Bilbao Basket-Partizan, gaur, 20:30ean, Miribillan
RETAbet Bilbao Basketek Partizan Nis Belgrad taldearen bisita jasoko du gaur, Bilbao Arenan. Serbiako taldea multzoko azkena da eta Miribilla bisitatuko du Eurokopako hirugarren jardunaldian. Bilboko taldeak, berriz, Limogesen eta Teneriferen kontra pilatutako azken bi porrotak alde batera utzi nahiko ditu Partizani irabazita.
Beltzezko gizonek oso ondo ekin zioten Europako txapelketari Lietuvos Rytas Lituaniako taldearen etxean partida ona jokatu eta garaipena poltsikoratu ostean, baina ezin izan zioten bide horri eutsi joan zen asteazkenean, etxean, Limogesek bereganatu baitzituen lehian zeuden puntuak (91-98). Partida horretan, neurketa gehientsuenetan gertatzen ari zaiena bizi izan zuten bilbotarrek: oso kaskar ekin zioten norgehiagokari.
RETAbetek ezin izan zuen larunbatean asteazkeneko porrota atzean utzi Teneriferen kantxan. Nahiz eta bizirik iraun zuen lehen hiru laurdenetan, azkenerako men egin behar izan zuen, eta Endesa Ligako hirugarren porrotarekin bueltatu ziren Bilbora (83-69).
Bilbotarrek Miribillara ataka larrian helduko den Partizan izango dute aurrez aurre; izan ere, C multzoan oraindik garaipenik lortu ez duen talde bakarra da. Asteburuan, aldiz, 117-104 irabazi zuen Adriatikoko Ligako partida, Igokearen aurka.
Esan bezala, Eurokopako aurreko bi jardunaldietan galdu egin du talde serbiarrak: Alba Berlinen aurka (111-85), kanpoan, eta Lietuvos Rytasen kontra (80-91), etxean.
Honako jokalari hauek osatzen dute Partizanen bloke nagusia: Patrick Miller joko-antolatzailea (19,5 puntu eta 3 errebote), Nigel Williams-Gross eskolta (16,5 puntu eta 5,5 asistentzia), Vanja Marinkovic hegalekoa (11,5 puntu eta 5,5 errebote), eta Marko Pecarski (8,5 puntu eta 5 errebote ) eta Doko Salic (8 puntu eta 4,5 errebote) pibotak.
Zure interesekoa izan daiteke
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Greziako PAOK, Eslovakiako Prievidza eta Portugaleko Sporting, Surne Bilbaoren aurkariak, bigarren fasean
Beltzezko gizonek Sporting Portugalen aurka jokatuz ekingo dio FIBA Europa Kopako bigarren itzuliari, abenduaren 10ean, etxean.
Surne Bilbaok Kutaisi jipoitu du Miribillan, eta multzoko buru dabilela, sailkapena lortu du (117-54)
Gainera, beltzezko gizonek klubaren historiako saskiratze-marka berriz hautsi dute.
Surne eta Bilbao Basket, elkarrekin 2031ra arte
Kontratua berrituta, taldearen izena Surne Bilbao izanen da aurrerantzean.
Surne Bilbao Basketek taldeko lehen postua ziurtatu nahi du Kutaisi 2010en aurka
Kutaisiren aurkako norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.
Bilbao Basketek galdu egin du Real Madrilen aurka, lehiakor aritu bada ere (82-70)
Surne Bilbao Basketek gogor egin dio aurre Real Madrili Movistar Arenan, baina azken laurdenean indarrak ahitu zaizkio, eta, azkenean, 82-70 galdu du.
Bilbao Basketek berriz irabazi dio Brnori (115-100), eta multzoko lehen postua lortzeko pauso bakarra behar du
Bilbotarrek aise irabazi diete txekiarrei berriro, baina Brnok bizkaitarrak zertxobait estutu ditu une batzuetan. Surne Bilbao Basketek bere saskiratze marka hautsi du berriro gaurko norgehiagokan.