Barriola eta Urrutikoetxea final-laurdenetarako sailkatu dira
Abel Barriolak 2013ko Buruz Buruko Txapelketako final-laurdenak jokatuko ditu Aimar Olaizolaren kontra, Retegi Bi 22-20 gainditu ondoren. Leitzakoak 10-20ko markagailua irauli egin behar izan du Labriten, eta garaipen ederra eskuratu du. Mikel Urrutikoetxeak, bestalde, jardunaldiko ezustekoa eman du Yves Xala kanporatu ondoren, eta Mikel Idoateren aurka jokatuko du final-laurdenetan. Zaratamoko pilotariak partida borobila jokatu du Arrigorriagan, eta 17-22 irabazi du.
Barriola 22 - Retegi Bi 20
Barriola nagusi izan da aurreneko tantoetan (3-1), baina pixkanaka Julen Retegi partidan sartu da, eta markagailuan puntu bakarrera jarri da (9-8). Eratsungo pilotariak markagailua irauli du (10-11), eta Leitzako atzelaria ezinean aritu da Labriten.
Retegi Bi jaun eta jabe izan da Iruñeko frontoian, eta tantoak erraz eskuratu ditu (10-20). Hala ere, Barriolak ez du amore eman, eta leitzarrak 10-0eko partzial ikusgarriarekin norgehiagoka berdindu du (20-20). Abel Barriolak sakea ederki aprobetxatu du 21-20koa jartzeko, eta Nafarroako atzelariak garaipena eskuratu du (22-20).
Xala 17 - Urrutikoetxea 22
Urrutikoetxeak norgehiagoka oso indartsu hasi du, eta markagailuan 1-7koa aise jarri du. Hala ere, Xala pixkanaka partidan sartu da, eta Lekuinekoak markagailua irauli du (10-9), bizkaitarraren akatsak ondo aprobetxatuta.
Iparraldekoa nagusitzen hasi da, eta 14-11koa jarri du markagailuan. Hala ere, Mikel Urrutikoetxeak susperraldia izan du, eta markagailua berriz ere irauli du (14-15). Zaratamoko pilotaria markagailuan goitik mantendu da, (17-18), eta tanto politak eskuratu ditu 17-22koa jartzeko.
Zure interesekoa izan daiteke
Dario Gomezek arantzaz beteriko ibilbidea izan du txapelaren loria lortu arte
Aurrelari errioxarrak 2015eko ekainaren 14an egin zuen debuta profesionaletan, Asperen eskutik, Logroñoko Adarraga pilotalekuan. Buruz buruko txapeldunaren ibilbide profesionala zailtasunez beteta egon da, arritmia arazoak izan zituen eta urte luzez arazo ugari eskuekin.
Dario Gomez: “Gorriz jantzita pasako dut urte osoa, ametsik onenetan ere ez nuen halakorik aurreikusten”
Dario Gomezek, egungo Buruz Buruko txapeldunak, elkarrizketa bat eskaini du Ezkaraiko plazatik. Errioxarrak, garaipenarekin pozik, "txapelketa amestutakoa baino askoz hobea" izan dela eta "aurretik datorren guztian pentsatzen" ari dela esan digu. (Bideoa gazteleraz)
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Ezkaraitarrek ongietorri beroa egin diote Dario Gomez txapeldunari
Dario Gomez Buruz Buruko txapeldun berriari harrera beroa egin diote Ezkarain. Eskertuta eta hunkituta agertu da errioxarra.
6-21ekoa, finaleko tantorik onena: Dariok pilotakada bikaina emanda amaitu du
Buruz Buruko final handiko azken-aurreko tantoan, bi pilotariak bizi-bizi aritu dira, defentsa ederra egin dute eta, pilatutako nekea gorabehera, Nafarroa Arena bete duten zaleei biziki gozarazi diete.
Botileroen finala: “Oparirik ez egiteko momentua da!"
Dario Gomezen eta Iñaki Artolaren botileroek protagonismoa izan dute Nafarroa Arenan jokatutako final handian.
Miguel Capellan, Darioren entrenatzailea Ezcarayn: “Badakizu zer egin duen Dariok? Sinestezina da!”
Buruz buruko txapeldun berriak Miguel Capellan izan zuen entrenatzaile. Nafarroa Arenan jokatutako finala ikusi eta aurrelari errioxarrak txapela jantzi ostean, Capellanek, hunkituta, urte haiek ekarri ditu gogora.
Balba Gil, Darioren ama: “Niretzat, nire semea nire txapelduna da”
“Bere bizitza osoko ametsa da”, esan du Balba Gil 2026ko Buruz Buruko Txapelketako txapeldunaren amak, semeak Nafarroa Arenan txapela irabazi ostean. Dario argi menderatu du Iñaki Artola finalean: 6-22.
Dario Gomez: “Hurrengo pilotakadan baino ez nuen pentsatu nahi”
Dario Gomez Aspeko pilotariaren adierazpenak, 2026ko Buruz Buruko Txapelketa irabazi eta txapela jantzi ondoren. (Adierazpenak gaztelaniaz)
Finaleko azken tantoa eta sari banaketa
Dario Gomez da 2026ko buruz buruko txapelduna. Igandean, Iruñeko Nafarroa Arenan jokatutako finalean, Aspeko pilotariak 6-22 menderatu du Iñaki Artola, eta garaipen horri esker txapela eskuratu du.