Bilbao Basket Bartzelonaren aurka arituko da play offetan
Talde galiziarrak garaipena eskuratu behar zuen play offetan sartzeko, eta partida kontrolatu nahi izan du hasieratik. Bilbao Basket lasaiago ekin dio neurketari, eta horrek, neurketako erritmoa galtzea suposatu dio.
Markagailuan aurretik joan da Blusens Monbus, aldea bikoiztera ailegatu arte. Ben Dewarren puntuak amesteko aukera eman die galiziarrei. Lehenengo laurdena 22-13 bukatu da. Neurketa hasiera eskas baten ostean, beltzezko gizonak aldea txikitzen saiatu dira, baina galiziarrek ez dute play offetan sartzeko aukera historikoa galdu nahi izan.
Mumbruren, Grimauren eta Hamiltonen ekintzek eta saskiratzeek neurketan sartu dute Bilbao Basket, markagailuan berdinketa lortuz. Baina irudipen bat baino ez da izan, Kendallen saskiratzeek aurretik jarri baitute, berriro ere, etxeko taldea.
Hummelen hirukoa, hirugarren laurdenaren azken segundoan, 63 eta 51koa jarri du markagailuan. Katsikarisen mutilak unatuta heldu dira denboraldiko azken txanpara, eta horren ispilua izan da gaurko neurketa. Azkenean, 79-73 bukatu da norgehiagoka. Corbacho eta Kendall (14 puntu) izan dira Obradoiroko taldean puntu gehien pilatu dituztenak, eta Zisis (17) eta Hamilton (14) Bilbao Basketen partetik.
Alex Mumbruk 12.000 minutuko langa gainditu du ACB Ligan. Zifra borobil hau lortzen duen 28. jokalaria da; oraindik asko gelditzen zaio Joan Creusek pilatutako 20.211 minutuak batzeko.
Fitxa teknikoa
79-Blusens Monbus (22+23+18+16): Andrés Rodríguez (2), Pavel Pumprla (11), Benjamin Dewar (13), Levon Kendall (14), Salah Mejri (12) -hasierako bostekoa-, Robbie Hummel (10), Jorge Sanz (-), Alberto Corbacho (14) eta Rafa Freire (3).
73-Uxue Bilbao Basket (13+24+14+22): Nikos Zisis (17), Fran Pilepic (3), Álex Mumbrú (9), Axel Hervelle (2), Lamont Hamilton (14) -hasierako bostekoa-, Adrien Moerman (8), Raül López (5), Mamadou Samb (5) eta Roger Grimau (10).
Epaileak: José Ramón García Ortiz, Carlos Peruga eta Fernando Calatrava.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.