Nico Williams
2025/04/17 - 02:06
Dozenaka athleticzale izan dira Lezaman, talde zuri-gorriari babesa emateko, Rangersi begira
Final zortzirenetako kanporaketan ere gertatu zenez (orduan, Athleticek, San Mamesen, Erroma kanporatu zuen), Bizkaiko taldearen zaleak azken entrenamenduan izan dira, Valverderen gizonek Rangersen aurka jokatu aurretik. Jokalariek babesa eskertu dute.
2025/04/14 - 23:17
Oihan Sancetek Athleticek Lehen Mailan lortzen duen 5.000. gola sartu zuen Rayo Vallecanoren aurka
Ligako Txapelketa 1928-29 denboraldian hasi zenetik, Athleticek, igandean San Mamesen sartutako hirurak zenbatuta, 5.000 gol egin ditu. Soilik beste hiru taldek erdietsi dute gol kopuru horretara iristea.
2025/03/14 - 14:14
Simon, Nico Williams, Remiro, Zubimendi eta Oyarzabal, Espainiako Selekzioaren deialdian
Espainiak Herbehereen aurka neurtuko ditu indarrak Nazioen Ligako final-laurdenetan. Joaneko partida Rotterdamen jokatuko du martxoaren 20an, ostegunean, eta itzulikoa Valentzian, Mestallan, hilaren 23an.
2025/02/23 - 19:42
Gol festa San Mamesen (7-1)
Athleticek gozatu egin du etxean Valladoliden aurka jokatutako norgehiagoka, Mikel Jauregizarrek, Nico Williamsek (2), Maroan Sannadik, Oihan Sancetek, Gorka Guruzetak eta Iñaki Williamsek egindako golekin.
2025/01/23 - 09:23
Athleticek argi galdu du Besiktasen aurka (4-1), eta aurrenekoz atera da galtzaile Europa Ligan
Rashicak egin du partidako lehenengo gola, Unai Gomezek berdinketa egin du atsedenaldira joan aurretik, eta, bigarren zatian, berriro Rashicak, Rafa Silvak eta Joao Mariok beste hiru golak sartu dituzte. Horrenbestez, Athleticek ez du ziurtatuta, oraingoz, final zortzirenetara zuzenean sailkatzea.
2025/01/08 - 23:03
Athleticek ezin izan du Bartzelonaren aurka (0-2), eta Superkopatik kanpo gelditu da
Gavik, 17. minutuan, eta Yamalek, 53.ean, Kataluniako taldearen golak egin dituzte, eta Bartzelona Athletic baino gehiago izan da, asteazkenean jokatutako finalerdian. Bilboko taldeak gola sartzeko moduko aukera batzuk izan ditu, baina ez du asmatu, eta Bartzelona hobeto aritu da erasoan.
2025/01/08 - 09:40
Athleticek Superkopako finalerako txartela lortu nahi du Bartzelonaren aurka
Euskal taldea eta Hansi Flicken gizonak asteazkenean arituko dira nor baino nor gehiago, 20:00etatik aurrera, King Abdullah zelaian, Jiddan, Saudi Arabian. Zalantzan dago Nico Williamsek, Sancetek eta Ruiz de Galarretak jokatu ahal izatea, arazo fisikoengatik.
2025/01/07 - 18:43
Athletic King Abdullah estadioan entrenatu da; Nico Williamsen parte-hartzea zalantzan dago finalerdietarako
Athleticek lansaioa egin du Bartzelonaren kontra Espainiako Superkopako finalerdia jokatu bezperan. Nico Williamsen parte-hartzea zalantzan dago Barçaren aurkako lehiarako, ezker orkatilan kontusioa du eta. Horrez gain, Sancet eta Gorosabel ez dira taldearekin lanean aritu.
2024/12/12 - 09:30
Athleticek Fenerbahçe menderatu du Istanbulen, 0-2, Williamsek bi gol sartuta, eta oso indartsu jarraitzen du
Athleticen aurrelariak bosgarren eta 45. minutuetan egin ditu golak. Garaipena lortuta, euskal taldeak, sei partida jokatuta, 16 puntu ditu, eta sendo dabil sailkapeneko lehen zortzi postuetako bat eskuratzeko lehian.
