Laboral Kutxa txirrindularitza taldea Normandian eta Italian lehiatuko da asteburuan
Laboral Kutxa-Euskadi Fundazioa nazioarteko mailako bi probetan parte hartuko du asteburu honetan: Normandiako Tourra jokatuko du ostiraletik igandera, eta Italiako Women's World Tourreko Alfredo Binda Saria igandean.
Euskal taldeak jakinarazi duenez, Idoia Eraso, Lija Laizane, Usoa Ostolaza, Marta Romeu, Tania Calvo eta Alba Teruel Normandiako lasterketan izango dira. Hiru etapa izango dira eta 22 taldek hartuko dute parte, World Tourreko hainbaten parte hartzearekin. Ibilbideak ez du mendate handirik, baina bai kota ugari eta ibilbide bihurgunetsua egunero.
Taldeko beste txirrindulari batzuk Alfredo Binda-Comune di Cittiglio sarian lehiatuko dira igandean, eta Women's World Tourreko hirugarren proba izango da taldearentzat (UAE Tourrean eta Strade Bianchen lehiatu osetan). Yurani Blanco, Ariana Gilabert, Nadia Quagliotto, Laura Rodriguez, Aileen Schweikart eta Eneritz Vadillo izango dira irteeran. Lasterketa azken zirkuituan erabakiko da, Casale (800 metro %7an) eta Orino (3,9 km %3,9an) igoerekin. Guztira, 139 kilometro izango dira Maccagno con Pino e Veddascatik Cittigliora.
Ion Lazkano Laboral Kutxako kirol arduradunaren hitzetan, "bi lasterketetan gure lekua bilatuko dugu. Frantzian, ihesaldietan protagonista izatea espero dugu, eta top hamar bat egiten saiatuko gara. Italian, berriz, goi mailakoa den arren, gure helburua probaren lehen erdian protagonismoa izatea da, eta uste dut postu duina lor dezakegula Aileenekin. Zalantzarik gabe, maila guztietan ikasten eta hazten jarraitzeko beste bi proba dira".
Zure interesekoa izan daiteke
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Pello Bilbao: “Etxean, zaleen aurrean, iragarri nahi nuen"
36 urteko txirrindulariak 2026ko Itzuliko azken etaparen atarian iragarri du denboraldiaren amaieran erretiroa hartuko duela.
Pello Bilbaok txirrindularitza profesionala utziko du denboraldi amaieran
36 urteko txirrindularia 2011n bihurtu zen profesional Euskaltel-Euskadi taldearekin, eta maila goreneko ibilbide luze eta arrakastatsua egin du.
ZUZENEAN: 2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixasek irabazi duen Itzuliko 5. etaparen laburpena
Paul Seixas (Decathlon) txirrindulari frantziarrak bere hirugarren etapa garaipena lortu du 2026ko Itzulian, Eibarren hasi eta bukatu den bosgarren etapan. 30 kilometroren faltan, ihesaldia jo du Florian Lipowitz (Red Bull) alemaniarrarekin batera, eta bien arteko azken esprintean erabaki da garailea.
Paul Seixas Itzuliko etapa nagusian ere jaun eta jabe
Paul Seixasek eta Florian Lipowitzek Izuan gora hautsi dute lasterketa, eta 19 urteko txirrindularia gailendu da Eibarko helmugan, Itzuliko hirugarren garaipena bereganatuta. Minutu batetik gorako atzerapenarekin iritsi dira gainerako faboritoak, tartean Primoz Roglic eta Ion Izagirre.
ZUZENEAN: 2026ko Itzuliko etapa nagusia (Eibar-Eibar, 176.2 km)
Ikusi zuzenean Eibarren hasi eta amaituko den 2026ko Itzuliaren 5. etaparen emanaldia. 15:05etik 18:15era arte, jardunaldiak ematen duen guztiaren berri izango duzu.
Pello Bilbao: “Nire mentalitatea, Itzulian, bukaerara itxarotea izan da, indarrak ahalik eta ondoen kudeatzea”
Bahrain-Victorious taldeko txirrindulari bizkaitarra sailkapen nagusiko hamaikagarren postuan dabil, eta maila ona eman du Galdakaoko etapan, Alex Aranburuk garaipena lortu duen egunean.