RETAbet Bilbao Basketek merezita galdu du Murtzian (97-71)
UCAM Murtziak jipoia eman dio RETAbet Bilbao Basketi 97 eta 71 gailenduta. 26 puntu aldearekin nagusitu dira murtziarrak neurketa goitik behera menderatu ostean. Facundo Campazzo joko antolatzaileak partida bikaina egin du: 24 puntu, sei errebote, zazpi asistentzia eta 36ko balorazioa.
UCAMek krisian murgilduta ekin dio partidari, azken zortzi neurketetatik zazpi galdu ostean. Oscar Quintana entrenatzailearen jarraipena ere kolokan egon da, bolada txar horren ondorioz. Baina taldea eta entrenatzaile indarberrituta atera dira bizkaitarren aurka lortutako garaipenari esker.
Murtziarrak gogoz atera dira kantxara, defentsa sendoa eta eraso eraginkorra egin dute, eta lehen laurdenean 31 eta 20 jarri dira aurretik.
Bigarren laurdenean jokoa orekatu egin da. Bilbao Basketek aldea murriztea lortu du, baina etxekoek berriro zuloa zabaldu dute 8 eta 0eko partziala eginda. Atsedenaldian 49 eta 37 izan dira aurretik Quintanaren jokalariak.
Bigarren zatia
Hirugarren laurdenean aldea egonkortu egin da, 55-43, baina Murtziak beste bultzada bat eman dio bere erasoko jokoari, Pocius, Radovic eta Campazzoren jokoari esker, eta neurketa ia erabakita utzi dute (80-64).
Azken laurdeneko lehen bost minutuetan, Bilbao Basketek jaurtiketa libre bat bakarrik sartu du Michael Ericen bidez, eta ondorioz etxekoak 87-65 jarri dira.
Gauzak horrela, beltzezko gizonek porrot mingarria jaso dute, 97-71, norgehiagoka osoan atzetik joan ostean.
Fitxa teknikoa
97. UCAM Murtzia (31+18+31+17): Campazzo (24), Baron (13), Rojas (2), Antelo (8) y Delía (8) -hasierako boskotea-, Benite (11), Llompart (5), Radovic (9), Faverani (2), Olaizola (-) eta Pocius (15).
71. RETAbet Bilbao Basket (20+17+27+7): Borg (8), Bamforth (18), Mumbrú (7), Hervelle (2) y Buva (18) -hasierako boskotea-, Tabu (8), Mendía (-), Lapornik (3), Salgado (2), Todorovic (-), Nikolic (-), Eric (5).
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.