Baskonia etxean estreinatuko da, lehen euskal derbian
Baskonia taldeak eta Surne Bilbao Basketek denboraldiko lehen euskal derbia jokatuko dute, larunbatean, Buesa Arenan. Bada, Gasteizko taldeak, ACB Ligako hirugarren jardunaldi honetan, iragan denboraldian eman zituen sentsazio onak berriro erakustea espero du.
Joan Peñarroyaren mutilek astebetean jokatuko duten hirugarren partida izango da Bilboko taldearen aurkakoa, Lugon Breogan gainditu eta Murtzian galdu ondoren. Oraindik osatzen ari den talde gorri-urdinak, jardunaldiak aurrera egin ahala, hainbat jokalarik euren maila hobetzea behar du, asmo handiko helburuak lortu nahi baditu. Izan ere, Nico Mannion, Matt Costello eta Khalifa Diopen badute taldearen jokoan eragin handiagoa izateko ahalmena.
Bestalde, Jaume Ponsarnauren taldea Andorra mendean hartuta iritsiko da, Baskoniari irabazteko asmoarekin. Adam Smith, Alex Renfroe eta Melvin Pantzar buru dituen kanpoko jokoa da "beltzezko gizonen" erreferentzia. Talde orekatua izateaz gain, denboraldiaurre ezin hobea egin dute.
Arabarrek eta bizkaitarek elkarren aurka Gasteizen jokatuko dute hemeretzigarrenez. Bilbotarrek behin bakarrik, 2007an, irabazi ahal izan dute Buesa Arenan. Beste 15 norgehiagokak Baskoniak irabazi ditu.
Gainera, Baskoniaren Koliseora gerturatuko diren 15.500 lagunentzat argi eta soinu ikuskizunak eta Vicco, Juan Magan eta Maldita Nerearen musika emanaldiak izango dira.
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
IDK Euskotrenek Fayeri berritu dio kontratua, eta Bessoirrek ez du Gernikan jarraituko
2025-2026 denboraldia izan da bi jokalarien lehenengoa euskal taldeetan.