Txapeldunen Liga

2024/06/15 - 13:21

Luis Llopis, Hernaniar Bikaina

Hernaniarra Real Madrileko atezainen entrenatzailea da, eta 2023-2024 denboraldian EA Sports Liga eta Txapeldunen Liga irabazi ditu. Aurretik, Athleticen, Realean eta Levanten ere ibilitakoa da atezainen entrenatzaile gisa.

2024/06/02 - 02:06

Real Madrilek hamabosgarrenez irabazi du Europako Kopa

Carvajalek eta Viniciusek bigarren zatian sartutako golei esker gailendu zaio Real Madril Borussia Dortmundi. Ordura arte, Alemaniako taldea nagusi izan da, baina ez du Courtoisen ate aurrean asmatu eta larrutik ordaindu du.

2024/05/26 - 00:09

Irene Paredes, Txapeldunen Liga irabazi ostean: ''Amestutako finala izan da, amestutako emaitzarekin''

Irene Paredes pozarren agertu da Bartzelonarekin Txapeldunen Liga San Mamesen irabazi eta gero. Finala "etxean jokatzea" eta Olympique Lyon mendean hartu izana "oso berezia" izan dela azpimarratu du.

2024/05/25 - 22:21

Bartzelonak hirugarrenez irabazi du Txapeldunen Liga, Olympique Lyon mendean hartuta

Aitana Bonmatik eta Alexia Putellasek sartu dituzte Bartzelonaren golak, San Mamesen jokatu den Txapeldunen Ligako final handian. Kataluniako taldeak denboraldi honetan jokatu dituen titulu guztiak irabazi ditu.

2024/05/24 - 21:15

Irene Paredes eta Damaris Egurrola, Emakumezkoen Txapeldunen Ligako tituluaren bila

Damaris Egurrolaren Olympique Lyonek eta Irene Paredesen Bartzelonak indarrak neurtuko dituzte Txapeldunen Ligako finalean. Bi euskal jokalariak hasierako hamaikakoan izango omen dira.

2024/05/23 - 12:48

Bartzelona-Lyon, Txapeldunen Ligako finala zenbakitan

Europako Txapelketa garrantzitsuenaren finala jokatuko dute bi taldeen inguruko hainbat datu bildu ditugu, zenbakitan. Hitzordua San Mamesen izango da, larunbat arratsaldean, 18:00etatik aurrera.

2024/05/22 - 18:16

Irene Paredes: ''Jendeak erantzuten du emakumezkoen kirolarekin, kasu honetan futbolarekin''

Irene Paredesek larunbatean (maiatzaren 2an) Bartzelonaren eta Lyonen artean San Mamesen jokatuko den Txapeldunen Ligako finalaren inguruan hitz egin du.

2024/05/22 - 17:35

Budapesten eta Oslon jokatuko dituzte 2026 Txapeldunen Ligako finalak

Emakumezkoena Osloko Ullevaal Stadionen izango da; gizonezkoena, ordea, Budapesteko Puskas Arenan.

2024/05/21 - 21:14

Damaris Egurrola: ''Nik uste dut munduan ikusi ahal den partidarik onenetarikoa izango dela''

Lyoneko jokalariak maiatzaren 25ean San Mamesen jokatuko den 2024ko Emakumezkoen Txapeldunen Ligako Bartzelonaren aurkako finalaren inguruan hitz egin du.

2024/05/09 - 11:28

Real Madril Txapeldunen Ligako finalean da, finalaurrekoan Bayern kanpoan utzita (2-1)

Bayern Munich markagailuan aurretik jarri zen arren, Joseluk partida amaieran sartutako bi golek finalerako txartela eman zioten Ancelottiren taldeari.

2024/05/08 - 11:20

Borussia Dortmundek Txapeldunen Ligako finala jokatuko du, PSG kanporatu ostean

Alemaniako taldeak 0-1 hartu zuen mendean, finalaurreko itzuliko norgehiagokan, Hummelsek 50. minutuan sartutako gol bati esker.

