Bilbao Basketek Europako porrota ahaztu nahi du Tenerifen
RETAbet Bilbao Basketek Iberostar Tenerife izango du aurrez aurre larunbat honetan (19:00etan) Santiago Martin de La Laguna pabiloian. Bilbotarren xedea asteazkenean Eurokopan Limogesen aurka izandako porrotari buelta ematea izango da.
Aipatu porrotak eten egin zuen beltzezko gizonek errenkadan lortutako hiru garaipeneko bolada ona. Denboraldia duda-mudatsu hasi zuten bilbotarrek Endesa Ligan jarraian izandako bi porrotekin (Fuenlabradaren eta Madrilen aurka). Alabaina, ondoren irabazitako hiru partidek ligako ibilbidea orekatzea eta Europako lehiari ezin hobeto ekitea ahalbidetu zieten; izan ere, Lietuvos Rytasen etxean ondo merezitako garaipena poltsikoratu zuten.
Aitzitik, asteazkenean Limogesek gauzak zail jarri zizkien eta azkenerako Frantziarantz ihes egin zuten puntuak Bilbao Arenatik. Hartara, Tenerifen galduz gero, ligako azken postuetara jaitsiko lirateke, datorren astean Donostiara bisita egin aurretik, Gipuzkoa Basketen aurka derbya jokatzeko. Horrez gain, jarraian, beste bi aurkari oso zail izango dituzte zain: Bartzelona eta Valentzia.
Hiru egun aurretik Endesa Ligan Tecnyconta Zaragozaren kontra gertatutako gauza bera pasa zitzaion Bilbao Basketi Limogesen aurka, hau da, hasierako minutuetan epel antzera atera zirela arerioaren erritmoari eutsi ezinik.
Norgehiagoka bietan suspertu eta aurretik jarri ziren markagailuan bilbotarrak; haatik, Zaragozak bukaerako minutuetan amore eman bazuen, Limogesek eutsi egin zion, nahiz eta zalantza une batzuk igaro zituen.
Frantziarren aurka, gainera, beltzezko gizonei intentsitate puntu bat falta izan zitzaien defentsa-lanetan, aurreko partidetan bai izan zutena.
Dena dela, ez dirudi Tenerife eta haren kantxa tokirik aproposenak izan daitezkeenik garaipenen bidera bueltatzeko, bizkaitarrek ez baitute irabazi han jokatutako azken bost partidetan Endesa Ligan.
Bilbotarren azken garaipena La Lagunako kantxan 2014-2015 izan zen. Orduko hartan, Sito Alonsoren aginduetara zeuden jokalariak 68-85 gailendu ziren Quino Colomen (14 puntu eta 20ko balorazioarekin) eta Raul Lopezen (14 eta 17) eskutik.
Zure interesekoa izan daiteke
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Greziako PAOK, Eslovakiako Prievidza eta Portugaleko Sporting, Surne Bilbaoren aurkariak, bigarren fasean
Beltzezko gizonek Sporting Portugalen aurka jokatuz ekingo dio FIBA Europa Kopako bigarren itzuliari, abenduaren 10ean, etxean.
Surne Bilbaok Kutaisi jipoitu du Miribillan, eta multzoko buru dabilela, sailkapena lortu du (117-54)
Gainera, beltzezko gizonek klubaren historiako saskiratze-marka berriz hautsi dute.
Surne eta Bilbao Basket, elkarrekin 2031ra arte
Kontratua berrituta, taldearen izena Surne Bilbao izanen da aurrerantzean.
Surne Bilbao Basketek taldeko lehen postua ziurtatu nahi du Kutaisi 2010en aurka
Kutaisiren aurkako norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.
Bilbao Basketek galdu egin du Real Madrilen aurka, lehiakor aritu bada ere (82-70)
Surne Bilbao Basketek gogor egin dio aurre Real Madrili Movistar Arenan, baina azken laurdenean indarrak ahitu zaizkio, eta, azkenean, 82-70 galdu du.
Bilbao Basketek berriz irabazi dio Brnori (115-100), eta multzoko lehen postua lortzeko pauso bakarra behar du
Bilbotarrek aise irabazi diete txekiarrei berriro, baina Brnok bizkaitarrak zertxobait estutu ditu une batzuetan. Surne Bilbao Basketek bere saskiratze marka hautsi du berriro gaurko norgehiagokan.