David Dekker eta Danny Van der Tuuk fitxatuta osatu du Euskaltel-Euskadik 2025erako taldea
David Dekker eta Danny Van der Tuuk herbeheretarren fitxaketekin osatu du Euskaltel-Euskadi txirrindularitza taldeak 2025. urtean aurkeztuko duen taldea. Modu horretan, Euskal Herriko taldeak 21 txirrindulari izango ditu datorren denboraldian, ostegun honetan prentsa ohar bidez jakinarazi duenez.
Azken bi fitxaketek bat egin dute Jon Agirre, Marton Dina, Ander Ganzabal, Paul Hennequin, Jordi Lopez, Jokin Murguialday eta Louis Suttonen fitxaketekin. "Hazten ari diren maila handiko gazteak dira, baina eskarmentua ere badute, multzoa osatzeko eta 2025eko erronkei aurre egiteko", nabarmendu dute taldeko iturriek.
David Dekkerrek denboraldi baterako sinatu du, eta, 1,90 metroko altuerarekin, esprinter petoa eta klasikoetan iaioa da. Herbehereetako 23 urtez azpiko txapelduna izan zen 2019an, eta 2020an bi garaipen eskuratu zituen, eta beste horrenbeste klasikotan. Orduz gero, Jumbo-Visma (2021-2022) eta Arkea (2023-2024) taldeetan ibili da.
Elite mailan garaipen handiak lortzeko oso gertu izan da: bigarren 2023ko Italiako Giroko etapa batean eta UAE Tourreko edo Omango Tourreko etapetan, eta hirugarren 2024ko Monseré klasikoan. Guztira, Giroaren hiru ekitalditan aritu da eta Flandes eta Roubaix ere lehiatu ditu. Erik Dekker profesional ohiaren semea da.
"Oso pozik nago Euskaltel-Euskadi taldearekin fitxatzeagatik. Gazteagoa nintzenean txirrindularitza ikusten hasi nintzen lehen egunetik ezagutzen dudan taldea da. Baina, batez ere, oso pozik nago taldeak helarazi didan konfiantzagatik. (...) Denboraldi osoan goi mailan lehiatu nahi dut eta helmuga bakoitzean baieztatu", esan du Dekkerrek taldeak zabaldutako adierazpenetan.
Jorge Azanza Euskaltel-Euskadiko kirol arduradunak nabarmendu du Dekker izango dela taldeburua esprintetan, Jon Aberasturirekin batera, eta berarekin "talde eder bat" osatu dutela, "hainbat esparrutan lehiakorrak izateko".
Bestetik, Danny Van der Tuukek bi denboraldirako kontratua sinatu du Euskaltel-Euskadirekin, 2025erako eta 2026rako, eta Kern Pharma taldetik dator. Ordekan ezin hobeto moldatzen den 1,80 metroko txirrindularia da; taldekide ona, batez ere, eta klasikoak gustuko ditu. Liejako hiru edizio jokatu ditu, besteak beste.
"Ohore handia da Euskaltel-Euskadiren maillotarekin korritzea. Historia handiko taldea da eta lasterketa garrantzitsuetan garaipen handiak lortu ditu. Beste txirrindulari profesional ohi batzuekin hitz egin dudanean, denek ezagutzen dute taldea. Beraz, benetan itzela da hainbeste urteko historiaren ondoren honen parte izatea", azaldu du.
Horrenbestez, Euskaltel-Euskadik 21 txirrindulari izango ditu hurrengo denboraldian: Jon Aberasturi, Jon Agirre (fitxaketa), Nicolas Alustiza, Xabier Berasategi (berritzea), Mikel Bizkarra (luzapena), Iker Bonillo, David Dekker (fitxaketa), Victor de la Parte, Marton Dina (fitxaketa), Ander Ganzabal (fitxaketa), Paul Hennequin (fitxaketa), Xabier Isasa, Txomin Juaristi (berritzea), Jordi Lopez (berritzea), Andoni Lopez de Abetxuko (berritzea), Gotzon Martin (berritzea), Iker Mintegi, Jokin Murguialday (fitxaketa), Louis Sutton (fitxaketa), Danny Van der Tuuk (fitxaketa) eta Unai Zubeldia.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.