Bilbao Basketek garaipen garrantzitsua eskuratu du (72-55)
Bilbao Basketek denboraldiko hirugarren garaipena lortu du Estudiantes ahul baten kontra (72-55). Bizkaiko taldea jaun eta jabe izan da kantxan, eta Vidorretaren taldea ezinean aritu da. Talde beltzak Eurokopako hil ala biziko neurketarako konfiantza hartu du.
Rafa Pueyoren gizonak nagusi izan dira aurreneko laurdenean, erasoan erritmo biziarekin jokatu baitute, Mumbruren gidaritzapean (14-7). Hala ere, Estudiantesek gora egin du, eta Madrilgo taldeak 14-12koa jarri du markagailuan, Nogueiraren birrintze eder bati esker. Bertansek 17-12koa jarri du, lehenengo laurdeneko azkenengo segundoan.
Bigarren laurdenean Bilbao Basketek 10 puntuko aldea lortu du, Damir Markotaren hiruko bati esker (23-13), baina Vidorretaren gizonek erantzun ederra eman dute , eta Ivanoven saskiratzearkein 23-17 hurbildu dira. Bizkaiko taldeak 12 puntuko aldea lortu du, Pilepicen hiruko bati esker (29-17), baina atsedenaldira 8 puntuko aldearekin joan da (36-28).
Atsedenaldiaren ostean Estudiantes lau puntura jarri da, Rabasedaren saskiratze bati esker (41-37), baina Bilbao Basket, berriz ere, suspertu egin da, eta Raul Lopezek eta Pilepicek 46-37koa jarri dute markagailuan. Pueyoren gizonek defensa sendotu egin dute, eta hirugarren laurdenahamar puntuko abantailarekin bukatu dute (52-42).
Pilepicek saskiratze garrantzitsuak lortu ditu azkenengo laurdenean, eta kroaziarrak 57-42koa jarri du markagailuan. Bizkaiko taldeak aise agindu du kantxan, eta Tuenti Movil Estudiantesek ezin izan du emaitza irauli (61-45). Azkenean, Bilbao Basketek denboraldiko hirugarren garaipena lortu du Endesa Ligan (72-55).
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.