Lehia estua bigarren eta seigarren postuak eskuratzeko
Hiru jardunaldi falta dira Binakako Txapelketako ligaxkaren amaierara iristeko. Hamaikagarren jardunaldiaren ostean, gori-gorian dago bigarren eta seigarren postuak eskuratu ahal izateko borroka. Lehen bi postuek finalerdietarako txartela bermatzen dute, eta, seigarrenak final-laurdenetako playoffak jokatzea ahalbidetzen du, hirugarren, laugarren eta bosgarren tokian amaitzen duten bikoteekin batera.
Sailkapeneko lehen postuan jarraitzen dute Jakak eta Zabaletak, 9 garaipenekin. Hamaikagarren jardunaldian irabazi egi duten Lasoren eta Albisuren aurka jokatu zuten partida, 22-16ko emaitzarekin. Ondorioz, Laso eta Albisu 5. postuan daude, 6 garaipenekin.
Artolarena eta Imazena da bigarren postua momentu honetan, 7 garaipen bildu dituztelarik. Asteburuan, mendean hartu zituzten Irribarria eta Rezusta. Orain arte 4 garaipen eskuratuta, 6. postuan daude Irribarria eta Rezusta, 7. diren Olaizola II.arekin eta Urrutikoetxearekin berdinduta. Olaizolak eta Urrutikoetxeak 22-21 irabazi zioten 4. postuan dauden Altuna III.a-Galarza (6 garaipen) bikoteari.
Ezkurdia eta Martija daude sailkapeneko 3. postuan, 7. garaipena erdietsi baitzuten 22-16ko emaitzarekin aurrera egiteko aukerarik gabe dagoen Victor-Mariezkurrena bikotearen aurka.
Gauzak horrela, ezustekorik ezean, Jakak eta Zabaletak finalerdietarako txartela lortuko dute, eta finaletik partida bakarrera egotea bermatzen duen bigarren postua lortzeko lehian Artola-Imaz eta Ezkurdia-Martija bikoteek garaipen bateko abantaila dute postu hori aurkitzeko aukerak dituzten Altuna III.a-Galarza eta Laso-Albisu bikoteekiko.
Sailkapenaren behealdean, berdinduta dauden Irribarria-Rezusta eta Olaizola II.a-Urrutikoetxea bikoteen artean dago playoffetarako azken txartela eskuratzeko lehia. Momentuz, tanteoa Irribarriaren eta Rezustaren aldekoa da.
|
BINAKAKO TXAPELKETAKO SAILKAPENA | ||||||
| Bikoteak | Partidak | Tantoak | ||||
| Jok. | Irab. | Ald. | Kont. | +/- | ||
| 1. | Jaka-Zabaleta | 11 | 9 | 238 | 161 | +77 |
| 2. | Artola-Imaz | 11 | 7 | 221 | 199 | +22 |
| 3. | Ezkurdia-Martija | 11 | 7 | 224 | 206 | +18 |
| 4. | Altuna-Galarza | 11 | 6 | 211 | 206 | +5 |
| 5. | Laso-Albisu | 11 | 6 | 213 | 219 | -6 |
| 6. | Irribarria-Rezusta | 11 | 4 | 204 | 212 | -8 |
| 7. | Olaizola-Urrutikoetxea | 11 | 4 | 176 | 225 | -49 |
| 8. | Victor-Mariezkurrena | 11 | 1 | 182 | 241 | -59 |
Zure interesekoa izan daiteke
Jon Ander Albisu: “Faborito kartel hori irabazi egin dugu, kantxan erakutsi dugun mailagatik”
Unai Laso eta Jon Ander Albisu elkarrizketatu ditugu ataunen, Binakako Txapelketa irabazi eta biharamunean. Ospakizunak luzatu ziren arren, bi pilotariak pozik eta harro ageri dira.
Ataundarrek omenaldi beroa egin diote Albisuri
Eguraldi eskasak ez du harrera zapuztu. Aurreskua dantzatu diote, eta bertsolariek bertsoak bota dizkiote. Ustekabeko nagusia Unai Lasok eman dio pilotari ataundarrari, atzelariak ez baitzuen espero aurrelariak omenaldian parte hartzea. Albisu herriarekin "oso eskertuta" azaldu da.
Laso eta Albisu txapeldunek senideekin eta lagunekin ospatu dute, igande gauean, Binakako finalean lortutako garaipena
Unai Lasok eta Jon Ander Albisuk, arratsaldean, Nafarroa Arenan, finalean, Altuna III.a eta Ezkurdia menderatu zituzten; gauean, senideekin eta lagunekin ospatu dute, giro ederrean.
Jon Ander Albisu, Binakako finaleko pilotaririk onena
Atzelari ataundarrak, Unai Lasorekin batera lortutako txapelaz gain, finaleko pilotaririk onenarentzako saria ere eskuratu du, igandean, Nafarroa Arenan.
Ia 3 minutu iraun ditu finaleko tantorik onenak!
Tanto gogorra eta oso lehiatua izan da 9 eta 13koa. 2:59ko iraupena izan du eta guztira 69 pilotakada eman dituzte finaleko lau protagonistek. Finalak izan duen tentsioaren eta lehiakortasunare adierazle garbia.
ARGAZKI-GALERIA: Unai Laso eta Jon Ander Albisuk irabazitako Binakako Txapelketako finalak utzitako irudi ikusgarriak
Unai Laso eta Jon Ander Albisu 16-22 gailendu zaizkie Jokin Altuna eta Joseba Ezkurdiari, Nafarroa Arenan jokatutako 2026ko Binakako Txapelketako finalean. Galeri honetan, neurketak utzitako hainbat une esanguratsuren argazkiak aurkituko dituzue.
Unai Laso hunkitu egin da Txus Villalabeitia fisioterapeutaren mezuarekin
Jon Ander Albisurekin batera Binakako Txapelketako finala irabazi eta gero, Unai Lasok hamaika zorion mezu jaso ditu, tartean Txus Villalabeitia fisioterapeutarena.
Albisuren ama eta anaia: “Ametsa bete da"
Jon Ander Albisuren ama eta anaia pozez gainezka agertu dira Baikoko pilotariak partida irabazi ostean. Bitxikeria bat ere kontatu dute: pilotariaren alabak amets egin zuen aitak txapela irabaziko zuela.
Unai Laso: "Oso hunkituta nago"
Unai Laso eta Jon Ander Albisu dira 2025-2026ko Binakako Txapelketako txapeldunak. Baikoko pilotariak lehen aldiz nagusitu dira txapelketa honetan, Altuna III.a eta Ezkurdia 16-22 garaituta. Lasok hunkituta egin ditu lehen adierazpenak.
Jon Ander Albisu: “16 urte eta gero, txapela buruan”
Unai Laso eta Jon Ander Albisu dira 2025-2026ko Binakako Txapelketako txapeldunak, Altuna III.a eta Ezkurdia 16-22 garaituta. Ataungo pilotariaren lehen hitzak jaso ditugu bideo honetan.