Elordi, buruz buruko txapeldun
Aitor Elordi da 2023ko Buruz Buruko Txapelketako irabazlea, igande honetan, ekainaren 4an, Bizkaia frontoian jokatutako finalean Jokin Altuna mendean hartuta, 18-22ko emaitzarekin. Ondorioz, Mallabikoak (Bizkaia) estreinakoz irabazi du banakako txapelketa nagusia.
Lehen tantoa Jokin Altunak lortu du, sakez (1-0). Aitor Elordik, ordea, azkar erantzun du, bi tanto jarraian eginda (1-2), baina Altunak binakoa jarri du markagailuan (2-2).
Lehen bi berdinketen ostean, Elordik bere hirugarren tantoa egin du (2-3). Ondoren, Altunak zuloa ireki du, bost tanto segidan bereganatuta (7-3).
Maldan gora jarri zaio neurketa Aitor Elordi Mallabiko pilotariari. Hala ere, Amezketakoaren (Gipuzkoa) bolada ona etetea lortu du. Gainera, sakea berreskuratuta, tanto bakarrera hurbildu da (7-6).
Altuna III.ak sufritu egin du aurkariaren momentu onaren ondorioz, baina Elordiren tanto-sorta eten, eta errenta handitu du beste behin (9-6). Bazirudien Jokin Altunak zuela aginte-makila, eta orduan iritsi da Elordiren erantzuna, desabantaila murriztuta (9-8). Gorabehera handiak izan ditu lehiak, eta Altuna iritsi da aurretik lan erdietara (11-8).
Gero, lau tantorainoko errenta erdietsi du amezketarrak (12-8), ordura arteko handiena. Aitor Elordi olatu handietan murgilduta ibili da, baina aurkariak ihes ez egitea lortu du, hiru tanto jarraian eginda (12-11).
Boladaka joan dira tantoak egiten bi pilotariak. Jokin Altuna unerik txarrena pasatzen ari zenean etorri da gipuzkoarraren erantzuna, hiru tantoko zuloa irekita (14-11).
Zailtasunak izan ditu berriro bizkaitarrak, baina beste behin lortu du tanto bakarrera gerturatzea (14-13), eta, azkenean, 14-14koa jarri du markagailuan. Gainera, berdindu ostean, aurretik kokatu da Mallabikoa (14-15). Konfiantza hartu du Elordik bere azken tanto-boladarekin, eta errenta polita lortu du azken txanpari ekiteko (14-18).
Abantaila handitzeko aukera ere izan du Elordik sakearekin, baina bolea kanpora joan zaio (15-18). Segidan, beste tanto bat egin du Altuna III.ak, eta pil-pilean jarri du finala (16-18).
Finala txanpa erabakigarrian sartu da. Aitor Elordik bi tanto erreskadan egin ditu (16-20), baina gantxoz egin nahi zuen 21.ena, eta pilota txapa azpira joan zaio (17-20). Dena den, jarraian, Jokin Altunak kale egin du (17-21), eta txapeletik oso gertu utzi du pilotari bizkaitarra.
Kinka larrian egon da Jokin Altuna, baina Amezketakoak 18. tantoa bereganatu du (18-21). Horrek finala luzatuko zuela ematen zuenean, Altuna III.ak falta egin du sakez, eta Aitor Elordik irabazi du finala (18-22).
Emaitza, tantoz tanto: 1-0, 1-1, 1-2, 2-2, 2-3. 3-3, 4-3, 5-3, 6-3, 7-3, 7-4, 7-5, 7-6, 8-6, 9-6, 9-7, 9-8, 10-8, 11-8, 12-8, 12-9, 12-10, 12-11, 13-11, 14-11, 14-12, 14-13, 14-14, 14-15, 14-16, 14-17, 14-18, 15-18, 16-18, 16-19, 16-20, 17-20, 17-21, 18-21 eta 18-22.
Zure interesekoa izan daiteke
Dario Gomezek arantzaz beteriko ibilbidea izan du txapelaren loria lortu arte
Aurrelari errioxarrak 2015eko ekainaren 14an egin zuen debuta profesionaletan, Asperen eskutik, Logroñoko Adarraga pilotalekuan. Buruz buruko txapeldunaren ibilbide profesionala zailtasunez beteta egon da, arritmia arazoak izan zituen eta urte luzez arazo ugari eskuekin.
Dario Gomez: “Gorriz jantzita pasako dut urte osoa, ametsik onenetan ere ez nuen halakorik aurreikusten”
Dario Gomezek, egungo Buruz Buruko txapeldunak, elkarrizketa bat eskaini du Ezkaraiko plazatik. Errioxarrak, garaipenarekin pozik, "txapelketa amestutakoa baino askoz hobea" izan dela eta "aurretik datorren guztian pentsatzen" ari dela esan digu. (Bideoa gazteleraz)
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Ezkaraitarrek ongietorri beroa egin diote Dario Gomez txapeldunari
Dario Gomez Buruz Buruko txapeldun berriari harrera beroa egin diote Ezkarain. Eskertuta eta hunkituta agertu da errioxarra.
6-21ekoa, finaleko tantorik onena: Dariok pilotakada bikaina emanda amaitu du
Buruz Buruko final handiko azken-aurreko tantoan, bi pilotariak bizi-bizi aritu dira, defentsa ederra egin dute eta, pilatutako nekea gorabehera, Nafarroa Arena bete duten zaleei biziki gozarazi diete.
Botileroen finala: “Oparirik ez egiteko momentua da!"
Dario Gomezen eta Iñaki Artolaren botileroek protagonismoa izan dute Nafarroa Arenan jokatutako final handian.
Miguel Capellan, Darioren entrenatzailea Ezcarayn: “Badakizu zer egin duen Dariok? Sinestezina da!”
Buruz buruko txapeldun berriak Miguel Capellan izan zuen entrenatzaile. Nafarroa Arenan jokatutako finala ikusi eta aurrelari errioxarrak txapela jantzi ostean, Capellanek, hunkituta, urte haiek ekarri ditu gogora.
Balba Gil, Darioren ama: “Niretzat, nire semea nire txapelduna da”
“Bere bizitza osoko ametsa da”, esan du Balba Gil 2026ko Buruz Buruko Txapelketako txapeldunaren amak, semeak Nafarroa Arenan txapela irabazi ostean. Dario argi menderatu du Iñaki Artola finalean: 6-22.
Dario Gomez: “Hurrengo pilotakadan baino ez nuen pentsatu nahi”
Dario Gomez Aspeko pilotariaren adierazpenak, 2026ko Buruz Buruko Txapelketa irabazi eta txapela jantzi ondoren. (Adierazpenak gaztelaniaz)
Finaleko azken tantoa eta sari banaketa
Dario Gomez da 2026ko buruz buruko txapelduna. Igandean, Iruñeko Nafarroa Arenan jokatutako finalean, Aspeko pilotariak 6-22 menderatu du Iñaki Artola, eta garaipen horri esker txapela eskuratu du.