Bilbao Basketek bolada onari eutsi nahi dio Limogesen aurrean
RETAbet Bilbao Basketek hasi duen bolada onari jarraipena eman nahi dio gaur Limogesen aurka jokatu behar duen partidan; izan ere, hiru norgehiagoka irabazi ditu errenkadan astebeteren buruan, eta hiru garaipen horiei esker Eurokopa modu ezin hobean abiatu du eta Endesa Ligan sailkapeneko erdialdean jarri da jada, hasierako bi jardunaldietan bi porrot jaso zituen arren.
Horrenbestez, Carles Duranek zuzentzen duen taldeak jarraipena eman nahi dio joan den astean Lietuvos Rytasen aurka (83-93) Lituanian izan zuen estreinaldi bikainari, final-hamaseirenetara sailkatzeko bidean, aurreko denboraldian lortu ezin izan zuena aurtengoan lortzeko, hain zuzen ere.
Beltzezko gizonek ez dute ia partida txarrik egin orain arte jokatu dituzten bost norgehiagoketan. Fuenlabradaren aurka, liga hasieran, porrot garbia jaso zuten, baina hortik aurrera aurkari guztien aurrean ondo lehiatu dira, baita Real Madrilen aurka Miribillan galdu zuten partidan ere, 33 minutuz markagailuan aurretik egon baitziren.
Sentsazio on horiek Duranek errotazio orekatu bat aurkitu izanak eragin ditu, taldea bederatzi jokalariren ekarpena jasotzen ari baita. Bilbotarren entrenatzaileari gauza bakarra falta zaio hamar jokalari nagusiekin pozik egon ahal izateko: Lucio Redivo eskolta argentinarrak ere bere maila ematea.
Baliabide horiekin, Bilbao Basketek Limoges azpiratu nahi du, baina ez da lan erraza izango. Frantziarrek palmares zabala dute: Euroliga eta Errekopa bana, hiru Korac kopa eta Frantziako hamaika liga eta hiru kopa. C Multzoko lehen jardunaldian, galdu egin zuen Lokomotiv Kuban Errusiako Krasnodar hiriko taldearen etxean (61-63).
Kyle Millingek gidatzen duen taldeko jokalari garrantzitsuenak kanpoko hiru jokalari dira: Danny Gibson joko-antolatzaile kamerundarra, Kenny Hayes eskolta estatubatuarra eta Axel Bouteille hegaleko frantziarra (horrek sartzen ditu puntu gehien).
Limoges bederatzigarren dago bere ligan, hiru partida irabazi eta bi galdu eta gero.
Zure interesekoa izan daiteke
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Greziako PAOK, Eslovakiako Prievidza eta Portugaleko Sporting, Surne Bilbaoren aurkariak, bigarren fasean
Beltzezko gizonek Sporting Portugalen aurka jokatuz ekingo dio FIBA Europa Kopako bigarren itzuliari, abenduaren 10ean, etxean.
Surne Bilbaok Kutaisi jipoitu du Miribillan, eta multzoko buru dabilela, sailkapena lortu du (117-54)
Gainera, beltzezko gizonek klubaren historiako saskiratze-marka berriz hautsi dute.
Surne eta Bilbao Basket, elkarrekin 2031ra arte
Kontratua berrituta, taldearen izena Surne Bilbao izanen da aurrerantzean.
Surne Bilbao Basketek taldeko lehen postua ziurtatu nahi du Kutaisi 2010en aurka
Kutaisiren aurkako norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.
Bilbao Basketek galdu egin du Real Madrilen aurka, lehiakor aritu bada ere (82-70)
Surne Bilbao Basketek gogor egin dio aurre Real Madrili Movistar Arenan, baina azken laurdenean indarrak ahitu zaizkio, eta, azkenean, 82-70 galdu du.
Bilbao Basketek berriz irabazi dio Brnori (115-100), eta multzoko lehen postua lortzeko pauso bakarra behar du
Bilbotarrek aise irabazi diete txekiarrei berriro, baina Brnok bizkaitarrak zertxobait estutu ditu une batzuetan. Surne Bilbao Basketek bere saskiratze marka hautsi du berriro gaurko norgehiagokan.