Atzeratu egin dute Bilbao Basket – Unicaja neurketa, Bilboko taldean izandako positiboengatik
Asteazken honetan (20:00) jokatzekoa zen Surne Bilbao Basket – Unicaja partida, Endesa Ligako 15. jardunaldiari zegokiona, bertan behera geratu da etxeko taldeari eragiten dion covid-19 kasu positiboen agerraldia dela eta. Hala jakinarazi zuen ACBk ohar baten bidez astearte gauean.
Bilbao Basketek astelehenean jakinarazi zuen 5 positibo agertu zirela taldean, eta horietako bi jokalariei zegozkiela, baina, hasiera batean, horrek ez zuen eragotzi partida jokatzeko asmoa. Hala ere, bilbotarrek beste proba batzuk egin zituzten asteartean zehar, eta positibo gehiago agertu ziren. Ondorioz, ACBk bilbotarren eta andaluziarren arteko lehia atzeratu egin behar izan du.
ACBk bere oharrean adierazi zuenaren arabera, laster jakinaraziko du koronabirusaren pandemiagatik atzeratutako partida hori jokatzeko data berria. Guztira, jardunaldi honetako bost partida atzeratu behar izan dira koronabirusaren eraginez.
Errege Kopa
Horren aurrean, ACBk urtarrilaren 30era arte luzatu du Endesa Ligako lehen itzuliaren amaiera, eta, bide batez, baita otsailaren 17tik 20ra jokatuko den 2022ko Granadako Errege Koparako sailkapena ere, pandemiak eragindako positiboen ondorioz atzeratutako partidak berreskuratu ahal izateko.
Astelehen honetan egindako batzarrean, klubek aho batez erabaki zuten "gehienez ere urtarrilaren 30era arte luzatzea" lehen itzuliaren (17. jardunaldia) amaierarako aurreikusitako epea, "atzeratutako partidak berreskuratzea eta talde guztien arteko lehia berdintasuna errazteko asmoz".
Aitzitik, lehen itzulirako aurreikusita zeuden partida guztiak urtarrilaren 30ean jokatuta ez baleude, ACBk "garaipenen eta porroten arteko portzentajea" hartuko luke aintzat Errege Koparako sailkatzeko irizpide nagusitzat, "lehen itzuliari dagozkion partidak bakarrik zenbatuz".
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.