Bilbao Basket ilusionatuta doa Kopara, ezustekoa emateko asmoz
Baliteke Bilbao Basket apur bat nekatuta heltzea Kopara; izan ere, Turkian eta Kanarietan jokatu du azken astean, eta, gainera, bi partida horiek galdu ditu, Banvit Bandirma eta Kanaria Handiaren aurka; nolanahi ere, ilusio handiz doaz Sito Alonsoren gizonak Coruñara. Bartzelonaren aurka jokatuko dute ostegunean, 19:00etan, lehiaketako lehen partidan, eta talde bilbotarrak ezustekoa emateko asmoa du.
Bartzelona da, hain zuzen, Bilbao Basketek menpe hartu duen talde bakarra Kopan. 2008an, lehiaketarako txartela lortu zuen lehen aldian, Gasteizen, garaipena lortu zuten Vidorretaren jokalariek. Bilbao Basket Kopan izan den gainerako lau urteetan, aldiz, ezin izan du garaipenik lortu.
2008ko finalerdietan, 2010eko final-laurdenetan (Bilbon bertan), eta 2011ko laurdenetan (Madrilen), Baskoniaren aurka galdu zuen. 2013an, Gasteizen, Kanaria Handia izan zen aurkaria, eta kanariarrak gailendu ziren. Iaz, 2015ean, Unicajak kanporatu zuen Bilbao Basket.
Mirza Begic, baja garrantzitsua
Ez du erraz izango Sito Alonsoren taldeak 2008ko balentria errepikatzea, Bartzelonaren aurka; izan ere, arerioa talde oso sendoa da, alde batetik, eta, beste alde batetik, Mirza Begic jokalariak ezin izango du Coruñan egon. Minduta dago Begic, hain zuzen ere.
Esloveniarraren baja betetzen saiatzeko, Bilbao Basketek Tautvydas Slezas fitxatu du; hala ere, badirudi lituaniarra, lehen asteetan batez ere, premiazko irtenbidea dela, ez agian jokoan minutu asko ematekoa.
Onenekin batera jarraitzen du
Baliteke Bilbao Basketen egoera ez izatea duela bost urtekoa bezain oparoa (Ligako finala jokatu zuen talde bizkaitarrak, eta Euroligako zortzi onenen artean kokatu zen), baina Dominionek, nola edo hala, lehian jarraitzen du, eta lortu izan du Errege Kopan eta Europan hainbat denboralditan egotea.
Azken hilabeteotan, arazoak izan ditu etxeko partidetan, garaipenak lortzeko, baina etxetik kanpo, aldiz, bikain ibili da. Hain zuzen, Eurocupen porrot bakarra jaso du, Turkian, Bandirmako pabilioi txikian; mingarria izan da porrot hori, zeren eta bilbotarrak txapelketatik at geratu baitira.
Eurocupera bueltatzeko asmoz lanean jarraitzen du Bilbao Basketek, eta, Coruñan izango dituen arerioak ikusita, Kopa saria handia da, gozatzeko modukoa. Urteko helburu nagusia, seguraski, Liga da, lehen zortzi sailkatuen artean egotea. Bilbao Basketek uste du hor egon behar duela.
on behar duela. on behar duela.Zure interesekoa izan daiteke
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Greziako PAOK, Eslovakiako Prievidza eta Portugaleko Sporting, Surne Bilbaoren aurkariak, bigarren fasean
Beltzezko gizonek Sporting Portugalen aurka jokatuz ekingo dio FIBA Europa Kopako bigarren itzuliari, abenduaren 10ean, etxean.
Surne Bilbaok Kutaisi jipoitu du Miribillan, eta multzoko buru dabilela, sailkapena lortu du (117-54)
Gainera, beltzezko gizonek klubaren historiako saskiratze-marka berriz hautsi dute.
Surne eta Bilbao Basket, elkarrekin 2031ra arte
Kontratua berrituta, taldearen izena Surne Bilbao izanen da aurrerantzean.
Surne Bilbao Basketek taldeko lehen postua ziurtatu nahi du Kutaisi 2010en aurka
Kutaisiren aurkako norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.
Bilbao Basketek galdu egin du Real Madrilen aurka, lehiakor aritu bada ere (82-70)
Surne Bilbao Basketek gogor egin dio aurre Real Madrili Movistar Arenan, baina azken laurdenean indarrak ahitu zaizkio, eta, azkenean, 82-70 galdu du.
Bilbao Basketek berriz irabazi dio Brnori (115-100), eta multzoko lehen postua lortzeko pauso bakarra behar du
Bilbotarrek aise irabazi diete txekiarrei berriro, baina Brnok bizkaitarrak zertxobait estutu ditu une batzuetan. Surne Bilbao Basketek bere saskiratze marka hautsi du berriro gaurko norgehiagokan.