Erkiaga eta Uranga, Zumaia Jai Alai Master Serieseko txapeldun
Aritz Erkiagak eta Unai Urangak Zumaiako Jai Alai Master Serieseko txapela jantzi dute Urreisti eta Mancisidorri Zumaiako Aitzuri pilotalekuan jokatutako finala 15-9 eta 15-11 irabazita. Ispasterko aztiak lortzen duen laugarren txapela da.
Erkiagak erritmo bizia jarri dio hasieratik jokoari, eta erasokor aritu da, aurkariei arnasa hartzeko astirik ere eman barik. Horrela, bikote gorria (kamiseta marroia jantzita) 9 eta 3 eta 12 eta 5 izan da aurretik markagailuan. Urreistik eta Macisidorrek ezer gutxi egin ahal izan dute bizkaitarraren joari aurre egiteko. Hala ere, 13 eta 9 gerturatzea lortu dute, baina emaitza iraultzea ia ezinezkoa zen momentu horretan, eta jokoak gorri hasi eta gorri bukatu da: 15-9.
Bigarrenean, gauzak ez dira aldatu. Erkiaga nagusi izan da aurrean, eta Urangak segurtasun handia erakutsi du atzean. Jokoak lehen setaren abiadurari eutsi dio eta hasperen batean gorriak 6 eta 1 aurreratu dira. Baina Urrestik eta Mancisidorrek ez dute garaipena merke saltzeko asmorik izan eta 12 eta 10 jarri dira. Hurrengo tantoa erabakigarria izan da eta Mancisidorrek huts nabarmena egin du. Opari ederra egin eta aurkariei finala esku-eskura jarri die. Haiek ez dute barkatu eta bigarren seta ere poltsikoratu dute: 15-11.
Garaipen argia, bi setetan, eta txapela, Erkiaga eta Urangarentzat.
Winter Series desafioa
Jaialdi berean, Winter Serieseko desafioa jokatu dute Erika-Frida eta Elaia-Maialen bikoteek. Garaipena Erikak eta Fridak lortu dute, bi setetan, partida gogor eta oso lehiatuan: 15-8 eta 15-12.
Zure interesekoa izan daiteke
2025-2026ko Eusko Label Winter Serieseko 7. jardunaldiko hiru tanto onenak
Alex Goitiak, Jon Zabalak eta Ludovic Laduchek egin dituzte 2025-2026ko Eusko Label Winter Serieseko 7. jardunaldiko tantorik onenak.
Goitia eta Lekerika: ''Pozik, finalerdietan gaude''
Alex Goitiak eta Unai Lekerikak, astelehenean, Eusko Label Winter Seriesen, garaipena eskuratu dute, Ludovic Laduche eta Jon Zabala aurkari, eta, horrenbestez, txapelketako finalerdietako ligaxkarako sailkatu dira.
Goitia eta Lekerika eta Johan eta Gorka, Eusko Label Winter Serieseko finalerdietako ligaxkara
Alex Goitiak eta Unai Lekerikak Laduche eta Zabala menderatu dituzte, bi jokotan, 15-12 eta 15-14, eta emaitza horrek sailkatzeko aukerarik gabe utzi ditu Erkiaga eta Ibarluzea eta asteleheneko partidan galtzaile atera den bikotea.
2025-2026ko Eusko Label Winter Serieseko 6. jardunaldiko hiru tanto onenak
Jean Olharanek eta Aritz Erkiagak egin dituzte 2025-2026ko Eusko Label Winter Serieseko 6. jardunaldiko tantorik onenak.
Olharanek eta Gorkak bigarren garaipena lortu dute eta Erkiaga eta Ibarluzea ia aukerarik gabe utzi dituzte
Aurrelari bearnotarra eta atzelari lapurtarra nagusi izan dira lehen jokoan (11-15), baina bigarren partzialean bizkaitarrek buelta eman diote egoerari (15-8). Partida hirugarren jokoan erabaki da, non azken hiru tantoak aurrenekoek egin dituzten (4-5).
Gorka Sorozabal: "Oso partida zaila izan da eta zorte pixka bat izan dugu"
Min hartuta dagoen Johan Sorozabal berriro ordezkatu duen Jean Olharanek eta Gorka Sorozabalek osatutako bikoteak hiru jokotan (11-15, 15-8 eta 4-5) irabazi diete Aritz Erkiaga eta Ion Ibarluzeari, azken bi edizioetako txapeldunei, Gernikako Jai Alai pilotalekuan jokatutako Eusko Label Winter Serieseko seigarren jardunaldian.
Erkiaga-Ibarluzea vs Olharan-Gorka Eusko Label Winter Serieseko partidaren azken tantoa
Jean Olharanek eta Gorka Sorozabalek 3 setetan menderatu dituzte Aritz Erkiaga eta Ion Ibarluzea (11-15, 15-8 eta 4-5). Hemen partidako azken tantoa.
Johan Sorozabalek ez du astelehenean Erkiaga eta Ibarluzearen aurkako partida jokatuko
Aurrelari lapurtarrak orkatilako lesiotik osatu gabe jarraitzen du eta Olharanek ordezkatuko du abenduaren 1ean.
2025-2026ko Eusko Label Winter Serieseko 5. jardunaldiko hiru tanto onenak
Xabi Barandikak eta Ekaitz Mendizabalek, 'Goixerrik' egin dituzte 2025-2026ko Eusko Label Winter Serieseko 5. jardunaldiko tantorik onenak.
Atain Jai Alai Leagueko txapelketa ofizialak jokatzen hasiko da
Gorka Mugartegi "Atain" atzelaria, Eraman! enpresak "afizionatu mailako nabarmenena" bezala definitzen duena, Daniako (Estatu Batuak) denboraldia amaitzean puntista onenen aurka lehiatuko da, otsailaren amaieran.