Erviti, Barrenetxea, De la Parte eta Azparren errepideko txirrindularitzako Europako Txapelketan izango dira
Imanol Erviti, Jon Barrenetxea, Victor de la Parte eta Xabier Mikel Azparren euskal txirrindulariak deitu ditu Espainiako selekzioak irailaren 20tik 24ra Herbehereetan, Drenthe probintzian, egingo den errepideko Europako Txirrindularitza Txapelketarako. Alex Aranburu ezingo da bertan egon, konpromisoak baititu bere taldearekin, eta Oier Lazkano ere ez da bertan izango, Espainiako Vueltan birus batek erasan baitio.
Gainera, Pascual Momparler Espainiako selekzioaren hautatzaileak Xabier Mikel Azparren txirrindularia aukeratu du Glasgowko Munduko Txapelketan erlojuaren kontrako proban Espainia ordezkatzeko.
Europako Txapelketa irailaren 20an hasiko da, asteazkenean, erlojupeko banakako lasterketekin; gizonezkoena 16:15ean hasiko da, eta 29,5 kilometroko ibilbide laua izango du. Emmenen hasi eta amaituko da, eta, zuzengune luzeak dituenez, ibilbidea aproposa izango da errodadore eta erlojuaren kontrako espezialistentzat.
Ibilbidea Assen herritik abiatuko da, eta 115 kilometroko hasierako sektorea egingo dute azken zirkuitura iristeko, Vam gainera (400 metro % 10eko maldekin). Zirkuitu horri sei itzuli emango dizkiote, guztira 199,8 kilometro egiteko.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.