Txapeldunen Liga

2023/11/30 - 00:38

Realak 0-0 berdindu du Salzburgoren aurka, eta puntu bat behar du Milanen multzoko lehena izateko

Reale Arenan jokatutako partidan gertatu denez, Lisboan, Da Luz estadioan, Benficak eta Inter Milanek puntu bana eskuratu dute, 3-3 amaituta; hortaz, talde txuri-urdinak nahikoa du berdintzea azken jardunaldian. Realak amaierara arte jo du garaipena lortu nahirik.

2023/11/29 - 00:54

Realak Salzburgo garaitu nahi du, Txapeldunen Ligako multzoan aurrenekoa izateko lehian bere burua indartzeko

Talde txuri-urdina final zortzirenetan izango da. 10 puntu lortuta, D multzoko liderra da, Inter Milanekin berdinduta, eta Reale Arenan hiru puntu gehiago batzea du helburu, Milanen jokatuko duen azken partidara aurretik iritsi ahal izateko.

2023/11/28 - 21:21

Imanol: ''Salzburgo asko gustatzen zaidan taldea da; beti izaten du nortasun handia''

Asteazkenean, 21:00etan, Realak Salzburgoren aurka jokatuko du, Txapeldunen Ligako bosgarren jardunaldian. Talde txuri-urdinak bermatuta du sailkatzea, baina multzoaren aurreneko postua nahi du.

2023/11/22 - 20:21

UEFAk isuna jarri dio Realari zale txuri-urdinek Benficaren zelaian piztutako bengalengatik

Donostiako taldeak 3.000 euro ordaindu beharko ditu Portugalgo taldearen zelaian, urriaren 24an, bere zaleek eragindako gertakariengatik.

2023/11/18 - 13:47

Mikel Oyarzabalek lesioa du ezker hankako bizeps femoralean

Realeko jokalariak min hartu zuen Espainiako selekzioarekin Zipreren aurka jokatutako Eurokoparako sailkatze faseko partidan, eta lau norgehiagoka eman ditzake jokatu ezinda.

2023/11/09 - 09:47

Aperribay: ''Realak beharrezkoak diren baliabide guztiak erabiliko ditu gaizkile horien kontra''

Jokin Aperribay Realeko presidenteak hitz egin zuen Benficako ultra batzuek neurketan bengalak jaurti ostean.

2023/11/09 - 01:14

Realak Benfica gainditu du, eta final-zortzirenetara sailkatu da (3-1)

Imanolen mutilek lehen ordu erdi bikaina jokatu dute, eta hiru aldiz aurreratu dira markagailuan. Benficak aldeak murriztu ditu bigarren zatian, eta tarte horretan Portugalgo zaleen gunetik bengalak jaurti dituzte Realeko zalen harmailetara.

2023/11/08 - 23:01

Imanol Alguacil: ''Izugarrizko gaua izan da, historikoa''

Imanol Alguacil Realeko entrenatzailea pozarren agertu da prentsaurrekoan Benficaren aurka Reale Arenan lortutako garaipenarengatik eta bere taldeak egindako joko erakustaldiagatik.

2023/11/07 - 21:50

Realak Txapeldunen Ligako final-zortzirenetan sartu nahi du, Benficari etxean irabazita

Portugaldarrei irabazi eta Interrek Red Bull Salzburgoren aurka beste horrenbeste egitea behar dute txuri-urdinek, multzoen fasea bukatzeko bi jardunaldiren faltan sailkapena ziurtatzeko.

2023/11/07 - 20:17

Imanol: ''Benficak hil ala biziko partida egingo du, minduta daude''

Realak Benfica taldea hartuko du asteazkenean Reale Arenan, multzoen faseko laugarren jardunaldian.

