Kern Pharmako Pablo Castrillo txirrindulariak bere bigarren etapa irabazi du Cuitu Negruko lainoan
Kern Pharma taldeko Pablo Castrillo txirrindulari espainiarrak irabazi du 2024ko Espainiako Vueltako hamabosgarren etapa igande honetan, Infiesto eta Valgrande-Pajares Cuitu Negru artean (143km), lainoak markatutako egunean. Horrela, talde nafarrak bigarren garaipena lortu du Vueltan. Aldi berean, Decathlon AG2R taldeko Ben O 'Connor australiarrak lider jarraitzen du sailkapen nagusian.
Cabeza de Manzanedan ere etapa irabazi ondoren, Castrillo 3:45:51ko denborarekin helmugaratu da Cuitu Negrun. Ondoren Vlasov errusiarra heldu da 13 segundora eta gero Sivakov frantziarra 33 segundora.
Sailkapen nagusiko lehian, Enric Mas (Movistar Team) espainiarra izan da faboritoen artean onena, Primoz Roglic (Red Bull-BORA Hansgrohe) esloveniarrarekin batera, eta 38 segundoko aldea atera dio O 'Connor liderrari.
Gainera, Roglicek 20 segundoko zigorra jaso du Cuitu Negruko igoeran bizikletaz aldatu eta gero kotxera gerturatzeagatik.
Espainiako Vueltak bigarren eta azken atseden eguna izango du astelehen honetan, datorren asteartean beste etapa erabakigarri batekin hasi aurretik: Covadongako Lakuak, maila bereziko beste mendate batekin, % 7ko batez besteko maldan.
Etapako sailkapena
1. - CASTRILLO Pablo (Kern Pharma) 3:45:51
2. - VLASOV Aleksandr (Red Bull) + 0:12
3. - SIVAKOV Pavel (UAE) + 0:31
4. - MAS Enric (Movistar) + 1:04
5. - ROGLIC Primož (Red Bull) d. b.
6. - SKJELMOSE Mattias (Lidl) + 1:09
7. - CARAPAZ Richard (EF) + 1:13
8. - KUSS Sepp (Visma) + 1:22
9. - LANDA Mikel (Soudal) + 1:27
10. - GAUDU David (Groupama) + 1:37
Sailkapen nagusia
1. - O'CONNOR Ben (Decathlon) 60:19:22
2. - ROGLIC Primoz (Red Bull) + 0:43
3. - MAS Enric (Movistar) +2:23
4. - CARAPAZ Richard (EF) + 2:44
5. - LANDA Mikel (Soudal) + 3:05
6. - LIPOWITZ Florian (Red Bull) + 4:33
7. - GAUDU David (Groupama) + 4:39
8. - RODRIGUEZ Carlos (INEOS) + 4:40
9. - SKJELMOSE Mattias (Lidl) + 4:51
10. - SIVAKOV Pavel (UAE) + 5:12
Zure interesekoa izan daiteke
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Mads Pedersen nagusitu da Monforte de Lemosen
Danimarkako txirrindulariak (Lidl-Trek) lasterketako 15. etapa irabazi du, 4 ordu, 2 minutu eta 13 segundoko denbora eginda. Ondoren, Orluis Aular venezuelarra eta Marco Frigo italiarra helmugaratu dira. Sailkapen nagusian, bestalde, Vingegaardek lidegoari eutsi dio.