2024/12/10 - 22:40
Athleticek bolada onari eutsi nahi dio Istanbulen, Fenerbahçe aurkari
Bilboko taldeak, Europa Ligako liga faseko seigarren jardunaldian, asteazkenean, 16:30etik aurrera, Jose Mourinhok entrenatzen duen taldearen kontra jokatuko du. Turkiako taldeak, sailkapenean, Athleticek baino bost puntu gutxiago ditu.
2024/12/05 - 00:18
Athleticek Real Madril menderatu du San Mamesen (2-1), eta meritu handiko hiru puntu eskuratu ditu
Berenguerrek eta Guruzetak sartu dituzte talde zuri-gorriaren golak, eta Agirrezabalak penalti bat gelditu dio Mbapperi. Athleticek 2015etik lehen aldiz hartu du mendean Ligan Real Madril.
2024/11/28 - 21:42
Athleticek Elfsborg menderatu du San Mamesen (3-0), eta oso sendo jarraitzen du Europa Ligan
Adamak eta Pradosek, lehen zatian, eta Guruzetak bigarrenean, talde zuri-gorriaren golak sartu dituzte, eta Unai Simon izan da atepean. Europa Ligako liga faseko zortzi jardunaldietatik bost jokatuta, Valverderen gizonek hamahiru puntu dituzte, eta sailkapeneko aurreneko zortzietan jarraitzen dute.
2024/11/16 - 13:10
Oyarzabalek egindako golak Espainiak Danimarkaren aurka lortutako garaipena bideratu du (1-2)
Zubimendik zelaia utzi behar izan zuen 70. minutuan, min hartuta. Multzoen fasea amaitzeko jardunaldi baten faltan, Espainiak ziurtatuta du bere multzoko lehen postua.
2024/11/08 - 14:55
Paredes, berritasun nagusia Luis de la Fuenteren zerrendan
Aitor Paredesekin batera, Espainiako hautatzaileak Athletic Clubeko beste bi jokalari sartu ditu deialdian (Dani Vivian eta Nico Williams), Realeko hiru (Alex Remiro, Martin Zubimendi eta Mikel Oyarzabal) eta Osasunako bat (Bryan Zaragoza).
2024/11/07 - 22:00
Athleticek partida irauli egin du Ludogoretsen aurka, eta beste garaipen bat eskuratu du Europa Ligan (1-2)
Iñaki Williamsek eta Nico Serranok egin dituzte Bilboko taldearen golak, 73. eta 74. minutuetan; aurretik, 20. minutuan, Erick Marcusek egin du 1-0ekoa Bulgariako taldea aurretik jartzeko. Horrenbestez, Athleticek 10 puntu ditu txapelketan, liga faseko 4 partida jokatuta.
2024/10/29 - 13:14
Athleticek berdinketa baino ez du lortu Mallorcaren aurka (0-0)
Ernesto Valverderen taldeari erritmoa eta energia falta izan zaizkio Arrasateren taldea estutzeko.
2024/10/29 - 10:51
Nico Williams: ''Urrezko Baloia irabazteko izendatuta egotea arrakasta da niretzat''
Nico Williams Athleticen jokalariak Urrezko Baloiaren izendapenari buruz hitz egin du, Mallorcaren aurkako partidaren ostean.
2024/10/28 - 23:16
Unai Simon, 2. Yashin sarian; Nico Williams, 15. Urrezko Baloiko sailkapen nagusian
Unai Simon bigarren izan da atezain onenari ematen zaion Yashin sarian, Dibu Martinezen atzetik. Horrez gain, Nico Williams 15. postuan geratu da jokalari onenaren sarian.
2024/10/25 - 01:17
Nico Williamsen golak eta Agirrezabalaren geldiketek hiru puntuak eman dizkiote Athletici, Slaviaren aurka
Ernesto Valverderen taldeak 33. minutuan egin du 1-0ekoa, Nico Williamsen bidez, eta gogotik lan egin behar izan du garaipena eskuratzeko; hori lortuta, zuri-gorriek 7 puntu dituzte Europa Ligan, liga faseko hiru jardunaldi jokatuta.
2024/10/08 - 20:26
Nico Williamsek Espainiako selekzioaren kontzentrazioa utzi du, eta Sergio Gomez deitu du De La Fuentek
Athleticeko jokalaria min hartuta dago, eta ez ditu jokatuko Espainiarekin Danimarkaren eta Serbiaren aurkako Nations Leagueko partidak. Nicoren hutsunea betetzeko Luis De La Fuente hautatzaileak Sergio Gomez Realeko jokalaria sartu du deialdian.