Euskaltel Euskadi eta Kern Pharma ez dira Vueltan izango; Caja Rural, bai
Espainiako Vueltako antolatzaileek aurtengo edizioan parte hartuko duten taldeen zerrenda argitaratu dute asteazken honetan, eta bertan ez dira ez Euskaltel Euskadi ez Kern Pharma taldeak ageri; bai, ordea, Caja Rural.
Lasterketako arduradunek bi talde baino ez dituzte gonbidatu abuztuaren 26tik irailaren 17ra jokatuko den 2023ko ekitaldirako: Caja Rural Nafarroako taldea eta Burgos BH. Iazko ekitaldian justu alderantziz gertatu zen; izan ere, Euskaltel Euskadik eta Kern Pharmak bertan parte hartzeko aukera izan zuten, eta ez, ordea, Caja Ruralek (Burgos BH ekitaldi bietan egongo da).
Horren berri jasotakoan, Euskaltel zein Kern Pharma atsekabetuta azaldu dira Twitterreko euren profil ofizialen bidez, baina hurrengo ekitaldian gonbidapena jasotzeko merituak irabazteko lanean jarraituko dutela aurreratu dute.
Talde hauek hartuko dute parte Vueltan:
UCI WORLD TEAMS
AG2R Citroen
Alpecin-Deceuninck
Astana Kazakhstan
Bahrain Victorious
Bora – Hansgrohe
Cofidis
EF Education – Easypost
Groupama – FDJ
Ineos Grenadiers
Intermarché - Circus – Wanty
Jumbo-Visma
Movistar
Soudal Quick-Step
Arkea – Samsic
DSM
Jayco Alula
Trek – Segafredo
UAE Team Emirates
UCI PROTEAMS (2022ko UCI sailkapeneko bi UCI ProTeam onenak)
Lotto Dstny
TotalEnergies
GONBIDATUAK
Burgos – BH
Caja Rural – Seguros RGA
Zure interesekoa izan daiteke
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Mads Pedersen nagusitu da Monforte de Lemosen
Danimarkako txirrindulariak (Lidl-Trek) lasterketako 15. etapa irabazi du, 4 ordu, 2 minutu eta 13 segundoko denbora eginda. Ondoren, Orluis Aular venezuelarra eta Marco Frigo italiarra helmugaratu dira. Sailkapen nagusian, bestalde, Vingegaardek lidegoari eutsi dio.