Laso eta Imaz finalerdietara sailkatu dira P. Etxeberria eta Rezusta garaituta
Unai Lasok eta Ander Imazek Binakako Txapelketaren finalerdietako ligaxkarako txartela lortu dute ostiral honetan, Peio Etxeberria eta Beñat Rezusta garaitu ondoren (22-21) Zornotzan jokatu duten play-offeko partidan. Bestalde, Jon Ander Peñak eta Jon Mariezkurrenak aurreko partidako galtzaileen aurka jokatuko dute igande honetan, Bizkaia Frontoian, hurrengo faseko azken postua bereganatzeko, Zumaian jokatutako partidan nagusi irten ondoren Mikel Urrutikoetxea eta Jon Ander Albisuren aurka (22-10). Igandeko partida zuzenean eskainiko da eitb.eus-en eta ETB1en, 17:00etan.
Lehen partidan, Etxeberria eta Rezusta izan dira agintzen hasi direnak, haienak izan baitira lehen tantoak. Gorriak markagailuan aurrea hartzen saiatu dira, baina Rezusta sendo ibili da atzean eta Peiok abiadura eman dio pilotari tantoak bereganatzeko (3-6). Erritmo horrekin igaro dira partidako lehen minutuak: bikote batek egindako tanto bakoitza besteak erantzun du. Izan ere, partidako alderik handiena bost tantokoa izan da, 7-12koan.
Baina hortik aurrera gauzak aldatu egin dira. Lasok eta Imazek bost tanto egin dituzte jarraian partida berdintzeko eta jokoaren kontrola hartzeko. Urdinak urduri jarri dira, eta pilota errazen bat ere alferrik galdu dute, partida maldan gora jarriz (16-14).
Partidako azken tantoetara oso berdinduta iritsi dira bi bikoteak (19-19), eta tanto bakoitzak urrea balio zuen. Jokoa azken tantoraino luzatu dute. Azkenean gorriak atera dira nagusi eta hurrengo faserako lehen txartela eskuratu dute (22-21).
Zumaian, berriz, oso bestelako partida ikusi ahal izan da. Peña eta Mariezkurrena oso indartsu aritu dira hasieratik eta ez diete inolako aukerarik eman Urrutikoetxea eta Albisuri.
Gorriak ez dira fin ibili, eta ordu erdira aldea dagoeneko zazpi tantokoa zen (3-10), eta ez zirudien joera aldatzeko aukerarik zegoenik. Are gehiago, aldea handitzen joan da gutxinaka eta azken emaitzarekin 12 tantoraino luzatu da (22-10). Peñak 11 tanto egin ditu, momentu onean dagoela erakutsiz.
Emaitza horiekin, Laso eta Imaz finalerdietako ligaxkara igaro dira, eta Etxeberriak eta Rezustak sailkatzeko beste aukera bat izango dute igande honetan, martxoak 5, Peña II.aren eta Mariezkurrena II.aren aurkako partidan. Urrutikoetxea-Albisu bikotea txapelketatik kanpo geratu da.
Etxeberria-Rezusta bikotea sailkapen nagusiko hirugarren postua lortuz iritsi dira play-offera, Laso eta Imaz laugarren geratu zirelarik. Peñak eta Mariezkurrenak bosgarren postua poltsikoratzea lortu zuten, eta Urrutikoetxea eta Imazentzat izan zen seigarren postua.
Ondorioz, Ezkurdia-Martija, iazko txapeldunak, eta Jaka-Aranguren bikoteak txapelketatik kanpo geratu ziren. Elordi-Zabaleta eta Altuna-Tolosa bikoteak, aldiz, automatikoki igaro ziren hurrengo fasera lehen bi postuetan gelditzeagatik.
Zure interesekoa izan daiteke
A zer-nolako errematea Joseba Ezkurdiarena!
Joseba Ezkurdiak ikuskizun ederra eman du Legazpiko Urbeltz frontoian, Arkaitz Gabirondorekin batera Jon Ander Peña eta Ander Imazen aurka jokatu duen partidan. Arbizuko pilotariak atzetik bueltan eskuinez eraman du gainera etorri zaion pilota, eta tantoari bukaera ezin hobea eman dio gero.
Jon Ander Albisu: “Faborito kartel hori irabazi egin dugu, kantxan erakutsi dugun mailagatik”
Unai Laso eta Jon Ander Albisu elkarrizketatu ditugu ataunen, Binakako Txapelketa irabazi eta biharamunean. Ospakizunak luzatu ziren arren, bi pilotariak pozik eta harro ageri dira.
Ataundarrek omenaldi beroa egin diote Albisuri
Eguraldi eskasak ez du harrera zapuztu. Aurreskua dantzatu diote, eta bertsolariek bertsoak bota dizkiote. Ustekabeko nagusia Unai Lasok eman dio pilotari ataundarrari, atzelariak ez baitzuen espero aurrelariak omenaldian parte hartzea. Albisu herriarekin "oso eskertuta" azaldu da.
Laso eta Albisu txapeldunek senideekin eta lagunekin ospatu dute, igande gauean, Binakako finalean lortutako garaipena
Unai Lasok eta Jon Ander Albisuk, arratsaldean, Nafarroa Arenan, finalean, Altuna III.a eta Ezkurdia menderatu zituzten; gauean, senideekin eta lagunekin ospatu dute, giro ederrean.
Jon Ander Albisu, Binakako finaleko pilotaririk onena
Atzelari ataundarrak, Unai Lasorekin batera lortutako txapelaz gain, finaleko pilotaririk onenarentzako saria ere eskuratu du, igandean, Nafarroa Arenan.
Ia 3 minutu iraun ditu finaleko tantorik onenak!
Tanto gogorra eta oso lehiatua izan da 9 eta 13koa. 2:59ko iraupena izan du eta guztira 69 pilotakada eman dituzte finaleko lau protagonistek. Finalak izan duen tentsioaren eta lehiakortasunare adierazle garbia.
ARGAZKI-GALERIA: Unai Laso eta Jon Ander Albisuk irabazitako Binakako Txapelketako finalak utzitako irudi ikusgarriak
Unai Laso eta Jon Ander Albisu 16-22 gailendu zaizkie Jokin Altuna eta Joseba Ezkurdiari, Nafarroa Arenan jokatutako 2026ko Binakako Txapelketako finalean. Galeri honetan, neurketak utzitako hainbat une esanguratsuren argazkiak aurkituko dituzue.
Unai Laso hunkitu egin da Txus Villalabeitia fisioterapeutaren mezuarekin
Jon Ander Albisurekin batera Binakako Txapelketako finala irabazi eta gero, Unai Lasok hamaika zorion mezu jaso ditu, tartean Txus Villalabeitia fisioterapeutarena.
Albisuren ama eta anaia: “Ametsa bete da"
Jon Ander Albisuren ama eta anaia pozez gainezka agertu dira Baikoko pilotariak partida irabazi ostean. Bitxikeria bat ere kontatu dute: pilotariaren alabak amets egin zuen aitak txapela irabaziko zuela.
Unai Laso: "Oso hunkituta nago"
Unai Laso eta Jon Ander Albisu dira 2025-2026ko Binakako Txapelketako txapeldunak. Baikoko pilotariak lehen aldiz nagusitu dira txapelketa honetan, Altuna III.a eta Ezkurdia 16-22 garaituta. Lasok hunkituta egin ditu lehen adierazpenak.