Bilbao Basketek FIBA Europe Cup txapelketa jokatuko du 2023-2024 denboraldian
Surne Bilbao Basketek FIBA Europe Cup txapelketa jokatuko du 2023-24 denboraldian, ostegunean Bilboko klubak jakitera eman duenez. Bilboko taldea, hala, hamaikagarren aldiz arituko da Europako txapelketan batean, eta FIBA Europe Cupen estreinatuko da. Txapelketa hori 2015-2016 denboraldian sortu zen, eta Anwil Wloclawek Poloniako taldea da egungo txapelduna.
FIBAk antolatzen dituen txapelketei erreparatuta, FIBA Europe Cup bigarrena da; Txapeldunen Liga da lehenengoa. Horietaz gain, Euroliga eta Eurocup txapelketa ere badaude. Bilbao Basketek, orain arte, behin jokatu du Euroliga (2011-2012 denboraldian), zazpi aldiz Eurocup txapelketa, eta bi aldiz Txapeldunen Liga.
2023-2024 denboraldiko FIBA Europe Cupen, 40 talde ibiliko dira fase erregularrean; oraingoz, 13 daude zuzenean sailkatuta fase horretarako. Multzo fasea izango da lehenengo hori, eta multzo bakoitzean lau talde izango dira. Hortik aurrerako txapelketa formatua, ordea, zehaztu gabe dago oraindik.
Bilbao Basket eta egungo txapelduna den Anwil Wloclawek alde batera utzita, bermatuta dago beste talde hauek ere izatea fase horretan: Bahcesehir (Turkia), Nymburk (Txekia), Gravelines (Frantzia), Hapoel Galil Elion (Israel), Niners Chemnitz (Alemania), Spojnia Stargard (Polonia), Balkan (Bulgaria), Alba Fehervar (Hungaria), Leiden (Herbehereak), Sporting Portugal (Portugal) eta Sibiu (Errumania).
Txapeldunen Ligako atarikoan galtzaile irtengo diren beste 20 taldek ere parte hartuko dute; eta, halaber, urriaren 3tik 5era bitartean zazpi sailkatze fase jokatuko dituzte, eta horietatik irtengo dira parte hartuko duten beste zazpi taldeak.
Anwil Wloclawek kenduta, beste talde hauek ere irabazi dute FIBA Europe Cup: Reyer Veneziak eta Dinamo Sassarik (Italia), Nanterrek (Frantzia), Skyliners Frankfurtek (Alemania), Bahcesehirrek (Turkia) eta Ironi Ness Zionak (Israel).
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.