheretarra larunbateko etapan eskuratutako lehen postura bueltatu da.
Mavi Garcia nagusitu da Quimperren, eta Le Court horiz jantzi da
41 urteko Liv AlUla Jayco taldeko txirrindulariak 10 kilometro falta zirela ekin dio eraso erabakigarriari, eta 20 segundo inguruko tartea du taldearekiko.