Bilbao Basketek garaipen garrantzitsua lortu du
Uxue Bilbao Basketek garaipen garrantzitsua lortu du Cajasolen aurka (60-81). Talde bizkaitarrakEndesa Ligako sailkapeneko bosgarren postuan jarraitzen du Valentziak ere irabazi egin duelako, baina laugarren postua eskuratzeko aukera izaten jarraituko du azken bi jardunaldietan.
Lehen laurdenari ondo ekin dio Sevillako taldeak, eta Bilbao Basketi kosta egin zaio partidan sartzea. Cajasolek abantaila politak lortu ditu lehen minutuetan (15-10), baina Uxuek ez dio aurkariari gehiegi aldentzen utzi, eta lehen hamar minutuak 23-19ko emaitzarekin bukatu dira.
Bigarren laurdenari bikain ekin dio Uxue Bilbao Basketek, eta azkar berdindu du partida, ondoren, aurkako emaitza iraultzeko. Lau ountuko abantaila izatea lortu du talde bizkaitarrak (30-34), baina azken minutuetan Cajasolek asmatu egin du, eta 37-39ko emaitza estuarekin iritsi da partida atsedenaldira.
Atsedenaldtik kantxara itzulita Bilbao Basketek bere mailarik onena azaldu du, eta Cajasolek arazoak izan ditu Katsikarisek zuzentzen duen taldearen jokoa geratzeko. Hirugarren laurdenean lan bikaina egin du Bilbao Basketek, eta 11 puntuko errenta lortu du (52-63).
Azken laurdenean Cajasolek ez du bizkaitarren defentsa arazoetan jartzeko gaitasunik izan, eta Uxue Bilbao Basketi ez dio garaipenak ihes egin (60-81).
Fitxa teknikoa
60 - Cajasol (23+14+15+8): Satoransky (4), Sastre (4), Tepic (-), Bogdanovic (13), Williams (13) -hasierako bostekoa-, Blakney (12), Burjanadze (-), Asbury (2), Holland (2), Porzingis (7), Balvin (-) eta Triguero (3).
81 - Uxue Bilbao Basket (19+20+24+18): Zisis (8), Pilepic (17), Munbrú (10), Hamilton (15), Hervelle (12) -hasierako bostekoa-, Raul Lopez (3), Samb (10), Moerman (4), Sergio Sanchez (-) eta Grimau (2).
Epaileak: Arteaga, Sanchez Monserrat eta Sanchez Monedas.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.