2023/10/26 - 11:45

Hirutik hiru garaipen Manchester Cityrentzat; Newcastlek lehen porrota jaso du

Egungo txapeldunak G Multzoko lehen postua sendotu du, jokoan zeuden bederatzi puntuetatik bederatziak lortuta. Pep Guardiolaren jokalariek 1-3 hartu zuten mendean Young Boys, eta Haalandek bi gol sartu zituen.

2023/10/25 - 13:29

Zubimendi: ''Gure ametsa zen Txapeldunen Liga honetan gure maila erakustea''

Martin Zubimendi Realeko erdilariaren esanetan, talde txuri-urdina maila aparta ari da erakusten Txapeldunen Ligan, baina oraindik ere "gehiago" erakusteko gai direla irizten dio.

2023/10/25 - 13:01

Imanol, Benficari Lisboan irabazi ostean: ''Hauxe da nik nahi dudan Reala''

Imanol Alguacil Realeko entrenatzaileak "poza eta harrotasuna" azpimarratu ditu astearte honetan Benficaren aurka garaipena lortu eta gero, baina zuhur jokatu nahi izan du, oraindik "hasiera" baino ez delako.

2023/10/25 - 01:18

Realak urrezko garaipena lortu du Lisboan, Benficaren aurka (0-1), eta gero eta hurbilago du sailkatzea

Brais Mendezek egin du gola, 63. minutuan, Ander Barrenetxearen jokaldi bikain bat baliatuta. Txapeldunen Ligan hiru jardunaldi jokatuta, Realak zazpi puntu ditu, eta bere multzoko lehen postuan jarraitzen du, Inter Milanekin berdinduta.

2023/10/24 - 18:27

Reala, hamaika jokalari zelaian eta 3.500 zale harmailetan, Lisboan; realzaleek garaipena espero dute

3.500 bat realzale dabiltza Lisboan, Da Luz estadioan txuri-urdinek Benficaren aurka 21:00etan jokatuko duten partidan taldea animatzeko. EITB horietako batzuekin izan da.

2023/10/24 - 10:21

Realak aurrerapauso handia eman nahi du Lisboan, Benficaren zelaian, Txapeldunen Ligan jarraitzeko

Imanolen gizonek lau puntu dituzte, multzoen faseko lehen bi jardunaldiak jokatuta; Portugalgo taldeak, aldiz, ez du punturik eskuratu oraindik, eta estu-estu dabil. Aurreikuspena da Realaren hasierako hamaikakoan larunbatean Ligan titular izan ez ziren hainbat jokalari sartzea.

2023/10/24 - 00:59

Imanol: ''Benficak talde izugarria du; betiko gure lehiakortasun handia erakutsi beharko dugu''

Da Luz estadioan jokatu beharreko neurketaren bezperan, Realeko entrenatzaileak nabarmendu du talde txuri-urdinak partida bikaina egitea duela helburu, hori baita modua Lisboan garaipena eskuratzeko.

2023/10/24 - 00:47

Alex Remiro: ''Nahi dugu aurpegia eman, irabazi, garen bezala azaldu, gure onena eman''

Realeko atezainak, talde txuri-urdinak Lisboan Benficaren kontra, Txapeldunen Ligan, jokatu beharreko partidaren bezperan, anbizio handia erakutsi du; nabarmendu ere nabarmendu du aurkaria talde bikaina dela.

2023/10/23 - 14:16

Reala Lisboara bidean da, Benficaren kontrako Txapeldunen Ligako partida jokatzeko

Realak Benficaren kontra jokatuko du astearte honetan, Txapeldunen Ligako multzoen fasean. Taldea gaur goizean irten da Noaingo aireportutik.

2023/10/05 - 11:45

Manchester City sendo G multzoko lehen tokian, Leipzig garaituta; Newcastlek 4 gol sartu dizkio PSGri

Txapeldunen Ligako egungo txapeldunak Leipzig mendean hartu du Phil Fodenek, Julian Alvarezek eta Jeremy Dokuk sartutako golei esker. Bestetik, Newcastlek 4-1 irabazi dio PSGri.