2024/05/01 - 11:31

Bina berdinduta, Bayern Munichen eta Real Madrilen arteko kanporaketa Bernabeun erabakiko da

Real Madril aurreratu zen markagailuan, Viniciusen gol batekin. Bigarren zatian, Bayernek emaitza irauli zuen arren, Viniciusek penaltiz sartutako golarekin, bina berdinduta amaitu zen neurketa.

2024/04/18 - 02:33

Bayern Munich eta Real Madril Txapeldunen Ligako finalaurrekoetan dira, eta elkarren kontra jokatuko dute

Bayern Munichek Arsenal kanporatu du, Londreseko taldea final laurdenetako itzuliko partidan 1-0 menderatuta, eta Real Madrilek, ordea, Manchester City utzi du kanpo, penalti jaurtiketetan; izan ere, luzapena amaituta, Etihad Stadiumeko neurketa bana bukatu da. Finalerdia Munichen hasiko da.

2024/04/17 - 01:57

Borussia Dortmund eta Paris Saint-Germain Txapeldunen Ligako finalerdietarako sailkatu dira

Final laurdenetako itzuliko partidetan, Alemaniako taldeak Atletico Madril kanporatu du, Dortmunden, 4-2 irabazita, eta Frantziako taldeak, aldiz, Bartzelona hartu du mendean, Kataluniako hiriburuan 1-4 gailenduta.

2024/04/11 - 02:22

Bartzelonak eta Atletico Madrilek gol bateko aldea lortu dute, Paris Saint-Germain eta Dortmund aurkari

Amaitu dira, asteazkenean, final laurdenetako joaneko partidak. Parisen, Bartzelonak 2-3 menderatu du Paris Saint-Germain; Madrilen, Atletico Madrilek 2-1 hartu du mendean Borussia Dortmund. Itzuliko partidak hurrengo asteartean jokatuko dituzte, Bartzelonan eta Dortmunden.

2024/04/10 - 01:54

Real Madrilek eta Cityk eta Arsenalek eta Bayern Munichek berdindu egin dute, final laurdenetako joanekoetan

Txapeldunen Ligako gau bikain batean, Bernabeun hiruna egin dute Real Madrilek eta Manchester Cityk, eta Emirates Stadiumen, Londresen, bina egin dute Arsenalek eta Bayern Munichek; hortaz, itzuliko partidetan erabakiko dituzte kanporaketak, hilaren 17an.

2024/03/15 - 14:13

Real Madril-City, PSG-Barça, Atletico-Dortmund eta Arsenal-Bayern, Txapeldunen Ligako final-laurdenetan

Real Madrilek Manchester City izango du aurkari final-laurdenetako kanporaketan, PSGk Barçaren aurka jokatuko du, Atletico Madrilek Borussia Dortmund izango du aurkari eta Arsenal Bayern Munichen kontra lehiatuko da. Joaneko neurketak apirilaren 9 eta 10ean jokatuko dira; itzulikoak, 16 eta 17an.

2024/03/13 - 13:33

Arsenal eta Bartzelona Txapeldunen Ligako final laurdenetarako sailkatu dira

Mikel Artetak entrenatzen duen taldeak penaltietan hartu zuen mendean Porto (4-2); Iñigo Martinezen Bartzelonak, berriz, 3-1 irabazi zion Napoliri.

2024/03/06 - 17:41

San Mamesen jokatuko duten Women's Champions Leagueko finala aurkeztu dute

Estatua bat inauguratu dute, Nahia, Bilboko futbol zelaiaren aurrean; Nahiaren asmoa da zale guztiei finalerako ongietorria ematea. Final horretan "asko dago jokoan", nabarmendu dutenez.

2024/03/06 - 13:09

Realak 1-2 galdu du Paris Saint-Germain aurkari, Reale Arenan, eta Txapeldunen Ligatik kanpo gelditu da

Kylian Mbappek sartu ditu Frantziako taldearen bi golak, eta Mikel Merinok egin du talde txuri-urdinarena. Realak amaierara arte borrokatu du, eta gogoan izateko moduko ibilbidea burututa esan dio agur Europa mailako txapelketarik handienari.